Lucas 24:30 - Nuevo Testamento Toba Sur

³⁰ Nachi co'ollaq mashi nso'oota'ai'salo soomayi da datatralec so nqui'axala', nachi somayi ÿacona aso pan da nqouagaxaueelec. Ime, nachi ÿanoiguilo soomayi.

Nuevo Testamento Toba Sombrero Negro

³⁰ Qama'le ca'li dajotedalegue ga'me niqui'yaĝala', Jesús yacona ga'me pan; ca'li joote yanem da'me lamaic ñe'me Dios, qama'le yecolaĝatapiye qaedi yanouelo gaa'me.

La'aqtaqa Ñim Lo'onatac 'Enauacna 2013

³⁰ Nache co'ollaq mashe nso'ootrañi soomaye da datatralec so nquia'axala', nache So Jesús ỹacona aso nauole 'ayiiña da nqouagaxaueelec. Ime, nache ỹanoiguilo soomaye.

Lucas 24:30 Iomraidhean Croise

Mateo 14:19

Nachi 'enapega so shiÿaxauapi da nso'ooñi, nso'oolec na 'auaqpi dadala. Ime, nachi ÿaconalo soua cincole pan qataq soua dos nÿaxayi. Nachi ÿamato'ot na piguem, nachi ÿanot da n'achiquiaxac ñi Dios. Ime, qaq ncolaxajyiñi soua pan, nachi ÿanema soua lapaxaguenataqa. Qaq soomayi nachi ÿanoiguilo na shiÿaxauapi.

Mateo 15:36

Nachi ÿaconalo soua siete pan qataq soua nÿaxayi, nachi ÿanot da n'achiquiaxac ñi Dios. Ime, nachi ncolaxajyiñi soua pan, nachi ÿanoiguilo soua nale't. Qaq soomayi nachi ÿanoiguilo so shiÿaxauapi.

Mateo 26:26

Qaq co'ollaq ña deque'eta'pe, nachi so Jesús ÿacona aso pan. Qaq co'ollaq ime da icolaxachigui, nachi ÿanot da n'achiquiaxac ñi Dios. Ime, nachi ÿanoiguilo soua lapaxaguenataqa, nachi 'eeta': –Qolliqui ana'ana, anamayi nachida da i'oquiaxac.

Marcos 14:22

Qaq co'ollaq ña deque'eta'pe soomayi, nachi so Jesús ÿacona aso pan, nachi ÿanot da n'achiquiaxac ñi Dios. Qaq co'ollaq imat da ncolaxajñi, nachi ÿanoiguilo soomayi. Nachi 'enapeco': –Qolliqui ana'ana, anamayi nachida da i'oquiaxac.

Marcos 6:41

Nachi so Jesús ÿacongueta soua cincole pan qataq soua dos nÿaxayi, nachi ÿamato'ot na piguem da nqouagaxaunot ñi Dios, nachi icolaxachiguilo soua pan qataq ÿanoiguilo soua lapaxaguenataqa, da yaqto' soomayi ÿanoiguilo so shiÿaxauapi. Nataq'en ÿanoiguilo 'enauac so shiÿaxauapi soua dosolqa nÿaxayi.

Marcos 8:6

Nachi so Jesús ÿamaxalec somayipi da nso'ooñi, nachi somayi ÿaconalo soua pan, nachi nqouagaxaunot ñi Dios. Qaq co'ollaq ime, nachi ÿanoiguilo soua lapaxaguenataqa, da yaqto' soomayi ÿanoiguilo so shiÿaxauapi.

Lucas 22:19

Qaq co'ollaq ime, nachi ÿacona aso pan, nachi ÿanot da n'achic ñi Dios. Ime, nachi icolaxachigui, nachi ÿanoiguilo soomayi, nachi 'enapeco': –Ana'ana pan nachi naigui da i'oquiaxac mayi qoÿanguet da nalaataguec, souaxat da qoñiita. Qaq qau'ochi qome damayi, yaqto' sa ishit da aÿim qaucouaÿa'ai.

Lucas 24:29

Qalaxayi ÿataqta qaipactega somayi da n'onañi. Nachi qoÿiitega, qoÿiita': –Ña qomi' 'an'onaisopactaxa. Ten, yi mashi avit, qataq yaqta'a da pe. Nachi so Jesús ca'ateu'oguelo soomayi da n'onaisopa.

Lucas 24:35

Nachi soomayi nataq'en da'aqtaxaata'pe, i'axattrac da 'eetec da huedaigui co'ollaq quetrague' so 'eetec da huedaigui co'ollaq ÿauattoodelec so Jesús co'ollaq ncolaxattapiguiñi aso pan.

Lucas 9:16

Nachi so Jesús ÿaconalo soua cincole pan qataq soua dos nÿaxayi. Ime, qaq ilo'ot na piguem, nachi nqouagaxaueelguete soomayi. Qaq co'ollaq ime da icolaxachiguilo, nachi ÿanema soua lapaxaguenataqa da yaqto' soomayi ÿanoiguilo so shiÿaxauapi.

Juan 6:11

Nachi so Jesús ÿaconalo soua pan. Qaq co'ollaq imat da ÿanot da n'achiquiaxac ñi Dios, nachi ÿanoiguilo soua lapaxaguenataqa. Qaq soomayi nachi ÿanoiguilo 'enauac nam nso'ootañi. Qaq nachi i'enaxatchigui naq'en soua nÿaxayi da ÿanoigui 'enauac somayipi, chochi ivitta'a da comadaxaicpi.

Hechos 2:42

Qaq 'enauac somayipi ÿataqta queteguelo naua lapaxaguenataxanaxaco se'esoua namaxa'shi, qataq ÿataqta nhuoteeta't, qataq nqouagaxaueetac, qataq da deque'e, qalaq 'enauac ima'a't.

Hechos 2:46

Nachi 'enauaque naua na'axa'te lapootega't, qanayiuta'a aca n'onaxanaxaqui, qataq da qanayiitaugalo naua nma'te da nqui'axauapi, ÿataqta machiguiñi qataq qaica ca n'amqajnaxac.

Hechos 27:35

Qaq co'ollaq 'enapec de'eda so Pablo, nachi ÿacona aso pan, nachi ÿaatacot da n'achic ñi Dios, ÿauaachigui 'enauac somayipi. Ime, nachi ncolaxajñi aso pan, nachi deque'e.