Lucas 24:4 - Nuevo Testamento Toba Sur

⁴ Nachi ÿataqta huo'o da lcolanqa' soomayi, qataq sa ÿaÿate'n ca 'eeteque co'ollaq qaila'alo soua dos shiÿaxa'u nachattrañi, huaqta'ato soomayi. Soua alogo ÿataqta qashilectrapiguiñi.

Nuevo Testamento Toba Sombrero Negro

⁴ Ja yayate'n ga'me yauote jouaĝat da'me dojo', ca'li paja'a yauanalo gaa'me jiyaĝa'u dojolqa jo'ne nechate'tajopa gaa'me, yatedañe ga'me leuo jo'ne 'uo da'me laqaselegaĝa'j.

La'aqtaqa Ñim Lo'onatac 'Enauacna 2013

⁴ Qataq sa ỹaỹate'n ca 'eeteque co'ollaq ila'alo soua dos ỹale't, nachattrañi huaqta'ato soomaye. Soua alogo somaye ỹataqta qashelectrapiguiñi.

Lucas 24:4 Iomraidhean Croise

Marcos 16:5

Nachi qainoxonoigui aso huachiqui. Huaña, nachi qaila'a so nsoq nso'ootañi, hueta'ague na aloic, logodaiqa soua alogo lapagaxaiqa. Nachi soomayi ÿataqta ñi'i'.

Lucas 2:9

Nachi nque'elaxatta da nachaxana so lamaxashic ñi qadataxala'. Nachi da lli'oxoyic ñimayi ÿataqta icoÿadelec somayipi, nachi ÿataqta lta'adaic da lcolanaxa.

Lucas 24:5

Qaq soomayi yi i'alyiñi naua l-llicte, nachi ÿataqta ividaxata'agueta naq'en na 'alhua naua lata'pi souaxat da lcolanqa'. Nachi se'esoua shiÿaxa'u 'ena'po': –¿Tá'ainco' yi qanmichiitapigui na leuaxaicpi da qanmichiitaique som nca'altauec?

Hechos 1:10

Qaq soomayi co'ollaq ña ilotrague' so Jesús mayi taigue da piguem, nachi nachattreuo soua dos shiÿaxa'u lapagaxaiqa naua alogo da nachaxanalo soomayi.

Hechos 12:7

Nachi nque'elaxatta da nachatteuo so piguem l'ec lamaxashic ñi qadataxala', nachi ÿataqta yi'oqchiguiñi na pa'auo aso ncoñitaxanaxaqui. Nachi som namaxashic i'adeu'a na laÿi so Pedro da nqotoxon. Nachi 'enapego', 'eeta': –Qoñishiguem, 'anque'emgue. Nachi soua lque'te naua lhua'q so Pedro ñideec.

1 Timoteo 3:16

Qaq sa ishit da qaÿoqolguet de'eda saq cha'a lataxac da qad'amqajnataxanaxac, cha'ayi ÿataqta lta'adaic da lli'oxoyic: Ñi Dios nachaxan, qalaxayi nachida da yi'oqchigui lapachiyaxac na shiÿaxauapi; qaq da n'aqtaguec co'ollaq i'axat so Espíritu ÿataqta 'en da no'on shiÿaxaua, qaq ÿauaachigui somayi 'enauac na chigaqshiguem Dios lamaxashicpi. Qataq qai'axatem 'enauac na ÿotta'a't shiÿaxauapi, ÿoqo'oyi huo'o na i'amaqten na 'enauac ÿallippi nam huetalecna. Ime, qaq qaÿaueegue da piguem.