Lucas 4:16 - Nuevo Testamento Toba Sur

¹⁶ Nachi so Jesús nqo'ona yi Nazaret yim pueblo mayi maichi lañaxataqa'. Qaq co'ollaq ivideuga so na'a'q mataxaqui, nachi inoxoneu'a aso laponaxaqui na judiopi, cha'ayi nachi n'onataxac somayi. Ime, nachi nachajñi da itaxaÿaxan yi l'aqtac ñi Dios.

Nuevo Testamento Toba Sombrero Negro

¹⁶ Jesús yec'ata di'me Nazaret nach'edi noic jo'ne ua'a da'me 'yaĝaic. Nolo' jo'ne niyamaqatac qama'le yec'ata ga'me nemaĝaiqui, naq'aeta da'me mach'e naya'ac, qama'le nechachiñe qaedi dojelegue da'me Dios 'laqatac.

La'aqtaqa Ñim Lo'onatac 'Enauacna 2013

¹⁶ Ime, nache ỹe'eguelaxague da Nazaret yem ỹataqta lañaxataqa'. Qaq co'ollaq ivireuga so na'a'q mataxaqui, nache inoxoneua'a aso napaxaguenaxaqui na judiopi, cha'aye maiche lataxac Somaye. Qaq co'ollaq nachaañi da detaxaỹaxanataxan,

Lucas 4:16 Iomraidhean Croise

Mateo 2:23

Qaq co'ollaq mashi ivita yimayi, nachi nqo'ona da naña yi pueblo Nazaret. Qaq 'eetec de'eda, da yaqto' ÿataqta ipacchiguilo naua l'aqtaxanaxaco so l'aqtaxanaxanecpi ñi Dios co'ollaq i'axat da so Jesús qoÿiitega da Nazaret l'ec.

Lucas 2:39

Qaq co'ollaq mashi ime da qai'ot 'enauac nam damaxasoxoolec nam lqataxacpi ñi qadataxala', nachi soomayi ÿi'iguelaxadegue da Galilea da nqo'ooda yim lalamaxa't npueblo l'enaxat Nazaret.

Lucas 2:42

Nachi so Jesús co'ollaq mashi ivi' naua doce vi'iyi, nachi 'enauaque soomayi tadegue da Jerusalén, cha'ayi nachi n'onataxac quenaxa da iviteuga se'eso na'a'q naponaxaqui.

Lucas 2:51

Huaña, nachi ÿi'iguelaq somayi, queuoiguilo soua lta'al, tadegue da Nazaret. Nachi somayi quetot da ÿataqta ÿalaxalguete soua lta'al. Qaq aso late'e ÿataqta ÿoxochigui añi lquiyaqte 'enauac de'eda.

Lucas 4:15

Nachi dapaxaguenataxaatapoigui 'enauac anam laponaxaquipi na judiopi. Nachi 'enauac na shiÿaxauapi ÿataqta ÿi'oxodeetac somayi.

Lucas 4:17

Qanachi qoÿami' asom lliyiguishi so l'aqtaxanaxanec ñi Dios l'enaxat Isaías. Nachi co'ollaq ÿauachigui, nachi ilalec som huetaña so nedec, 'eeta':

Lucas 4:21

Nachi somayi detaqa, 'eeta': –Nagui mashi ivita yi laloqo' da ipacchigui 'enauac na i'axat ana'ana ñiyiguishi mayi qan'axaÿaxañiitega.

Lucas 4:23

Nachi so Jesús 'enapeco': –Qami' yi'oqta qome da aÿim qaudoilec da' chi n'aqtacnaxa 'eeta': “'Am natannataxanaq, maichi 'anatadeela't.” Qataq yi'oqta qome da qoñiita': “Nam sa'axasoqtapeguelec da 'au'otpi co'ollaq huaña yi Capernaum, nataq'en 'au'ot nagui da huaña na 'adalamaxat 'an'alhua.”

Juan 18:20

Nachi so Jesús 'enapeco': –Aÿim ÿataqta ñachaxaata naxa 'enauac nam shiÿaxauapi da setaqtac, qataq sa i'atai' da huaigui ana laponaxaquipi na judiopi da sapaxaguenataxaatac qataq añim n'onaxanaxaqui late'edai mayi huaña naxa da lapona't 'enauac na judiopi. Qaq aÿim sa ishit da huo'o ca i'aqtac soxottañi.

Hechos 17:2

Qaq so Pablo, cha'ayi nachi n'onataxac, somayi ivi' soua tres mataxaqui' da ÿi'iguelaqtau'a aso laponaxaqui na judiopi, nachi da'aqtaxaatapeguem.