Lucas 6:12 - Nuevo Testamento Toba Sur

¹² Qaq huo'o so na'a'q nachi so Jesús tashiguemec aso saqaÿoqotchiguemec 'alhua da natamen, nachi imatteec se'eso pe da natameetacot ñi Dios.

Nuevo Testamento Toba Sombrero Negro

¹² 'Uo ga'me nolo' ca'li Jesús dajoyi ga'me qajoĝonaĝa qaedi netamen, qama'le yemata ga'me pi'yaq da'me netametapecot joñe'me Dios.

La'aqtaqa Ñim Lo'onatac 'Enauacna 2013

¹² Qaq se'esoua na'axa'te So Jesús tasheguemec aso saqaỹoqotcheguemec 'alhua da yaqto' nqouagaxauen, nache imattec se'eso pe da na'aqtaxaatague' Ñim Lo'onatac 'Enauacna.

Lucas 6:12 Iomraidhean Croise

Mateo 5:1

Qaq so Jesús co'ollaq ila'a da ÿataqta qalota so shiÿaxauapi, nachi nqo'ooshiguemec aso qasoxonaxa, nachi nso'ooñi, nachi so lapaxaguenatacpi laponeu'a somayi.

Mateo 6:6

Qalaxayi 'am da ivita da 'anatamen, qalaq 'aunoxonoigui ca 'adma'. Nachi 'auapogui ca lasom. Ime, qaq 'anqouagaxaunot ñim 'adta'a mayi saq cha'a, ñim 'am hueta'aguet. Nachi ñimayi mayi ÿaÿaten cam saq cha'a mayi 'au'ottac, ishit da ÿauo'o ca 'anshiitenaguec.

Marcos 1:35

Qaq co'ollaq ña qaÿata'aguet so na'a'q, nachi so Jesús ñishiguem, nachi tauga ca pa'auec so la ciudad da nda'a't da nqouagaxauen.

Marcos 3:13

Qaq co'ollaq ime de'eda, nachi so Jesús tashiguemec aso qasoxonaxa, nachi huaña co'ollaq ÿauo'oi soua iÿaxanalo, som lca'agui'shi. Nachi soomayi naÿalo somayi.

Marcos 6:46

Qaq co'ollaq ime da ncoyigueetague' somayipi, nachi jec da tashiguemec aso qasoxonaxa da nqouagaxauen.

Lucas 5:16

Qalaxayi so Jesús tauga quenaxa cam tojlec mayi qaica na shiÿaxauapi. Huaña, nachi nqouagaxaueetac.

Lucas 6:11

Qalaxayi somayipi ÿataqta dalemata. Ime, nachi nnattega't da chaq hua'ague ca ishit da qoÿiitec so Jesús.

Lucas 6:17

Nachi so Jesús huenoteeguesop aso saqaÿoqotchiguemec 'alhua, lÿata'pe soomayi. Qaq co'ollaq qanviyiña aso lcomadaxalate, nachi somayi qataq soua lapaxaguenataqa nachi vi'iigueta. Qaq nataq'en ÿataqta qalota na shiÿaxauapi chigaqaña 'enauac yim 'alhua l'enaxat Judea, qataq yi Jerusalén, qataq na loigue yi Tiro qataq yi Sidón. Namayipi anac da huotaique da n'axaÿaxana so Jesús, qataq da qanataden da lalolaxa.

Lucas 9:18

Huo'o so na'a'q so Jesús co'ollaq ndoteec da nqouagaxaueetac, qaq nnaictagueto soua lapaxaguenataqa, nachi inatta'pe, 'eeta': –¿Chaq négue't ca ipettega aÿim na shiÿaxauapi?

Lucas 9:28

Qaq co'ollaq mashi inoxoodeec soua ocho na'axa'te da nasaxauec de'eda so Jesús, nachi nqo'ooshiguemec aso qasoxonaxa da nqouagaxauen, nnaictagueto soua Pedro, Santiago, qataq so Juan.

Lucas 9:29

Qaq co'ollaq queta da nqouagaxaueetac, nachi da lashiguiaxac nqochin, qataq soua alogo ÿataqta ÿapaga'q qataq qashilectrapiguiñi.

Juan 6:3

Nachi so Jesús tashiguemec aso qasoxonaxa. Huaña, nachi nso'oota'ai'salo soua lapaxaguenataqa.

Colosenses 4:2

Qami' ÿataqta qoquiitot qome da qanqouagaxaunaxaqui. Qanloiteec, qataq qai'añiitacot da qan'achiquiaxaqui ñi Dios.

Hebreos 5:7

So Cristo co'ollaq hueta'a ana 'alhua, qalaq somayi ÿataqta nlamaxaden da nqouagaxaueetac qataq da deÿaxaatac, noÿiito'ot ñim Dios mayi huo'o da l'añaxac da yaqto' nca'alaxateeguesop somayi da nleuaxa. Qalaq ñi Dios hua'axaÿa somayi, souaxat somayi da ÿataqta nañanot ñimayi.