Lucas 5:29 - Nuevo Testamento Toba Sur

²⁹ Ime, qaq i'ot so lta'adaic lqui'axac, huaña so lma' da lqui'axaua so Jesús. Nachi ÿataqta qalota na ÿalectauo nam ÿacootapeeguet ana nshiitenaqte ca nta'a, qataq qalota nam laÿipi nso'ootañi, datatalec se'eso nqui'axala'.

Nuevo Testamento Toba Sombrero Negro

²⁹ Qama'le Leví ya'uo ga'me en yema'a't ga'me jiyaĝadipi jo'ne yacha'ña di'me 'lachaqa' qaedi qoyiqui'yaĝan joñe'me Jesús; qama'le qayoĝode' gaa'me lo'ol da'me nejetenaguec ñe'me jaliaĝanec jo'ne Roma le'ec nataq'aen jiyaĝa'u laqaya' jo'ne ñichidiñe da'me deque'tape.

La'aqtaqa Ñim Lo'onatac 'Enauacna 2013

²⁹ Qaq nacheso se'eso na'a'q da so Mateo ỹo'ot so lta'araic lquia'axac, souaxat da huo'o naq 'enec naqa'en So Jesús. Nache iỹaxana da lquia'axaua so qalota nam ỹacootapeeguet ana nsheetenaqte ca nta'a maye netaña ye Roma, qataq qalota so laỹepi.

Lucas 5:29 Iomraidhean Croise

Mateo 11:19

Ime, qataq anac na shiÿaxaua llalec, qaq namayi deque'etac, qataq nÿomtac, nachi qami' qoñiitega da namayi qui'axaic, nÿomaxaic, qataq nauochaxaua nam 'itaxaloxoicpi qataq nam ÿacootapeeguet ana nshiitenaqte ca nta'a. Qalaxayi da laÿajnec ñi Dios yi'oq cam naigui.

Mateo 5:46

Cha'ayi qami' da ndoteec cam qami' ÿauoteque, qaq nachica qauauochiic, nachi ¿huá'ago' ca 'eetec da huo'o ca qanshiitenaguiiqui? Cha'ayi nataq'en i'ot de'eda nam ÿacootapeeguet ana nshiitenaqte ca nta'a.

Mateo 9:10

Qaq so Jesús co'ollaq mashi hueta'a ca nma' da deque'etac, nachi ÿataqta qalota na ÿalectauo nam ÿacootapeeguet ana nshiitenaqte ca nta'a qataq nam laÿipi 'itaxaloxoicpi mayi anac da lqui'axaua somayi qataq soua nale't.

Mateo 9:9

Qaq so Jesús co'ollaq ca'ai yi'iyi, nachi ila'a so shiÿaxaua l'enaxat Mateo. Somayi nso'ootañi, netaigui aso l'onataxanaxaqui. Nachi 'enapega, 'eeta': –Aÿim qoquegue. Nachi so Mateo ñishiguem, nachi ca'ategue somayi.

Marcos 2:15

Qaq so Jesús co'ollaq deque'etac, hueta'a ca lma' so Leví. Nachi qalota nam ÿacootapeeguet ana nshiitenaqte ca nta'a, qataq na 'itaxaloxoicpi da nso'ootañi da lqui'axaua so Jesús qataq soua lapaxaguenataqa, cha'ayi ÿataqta qalota nam quetague' somayi.

Lucas 15:1

Huaña, nachi anac da n'axaÿaxana so Jesús 'enauac nam 'itaxaloxoicpi qataq nam ÿacootapeeguet ana nshiitenaqte ca nta'a.

Juan 12:2

Nachi qai'ot so nallic da qaique'elec so Jesús. Nachi aso Marta huetapec, qaq so Lázaro ÿalectauo, datatalec so nqui'axala' da lqui'axaua somayi.

1 Corintios 10:27

Qaq sa iuena'a da huo'otaq huo'o ca saxanaxa da da'amqajnataxan da qami' 'enapegalo da qadqui'axauai, qaq qolliqui 'enauac nam qami' ÿanema. Sa ishit da qaunataxañiitapeguec ca chigaqa'ague, yaqto' sa ishit da sa ÿaÿamaxañi da qadhuennataqai.