Lucas 3:7 - Nuevo Testamento Toba Sur

⁷ Nachi na shiÿaxauapi co'ollaq nqo'oneuga so Juan da huotaique da qanachilaxan, nachi somayi 'eetega, 'eeta': –¡Qami' n'adaxanaq llalaqpi! ¿Négue't ca qami' da'aqtaxanema da yaqto' qauataiueguesop da lchic mayi nayiitai'?

Nuevo Testamento Toba Sombrero Negro

⁷ Ca'li ga'me jiyaĝadipi yec'adeta ñe'me Juan qaedi qonachilaĝa'n, joñe'me enapegalo, enaac: “¡Aueñiya'ama gaa'me nanayaqa c'oqo'tepi jo'ne dajodegue nale novi' ga'me dole'! ¿Toqoch'e aueñetapega ja ami 'te yedalo'te daa'me ane'uaĝanaguequi jo'ne ami na'talo?

La'aqtaqa Ñim Lo'onatac 'Enauacna 2013

⁷ Qalota so shiỹaxauapi naỹa so Juan da yaqto' qanachelaxan, qaq somaye 'enapeco' da la'aqtac: –¡Qami' qoñiita'am na na'araxanaq! ¿Qaupicheetega peta'a da qami' ỹe't ca lhuaxanaxanaxac Ñim Lo'onatac 'Enauacna maye qami' namaxalo?

Lucas 3:7 Iomraidhean Croise

Mateo 12:34

¡Qaq qami' n'adaxanaq llalaqpi! ¿Táloxochi ishito' da no'on ca qad'aqtaqui, yi qami' qauemaiqa? Cha'ayi nam qodap, namayi nasaxauec cam ÿataqta nlaqchigui añi qadquiyaqte.

Mateo 23:33

¡Qami' n'adaxanaqpi! ¡Qami' llalaqpi na n'adaxanaq! ¿Huá'ago' ca 'eetec da qami' ÿi't ca qanhuaxanaguiiqui da qami' qaÿasaxañalo ca nhuaxanqa' na 'itaxaloxoicpi?

Mateo 3:6

Nachi namayipi i'axa't naua lasouaxashi'te da ÿaxaadeec, nachi so Juan nachilaxangui so tala Jordán.

Juan 8:44

Qami' som qadta'ai, nachiso som shiÿaxaua mayi lma'na. Somayi qami' lalamqa'te, ÿoqo'oyi qanshiitaique da qau'ochi cam 'eetapeguec somayi. Se'eso shiÿaxaua mayi lma'na, somayi ÿataqta laataxanaxaic. Nachi chigoqchiguiña co'ollaq chita'ague da qai'ot ana 'alhua, somayi sa ishit da hueto'ot ca 'eesa lataxac, qaq ÿoqo'oyi sa ishit da 'en ca l'aqtac. Qaq somayi da huo'otaq nasaxauec ca latenataxanaxac, nachi ÿataqta ipacchigui da maichi lataxac. Cha'ayi somayi ÿataqta tenataxanaxaic, qataq nachiso so lta'a da natenataxanaxac.

Hechos 13:10

Nachi 'enapego', 'eeta': –¡'Am tenataxanaxaic, qataq 'am 'itaxaloxoic, 'am llalec so shiÿaxaua mayi lma'na, qataq ÿataqta 'anpa'aguenaxaua 'enauac na ÿaÿamaqchiguiñisat! ¿Tá'ainco' yi sa i'atai' da 'auashaxaadeec naua ÿaÿamaqchiyiñi 'eetapegueco ñi Dios?

1 Ts 1:10

Nataq'en namayipi n'aqtaxaatapigui da qami' qauachiitaique nagui da ñi'iguelaq so Jesús som llalec ñi Dios mayi nca'aleec naq'en co'ollaq mashi ileu. Somayi mayi nachiso so qomi' nca'alaxateeguesopa qome da lchiquiaxac ca nhuaxanaguec na shiÿaxauapi mayi naÿa'cna.

Hebreos 6:18

Qaq 'eda da 'eetec da huo'oi naua dos mayi sa ishit da qanqochinaxa't, nam huo'o mshi sa ishit da datenataxan ñi Dios, qaq nachinaua naua ÿachigoxotchiguilo ñi Dios da qomi' ÿanema da qad'añaxac, qomi' mayi shi'iguenqot ñimayi qataq sa'amaqtenaq dam aquitaxac mayi qomi' ÿanema.

1 Juan 3:8

Qalaxayi cam quetot da i'otta'pe naua lasouaxashi'te, camayi quetague' som shiÿaxaua mayi lma'na. Cha'ayi somayi nal'ena da ÿataqta 'itaxaloxoic co'ollaq chita'ague huo'o ana 'alhua. Qaq ÿoqo'oyi so llalec ñi Dios anac da yaqto' nlaxajñi 'enauac nam l'onataxanaxacpi somayi.