Lucas 5:35 - Nuevo Testamento Toba Sur

³⁵ Qalaxayi qom ivita ca laloqo' da qanqateu'a que'eca adonaq, huaña qome, qaqca ishit da nqouaqchit camayipi.

Nuevo Testamento Toba Sombrero Negro

³⁵ Qalaĝaja yovita jo' qom'te ga'me laloqo' da'me male qoyauec ñe'me nojaĝaua; qom yovita ga'me nolo', qama'le eja chimaqachiñe da'me noqouaqatela'ajalo jogaa'me.

La'aqtaqa Ñim Lo'onatac 'Enauacna 2013

³⁵ Qalaxaye qom ivita ca laloqo' da qaỹauec que'eca aronaq, huaña, nache ishet da nqouaqchet cam ncoyeguenatacpi.

Lucas 5:35 Iomraidhean Croise

Mateo 9:15

Nachi so Jesús 'enapeco': –¿Peta'a ishito' da ÿaatañi ca lasouaxaqui cam qaicoyiguen da ÿalectau'a cam nadonaxac da huo'otaq ña qaÿalecta'aguet ca auonaxaua? Qalaxayi huo'o ca na'a'q da ivita da qanqat ca auonaxaua, huaña, nachi ishit da nqouaqchit camayipi.

Marcos 2:20

Qalaxayi anata ca na'a'q da qaÿauec camayi. Huaña qome, nachi namayipi ishit da nqouaqchit.

Lucas 17:22

Nachi 'enapega so lapaxaguenatacpi, 'eeta': –Huo'oi qome caua na'axa'te, qaq qami' huo'o da qadyaqai da qanauañi' cam 'oonolec caua na'axa'te mayi huetoigui da nachaxan na shiÿaxaua llalec, qalaxayi sa ishit qome da qanauañi'.

Lucas 5:34

Nachi so Jesús 'enapeco': –¿Qami' peta'a ishito' da nqouaqchit qanqashiñi nam ÿalectau'a ca nadonaxac da huo'otaq ña ÿalectaigui camayipi cam huotaique da qaÿadonguet?

Lucas 5:36

Nataq'en ÿauo'o da daloqnaxana, 'eeta': –Qaca aca ishit da ichigueec ca laÿi aca npoto dalaxaale, ime, qaq dapannaxana da napaden aca toguishi npoto. Cha'ayi da nachi 'eetec de'eda, qaq ishit da n'axat ca dalaxaicolec, cha'ayi que'eca dalaxaicolec sa ishit da taiguet acam toguishi npoto.

Juan 12:8

Qami' nachi 'eetai' da qoviita'aguet na choxodaqpi; aÿim, qalaxayi sa ishit da nachi 'eetai' da aÿim qoviita'aguet.

Juan 13:33

Qami' ÿalqolqa, mashi sa ishit da loigui da qami' soota'agueta. Qaq qami' qome aÿim qanmichiitaique, qalaxayi nachi 'eeta'am de'eda i'aqtac co'ollaq shiitega na judiopi da shiita': Sa ishit qome da qauañoxochi da qanqo'oñiÿa cam saÿa.

Juan 16:28

Aÿim sachigoqtot co'ollaxa ñi ita'a da ñanaÿa ana 'alhua, qalaxayi nagui aÿim shica'ai ana 'alhua da shi'iguelaxa ñi ita'a.

Hechos 1:9

Qaq co'ollaq ime da i'axattac de'eda so Jesús, nachi ÿauaachiguilo soomayi co'ollaq naÿoxotchiguem da qaÿaueegue da piguem. Qaq anac so l'oc, nachi taigui. Huaña, nachi sa ishit da qaila'a.

Hechos 14:23

Nataq'en qaÿauo'o na lataxala'pi na 'amqajnataxanaxaicpi. Qaq co'ollaq ime da sa deque'e' souaxat da nqouagaxaunaxa'c, nachi qan'onaxata'aguet namayipi da ltelaxa ñi qadataxala' mayi qai'amaqteetac.

Hechos 3:21

Qalaxayi so Jesucristo nagui iuen da ñaq neta'ague da piguem, to' qom ivita ca na'a'q da ñi Dios nadalaxat 'enauac na l'onatacpi, cha'ayi ñimayi nachida dam 'enapec co'ollaq i'aqtaxanaxan som hua'au l'aqtaxanaxanecpi mayi qui'itta.

1 Corintios 7:5

Qaq sa ishit da nmaqtega't caamayi. Chaqdata da huo'otaq nsoxoota't caamayi da ÿauo'o ca laloqne'c da sa ishit da nauaña't da ÿauotraique da ÿataqta nañaadeguet da nqouagaxaunaxa'c. Qalaxayi da ime, nachi qaltaq ipactegue da nauaña't, cha'ayi sa iuena'a da ÿasouaxat da sa ishit da naÿateetrela't, nachi so Satanás huo'o ca lligueuo da ÿauo'o ca lasouaxashi't.

2 Corintios 11:27

Qataq ñique'etaxangui da i'onataxanaxac qataq da ñaqalaatapigui'. Qalota da sa ishit da so'ochi, qataq ñique'etaxangui na ÿoqouaxa qataq na ÿaquip, qataq qalota da ñoqouaqchijla't. Qataq ñauane' da ñique'etaxangui na latomaxa, qataq da qaica ca ñapogoña.