Lucas 4:22 - Nuevo Testamento Toba Sur

²² Nachi 'enauac qaÿi'oxodeetac so Jesús qataq ÿataqta qai'aalatapeguec souaxat naua l'aqtaqa ÿataqta 'onaxaiqa. Nachi nnattega't somayipi, 'eeta': –De'eda, ¿peta'a sa nachido' da llalec so José?

Nuevo Testamento Toba Sombrero Negro

²² Qama'le ena'uaque yiyamaĝade'n ñe'me Jesús nataq'aen qoyoqoche'ema queda'me yataqachiñe onaĝayaqa daa'me 'laqataqa. Enapega't jogaa'me: —Qalaĝaja, ¡dojo' mach'e José c'oĝot!

La'aqtaqa Ñim Lo'onatac 'Enauacna 2013

²² Nache 'enauac qaỹo'oxoreetac So Jesús, qataq ỹataqta qaỹa'aalatapeguec souaxat naua la'aqtaqa ỹataqta ỹaguec da ỹaỹamaqchiyiñi. Nache nnattega't somayepi, 'eeta': –De'era, ¿peta'a sa nachero' da llalec so José?

Lucas 4:22 Iomraidhean Croise

Lucas 2:47

Nachi 'enauac nam n'axaÿaxaatega somayi ÿataqta huo'o da l'aalaxa souaxat da ÿataqta ÿaÿaten da i'axategue nam qainataxaatapeguecpi.

Lucas 2:48

Nachi soua lta'al co'ollaq iloda'a somayi, nachi ÿataqta i'ela'q. Nachi aso late'e 'enapego' somayi, 'eeta': –'Am ÿalcolec, ¿tá'ainco' yi qomi' 'au'oteque de'eda? Ña 'aumeten da 'adta'a qataq aÿim ÿataqta huo'o da qadhuogoxo da 'am ñimitaqtaique.

Lucas 21:15

Cha'ayi aÿim qome qami' sanema caua qad'aqtaqalli' qataq ca qadaÿajñiqui, da yaqto' sa ishit da huo'o ca qami' dataÿa'agueta da qami' ncotaÿapegueto.

Lucas 4:21

Nachi somayi detaqa, 'eeta': –Nagui mashi ivita yi laloqo' da ipacchigui 'enauac na i'axat ana'ana ñiyiguishi mayi qan'axaÿaxañiitega.

Juan 1:45

Nachi so Felipe jec da nmitaique so Natanael. Nachi da'aqtaxanem, 'eeta': –Qomi' mashi ñauanaxai' ñim shiÿaxaua mayi ÿiyiñi co'ollaxa so Moisés naua lqataxaco mayi nanettrañi ana lede, ñim nataq'en ÿiyiñi co'ollaxa so l'aqtaxanaxanecpi ñi Dios. Ñimayi nachiñi ñi Jesús, ñim llalec so José mayi lma' yi pueblo Nazaret.

Juan 6:42

Nachi somayipi 'eeta': –¿Damayi sa ishito' da nachida da Jesús, dam llalec so José? Qomi' sauattonaq so lta'a José qataq aso late'e. Qaq ¿táloxochiyo' da 'enapec chigoqo'ot na piguem?

Juan 7:46

Nachi so huataxanaqpi 'enapeco': –¡Ÿataqta sa ÿauango' da huo'o ca 'eeta'am da ltaxaÿaxac de'eda shiÿaxaua!

Hechos 6:10

Qalaxayi sa ishit da qanalo'oguet somayi, cha'ayi da detaqa, qalaq na laÿajnec chigoqo'ot so Espíritu Santo.

Tito 2:8

Qataq na 'adapaxaguenataxanaxaco ÿataqta no'oite' naq'en, yaqto' sa ishit da huo'o ca n'aqtaguec da 'au'axattac. Nachaqdata da n'aloxon naq'en ca depa'aguenataxaatac, cha'ayi sa ishit da huo'o ca qami' ÿasaxalguete l'aqtac sa ÿaÿamaxañi.