Lucas 5:10 - Nuevo Testamento Toba Sur

¹⁰ Nataq'en ñi'i't so Santiago qataq so Juan som llalqa so Zebedeo mayi lÿa't so Simón. Qalaxayi so Jesús 'enapega so Simón, 'eeta': –Sa ishit qome da 'ayi'i, cha'ayi nagui qami' sanaguilo da qami' ÿi'acoxoiqa da qanmichiÿaique na shiÿaxauapi.

Nuevo Testamento Toba Sombrero Negro

¹⁰ Nach'e ena'am do'e ñe'me Santiago nataq'aen Juan, c'oqo'te ñe'me Zebedeo, jo'ne mach'e naigaĝa'u ñe'me Simón. Qalaĝaja Jesús t'aqataĝanem ñe'me Simón: —Ena'te ado'e; ¡chiyoqochiñe nayi da'me male am lo'o da'me anemitaque ga'me jiyaĝadipi!

Lucas 5:10 Iomraidhean Croise

Mateo 13:47

Nataq'en da l'onataxanaxac ñi Dios mayi neta'ague da piguem, damayi 'eeta'am ca naleguec mayi qaÿalliguingui aca auaxai, nachi ÿataqta ÿalecta't nam lalliiguishic nÿaqpi.

Mateo 14:27

Nachi so Jesús 'enapegalo soomayi, 'eeta': –¡Qan'añaxachi qome, sa ishit da qayi'ii, nachaÿim!

Mateo 20:20

Nachi nqochineu'a so Jesús aso late'e' soua Santiago qataq so Juan som llalqa so Zebedeo. Nachi asomayi lÿatreuo soua llalqa da i'adoto na l-llicte so Jesús, da yaqto' iÿaxanot.

Mateo 4:19

Nachi so Jesús 'enapegalo, 'eeta': –Aÿim qoquiigue, yaqto' qami' sanaguilo da qanmichiÿaique na shiÿaxauapi, qoñiita'am ca ÿi'acoxoic.

Mateo 4:21

Qaq co'ollaq mashi qaÿata'aguelo, nachi so Jesús qaltaq ila'alo soua lÿa't nqaÿa't, Santiago qataq so Juan. Soomayi nachi llalqa so Zebedeo, netrangui aso barco, huaqta'ato so lta'a', napadeeta'pe so lalegue'c. Nachi so Jesús iÿaxanalo soomayi.

Marcos 1:17

Nachi so Jesús 'enapegalo', 'eeta': –Aÿim qauca'achiigue, nagui qami' sanaguilo da qanmichiÿaique na shiÿaxauapi, qoñiita'am ca ÿi'acoxoic.

Lucas 5:7

Nachi soomayi ÿatecapeguetalo soua lÿa't mayi netanguilo aso lÿa barco, da yaqto' ana'c da itaua'n soomayi. Nachi se'esoua lÿa't ana'c, nachi ÿataqta qanlaxatchiguilo soua dos barco. Qaq ÿoqo'oyi huac da iyiiyiñi soua barco.

Lucas 5:9

Cha'ayi so Simón ÿataqta ñi'i, nataq'en 'enauac som hueta'aguetpi souaxat da 'eetec som nalliguishicpi.

Lucas 6:14

Qaq 'ena na l'enaxatpi somayipi: Simón som ilonec da l'enaxat Pedro, qataq so Andrés som lqaÿa so Pedro, qataq so Santiago, qataq so Juan, Felipe, qataq so Bartolomé,

Juan 21:2

Soomayi co'ollaxa ÿalecta'a't so Simón Pedro, Tomás som qaÿamata'ac da huaya', qataq so Natanael mayi lma' yi Caná yim huaigui yi Galilea, qataq soua llalqa so Zebedeo, qataq soua lÿa't dos lapaxaguenataqa so Jesús.

Hechos 2:4

Nachi 'enauac somayipi ÿataqta nlaqchigui so Espíritu Santo. Huaña, nachi da'aqtaxanguilo naua ÿaqa'alo n'aqtaqa mayi chigoqo'oto so Espíritu.

2 Corintios 8:23

Qaq da huo'otaq huo'o ca denataxanec so Tito, qaq qau'aqtaxañiim camayi da so Tito maichi itaua, aÿim itauaatac da qami' huetapegueto. Qaq da huo'otaq qainataxanec soua lÿa't qadqaÿa't, qalaq qau'axachi' sa soomayi maichi lamaxa'shi nam 'amqajnataxanaxaicpi mayi hueta'a ne'ena soota'a, qataq soomayi ÿi'oxodeetrac so Cristo.

2 Timoteo 2:26

yaqto' nal'en da ntouen, qataq ca'ai da lqoinaxanaxac so shiÿaxaua lma'na mayi lcoñitaguishic da i'ot naq'en ca maichi 'eetapeguec.