Lucas 4:17 - Nuevo Testamento Toba Sur

¹⁷ Qanachi qoÿami' asom lliyiguishi so l'aqtaxanaxanec ñi Dios l'enaxat Isaías. Nachi co'ollaq ÿauachigui, nachi ilalec som huetaña so nedec, 'eeta':

Nuevo Testamento Toba Sombrero Negro

¹⁷ Qoyanem jaga'me nede jo'ne ledii's di'me Dios 'laqataĝanaĝanec Isaías; ca'li 'youachigui, qama'le yelaque ga'me nedii's jo'ne eetojo':

La'aqtaqa Ñim Lo'onatac 'Enauacna 2013

¹⁷ nache qoỹami' asom lereguishe so la'aqtaxanaxanec Ñim Lo'onatac 'Enauacna le'enaxat Isaías. Nache So Jesús ỹauachigui, ime, nache itaxaỹaxan som huetaña so nerec maye, 'eeta':

Lucas 4:17 Iomraidhean Croise

Lucas 16:29

Qalaxayi so Abraham 'enapega somayi, 'eeta': ‘Caamayi sogote da hueto'oto nam lliyigui'shi so Moisés qataq som l'aqtaxanaxanecpi ñi Dios; ¡nachinaua qome no'on da ÿalaxalguete!’ ”

Lucas 20:42

Yi som nta'a David 'enapec da l'aqtac mayi nanettañi anam lede mayi l'enaxat Salmos, 'eeta': Ñi qadataxala' Dios 'enapega ñi ÿataxala', 'eeta': “'Anso'oota'ague qome da aÿoic,

Lucas 4:16

Nachi so Jesús nqo'ona yi Nazaret yim pueblo mayi maichi lañaxataqa'. Qaq co'ollaq ivideuga so na'a'q mataxaqui, nachi inoxoneu'a aso laponaxaqui na judiopi, cha'ayi nachi n'onataxac somayi. Ime, nachi nachajñi da itaxaÿaxan yi l'aqtac ñi Dios.

Lucas 4:18

So n'Espíritu ñi qadataxala' aÿim netanguit, cha'ayi aÿim qoÿanagui da yaqto' sa'axatem da no'on l'axaÿaxac nam choxodaqpi, qataq aÿim qaÿamaxalec da ñataden na huo'o da laquicoxo, qataq da yaqto' sa'axatem da qaisouec na ncoñitaguishicpi, qataq da sanem da nauaañi ñaq'en na qaicaua naua l'ai'te, qataq da yaqto' sesouec nam qaica ca nyacnataguec,

Lucas 4:20

Ime, nachi so Jesús ÿapogui aso nede, nachi ÿami' som ilotague' asom laponaxaqui na judiopi. Ime, nachi nso'ooñi, nachi 'enauac nam huetaigui asom naponaxaqui ÿataqta qailochigui somayi.

Hechos 13:15

Qaq co'ollaq ime da qaitaxaÿaxaatac aso lede so Moisés mayi huetalec na nqataxacpi qataq asom lede som l'aqtaxanaxanecpi ñi Dios, nachi soua nataxala'te asom naponaxaqui, soomayi 'enapegalo soua Pablo, 'eeta': –Qami' qadqaÿa't, da huo'o ca qadqataxaqui, nachi no'on da qau'axachiim nagui na shiÿaxauapi.

Hechos 13:27

Cha'ayi nam shiÿaxauapi mayi netaña yi Jerusalén qataq nam lataxala'pi, namayipi sa ishit co'ollaxa da ÿauatton so Jesús, qataq namayipi sa ishit da ÿaÿajnegueta naua l'aqtaqa som l'aqtaxanaxanecpi ñi Dios mayi qaitaxaÿaxaata'pe naxa da huaigui ana laponaxaquipi namayipi yi na'a'q mataxaqui, nachi qoÿanguet somayi da nalaataguec. Qaq de'eda i'ot, damayi ipacchigui dam i'axattac co'ollaxa so n'aqtaxanaxanecpi.

Hechos 7:42

Huaña, nachi ñi Dios ca'ai somayipi, nachi ÿauaqta'a somayipi da yaqto' natamnot ana huaqajñipi mayi neto'ot na piguem. Cha'ayi nachida dam 'eetec da nanettañi l'aqtac ñi Dios mayi huetalec ana lede so l'aqtaxanaxanecpi, mayi 'eeta': Qami' Israel l'ecpi, co'ollaq qoquiitalec so tojlec 'alhua se'esoua cuarenta vi'iyi, qaq ¿peta'a co'ollaq qaualauachiitac na shiguiÿacpi da qauauo'oi qadachitaqtaxanaqchii, qaq peta'a nachaÿim da aÿim qai'añiitacot?