Lucas 6:23 - Nuevo Testamento Toba Sur

²³ Qaq ÿataqta qauamaichiguiñi qataq ÿataqta qantoñiitapigui' qome que'eca na'a'q, cha'ayi ÿataqta lta'adaic qome da qanshiitenaguiiqui da piguem. Cha'ayi nachida da 'eetec co'ollaxa so hua'au lta'alpi ne'ena shiÿaxauapi da sa ishit da iyacnapec som hua'au ltaxaÿaxanaxanecpi ñi Dios.

Nuevo Testamento Toba Sombrero Negro

²³ Qom yovita ga'me nolo' qom ami 'yeteque da'me dojo', qama'le 'noota qom ami made'tape, anaviquila't da'me adamaiqui, qa'a t'adaic ga'me anejetenaguequi jo'ne auacoñiyeguet qomle di'me piyem. Anetoviñetac queda'me dia'me chiyoĝogueta 'me let'alpi jena'me jenjo' jiyaĝadipi 'yeteque da'me ja no'en joca'li dia'me Dios 'laqataĝanaĝanaqa.

La'aqtaqa Ñim Lo'onatac 'Enauacna 2013

²³ Qaq ỹataqta qauamaichiguiñi qome, qataq qauasocheetai' da qantonaxaqui, cha'aye Ñim Lo'onatac 'Enauacna mashe iqataxaatai' da lta'araic qansheetenaguiiqui. Cha'aye nataqa'en, nache 'eetec co'ollaxa so chegoxoguet namayepi da sa iyacnapec so hua'au la'aqtaxanaxanecpi Ñim Lo'onatac 'Enauacna.»

Lucas 6:23 Iomraidhean Croise

Mateo 5:12

Qaq ÿataqta qauamaichiguiñi qome qataq qantoñiitapigui', cha'ayi qami' qauacoñiiguet qome ca lta'adaic qanshiitenaguiiqui mayi hua'ague da piguem. Cha'ayi nachida da 'eetec da ncanaguec som hua'au l'aqtaxanaxanecpi ñi Dios co'ollaq saxanaqca da qoñiita.

Lucas 1:41

Nachi aso Elisabet co'ollaq hua'axaÿa da nquinaxanaxac, nachi so nogotolec mayi huetagui na lauel ndashiguem, nachi asomayi ÿataqta nlaqchigui so Espíritu Santo.

Lucas 1:44

Cha'ayi can chochi sa'axaÿa da 'adquinaxanaxac, nachi idaxanapec da ntonaxac yi nogotolec mayi huetaigui na iuel.

Lucas 6:35

Qalaxayi qami' ÿataqta qauauochiic ca qami' ipa'agueeta'pe, qataq qauaÿamaxachiita ca shiÿaxaua, qataq qau'aalaxanaxañi. Qalaxayi sa ishit da chochi huo'o ca qanaquichiita'a. Qaq yaqto' ÿataqta lta'adaic ca qanshiitenaguiiqui, qataq ÿataqta qami' llalqa ñim Dios mayi 'amaqtaqaic. Cha'ayi ñimayi ÿataqta choxonnataxanaxaic, ichoxoden nam 'agaqaicpi qataq nam qauemaicpi.

Hechos 14:10

Nachi ÿataqta ncosaxadeelec da 'enapega, 'eeta': –'Anachajñi qome, 'auapiaxaayiñi naua 'adchil. Nachi se'eso shiÿaxaua npadenaxaashiguem da nachajñi, nachi iqueuoÿapigui'.

Hechos 3:8

Nachi se'eso shiÿaxaua, somayi ÿataqta npadenaxaashiguem da nachajñi, nachi jec da queuoÿapigui'. Nachi lÿatreuo soomayi da tau'a aso n'onaxanaxaqui. Huaña, nachi queuotapigui', padenaxaatac qataq ÿi'oxodeetac ñi Dios.

Hechos 5:41

Nachi se'esoua Jesús lamaxa'shi chigoqtoiguilo so nta'alpi ÿataqta huo'o da ntonaxa'c, cha'ayi ñi Dios ÿashiitegueta soomayi da huo'o da nque'ejnaxa'c, huasoidelec da l'enaxat so Jesús.

Romanos 5:3

Qaq sa ishit da chaqdata de'eda. Nataq'en samaqchiguiñi souaxat da qanque'ejnaxac. Cha'ayi qomi' saÿajnaq da de'eda que'ejnaxac i'ot da qadhualaxavic,

2 Corintios 12:10

Qaq ÿoqo'oyi samachiguiñi da huo'otaq qaica ca i'añaxac, huo'otaq da aÿim qaishiueetac, huo'otaq da huo'o da iuenaxanaxa, huo'otaq da aÿim qaicaatac, huo'otaq da souaigui ca lqalaic, sasoilec so Cristo. Cha'ayi da huo'otaq ÿapacteec da qaica ca i'añaxac, qalaq ÿacteec da aÿim 'añaxaic.

Colosenses 1:24

Qaq nagui aÿim ÿataqta samachiguiñi, cha'ayi huo'o da ñique'ejnaxac souaxat da qoñiita. Cha'ayi de'eda nque'ejnaxac da ÿalamaxat i'oquiaxac, damayi naigui da yaqto' nalochiguiñi naq'en na nque'ejnaxacpi so Cristo souaxat na 'amqajnataxanaxaicpi mayi nachina na 'ico' l'oquiaxac somayi.

2 Timoteo 2:12

da huo'o da qanque'ejnaxac, nachi 'en'am ñiuanaqhua'a qome da qailo'ogue 'enauacna. Da shinaqpec sa sauattonaq somayi, nachi 'en'am somayi 'enapec qomi' sa ÿauatto'n.

Hebreos 11:26

Qataq 'eeta'am da ÿataqta sallaxanec naq'en da huo'otaq sa ishit da qaiyacnapec souaxat da huasoilec so Cristo, qaq sa ishit da 'eeta'am naq'en 'enauac na yi'oqchigui nsallaxa yi Egipto. Cha'ayi somayi ÿataqta ilota'a que'eca lshiitenaxanaxac ñi Dios mayi ÿami' qominchiyi somayi.

Hebreos 11:6

Qaq ÿoqo'oyi sa ishit da huo'o ca chochi ÿaÿamaxadeeta ñi Dios da huo'otaq qaica ca lpi'iÿaxac. Cha'ayi da qanquigueu'a ñimayi, qalaq ñi 'oonolec iuen da ÿataqta i'amaqten ñi Dios da ÿataqta 'eesa da huo'o, qataq i'amaqten da ñimayi ishit da ishiiten cam nmitaique ñimayi.

Santiago 1:2

Qami' ÿaqaÿa't, ÿataqta ÿacteec qanqashiñi da qantonaxaqui qom qami' nvitalo na ÿotta'a't ñi'iguenataxanaxac.

1 Pedro 4:13

Qaq chaqdato' qome da ÿataqta qauamaichiguiñi da qami' qanhuañiÿau'a na nque'ejnaxacpi so Cristo, yaqto' ÿataqta qami' nlaqchiguilo da qantonaxaqui qom qaualoÿa'a da lli'oxoyic qom ivita da ñi'iguelaq somayi.

Apocalipsis 2:17

Qaq ÿoqo'oyi ca ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, nachi aÿim sanem da chic ca nallic saq cha'a mayi chigoqo'ot ñi Dios, qataq nataq'en sami' ca coma' lapagaxaic. Qaq que'eca coma' nanettalec ca dalaxaic l'enaxat mayi sa ishit da huo'o ca ÿaÿaten, chaqcata cam ÿaconguet mayi ÿaÿaten.”

Apocalipsis 2:26

Qaq cam dauegaxan, qataq ividaxatta'a ca loga'tna da i'ottac cam saÿamaxadeeta, qaq camayi sanem da ÿamaqpec na ÿotta'a't shiÿaxauapi,

Apocalipsis 2:7

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, qaq aÿim sanem da chic ana ala ada qo'ipaq mayi chigaqaigui da nca'alaxa mayi netangui na laiñi yi lanaxanqa' ñi Dios.”

Apocalipsis 21:7

Qaq cam dauegaxan qome, nachi qoÿami' 'enauac ne'ena, 'eeta'am da nshiitenaxat qanqoÿin. Nachi camayi aÿim lta'a Dios, qaq camayi ÿalec.

Apocalipsis 3:12

Qaq cam dauegaxan qome, nachi aÿim sanagui da 'ico' aca nhuoqte mayi nllañi aca l'onaxanaxaqui ñi ita'a Dios, nachi camayipi sa ishit da nauane' da pa'auec. Qaq camayipi sedelec da l'enaxat ñi ita'a Dios qataq ca l'enaxat cam lma' ñimayi, cam dalaxaic Jerusalén mayi chigoqo'ot na piguem, chigoqtot ñi ita'a Dios. Nataq'en sedelec camayipi ca dalaxaic i'enaxat.

Apocalipsis 3:5

Qaq cam dauegaxan qome, nachi qoÿanaxanaxaanguilo caua anogo lapagaxaiqa. Nachi sa ishit da sapalaxat ca l'enaxat da qoÿittau'a aca nanedaxalate na nca'aleec. Qataq sa'axateu'a ñi ita'a qataq na lamaxashic piguem l'ecpi.