Lucas 4:34 - Nuevo Testamento Toba Sur

³⁴ –Qomi' 'auaqta'alo. ¿Tá'ainco' yi qomi' sa 'aualemaxa't, 'am Jesús Nazaret l'ec? ¿Peta'a qomi' 'auanaÿalo da qomi' 'anlaxajyiñi? Aÿim 'am sauatton, qataq saÿaten da nachi'am lalamaxat ñi Dios.

Nuevo Testamento Toba Sombrero Negro

³⁴ —¡Jaa! ¿Toqoch'e qo'mi aualequete'n, am Jesús jo'ne at'achaqa' di'me Nazaret? ¿Qo'li auanaequena qaedi qo'mi auapalaĝa't? Am jateton: yataqachiñe jayaten da'me mach'e am Dios lec'oĝot jo'ne ja 'nalegue.

La'aqtaqa Ñim Lo'onatac 'Enauacna 2013

³⁴ –¡'Am Jesús Nazaret le'ec! ¿Negue't ca 'auauotaique da qomi' 'auo'oteque? ¿Qomi' 'auanaỹalo peta'a da qomi' 'aulaxachiguilo? Aỹem 'am sauatton. ¡'Am nache 'am Llalec Ñim Lo'onatac 'Enauacna!

Lucas 4:34 Iomraidhean Croise

Mateo 8:29

Nachi soomayi i'alaqtai'salo, 'eeta': –¿Tá'ainco' yi qomi' 'atapegueu'alo, 'am Jesús mayi 'am llalec ñi Dios? ¿'Am 'auanaicna'a peta'a da 'auauo'o da qanque'ejnaxac, qamaq saxanaxa da sevitaxa ca qadaloqo'?

Marcos 1:24

–¿Tá'ainco' yi qomi' 'atapegueu'alo, 'am Jesús, Nazaret l'ec? ¿Qomi' 'auanaÿalo peta'a da qomi' 'anlaxajyiñi? Aÿim 'am sauatton, qataq saÿaten da nachi'am lalamaxat ñi Dios.

Marcos 1:34

Nachi so Jesús ÿataqta qalota na nataden nam sa no'onpi ÿotta'a't na lalolaxashitpi, nataq'en qalota na i'odauec na l'ec leguemaxaic, qalaxayi sa ishit da huo'o ca ÿashiitem da da'aqtaxan na n'ecpi, cha'ayi namayipi ÿataqta ÿauattoota somayi.

Marcos 5:7

Nachi ÿataqta nlamaxaden da 'enapega, 'eeta': –¿Tá'ainco' yi aÿim 'atapegueu'a, 'am Jesús, mayi 'am llalec ñi Dios mayi 'amaqtaqaic? Ñi Dios aÿim ÿauaachigui da 'am ñachoxodeetot da sa ishit qome da 'auauo'o ca ñique'ejnaxac.

Lucas 1:35

Nachi so namaxashic 'enapeco': –Qomyi ca Espíritu Santo qome 'am tanguit, nachi da l'añaxac ñi Dios mayi 'amaqtaqaic 'am ipelteelec, 'eeta'am ca l'oc. Qaq ÿoqo'oyi que'eca nogotolec mayi ñiguiñi, camayi ÿataqta qoÿanot da hueto'ot ñi Dios, nachi qaÿamata'ac da llalec ñimayi.

Lucas 4:33

Nachi aso laponaxaqui nam judiopi ÿalectauo so shiÿaxaua mayi huo'o so l'ec leguemaxaic. Nachi somayi i'alaq, 'eeta':

Lucas 4:41

Qataq qalota na dalolaxaicpi jec na l'ec leguemaxaicpi. Nachi i'alaqtai', 'eeta': –Nachi'am mayi 'am llalec ñi Dios. Qalaxayi so Jesús nlaxa ne'ena n'ec leguemaxaicpi, qataq sa ÿashinem da detaqa, cha'ayi namayipi ÿaÿaten da somayi nachiso so nta'a mayi nca'alaxaqui.

Lucas 8:28

Somayi co'ollaq ila'a so Jesús, nachi i'adoto naua l-llicte, nachi i'alaqtac, 'eeta': –¿Tá'ainco' yi aÿim 'atapegueu'a, 'am Jesús mayi 'am llalec ñim Dios mayi 'amaqtaqaic? 'Am ñachoxonnot nagui sa ishit qome da 'auauo'o da ñique'ejnaxac.

Lucas 8:37

Nachi 'enauac na shiÿaxauapi mayi lma' yi Gadara, nachi nachoxodeetacot so Jesús da ca'ai yimayi souaxat da ÿataqta qalota da lcolanaxa. Nachi so Jesús qaltaq huenojñigui aso barco, nachi jec.

Hechos 16:39

Nachi somayipi anac, nachi nmaatacoto so Pablo qataq so Silas. Ime, nachi nqatreec soomayi, nachi nachoxodeetacoto, da yaqto' soomayi queda'ai yi la ciudad.

Hechos 2:27

Cha'ayi 'am sa ishit da 'aualataña so iqui'i cam laponqa' na leuaxaicpi, qataq sa ishit da 'auashiitem da nlaguiñi da l'oquiaxac nam 'adamaxashic mayi 'adauotaxat.

Hechos 3:14

Nachi qami' sa qauÿaxañiu'a da qaisouec so shiÿaxaua mayi qui'itta qataq no'on da lataxac; nda'a't da qami' qauÿaxañiu'a da qaisouec som laataxanaxaic.

Hechos 4:27

Cha'ayi ÿataqta 'eesa da ñi nta'a Herodes qataq ñi Poncio Pilato, naamayi co'ollaxa lapona't, huetra'a ne'ena la ciudad, qaÿauaxaiguet nam chigaqhuec qataq nam maichi llalaqpi so Israel, da 'enauac qanpa'aguena som qui'itta 'ai'alec Jesús mayi 'ai'anagui da nta'a mayi qadca'alaxaqui.

Hebreos 2:14

Ca ñalaqpi mayi 'oonolec ca qaÿachigoxoigui, camayipi 'eeta'a't da l'oquiaxac qataq naua ltago'q. Qaq nachi 'eetec nataq'en so Jesús, somayi da l'oquiaxac qataq naua ltago'q chigoqchiguilo na shiÿaxauapi, yaqto' somayi ishit da ileu, huaña, nachi nlaxajñi som hueto'ot da n'añaxac da dalaataxan, som shiÿaxaua mayi lma'na.

Santiago 2:19

'Am nalotau'a da 'adpi'iÿaxac da 'au'amaqten da 'oonolec ñi Dios. Qaq damayi ÿataqta ÿaÿamaqchiguiñi. Qalaxayi nataq'en i'amaqten de'eda na lamaxashicpi so shiÿaxaua lma'na. Ÿoqo'oyi ÿataqta iviloxolaqchit da lcolanaxa.

1 Juan 3:8

Qalaxayi cam quetot da i'otta'pe naua lasouaxashi'te, camayi quetague' som shiÿaxaua mayi lma'na. Cha'ayi somayi nal'ena da ÿataqta 'itaxaloxoic co'ollaq chita'ague huo'o ana 'alhua. Qaq ÿoqo'oyi so llalec ñi Dios anac da yaqto' nlaxajñi 'enauac nam l'onataxanaxacpi somayi.

Apocalipsis 20:2

Qaq se'eso namaxashic, somayi ÿaconeu'a so 'ico' da'ail'oc som l'atchiguiñi n'adaxanaq mayi nachiso so shiÿaxaua lma'na, l'enaxat Satanás, nachi icoñidai' mil vi'iyi.

Apocalipsis 3:7

Nataq'en 'auamaxa aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Filadelfia. Qoneta': “'Eeta' da l'aqtac nam ÿataqta qui'itta qataq 'eesa, nam hueto'ot ana lvinaqte ca lma' so nta'a David, nam da ÿauatoigui ca lasom qalaq sa ishit da huo'o ca ishit da ÿapogui, qataq da ÿapogui ca lasom qalaq sa ishit da huo'o ca ishit da ÿauatoigui: