Lucas 23:5 - Nuevo Testamento Toba Sur

⁵ Qalaxayi somayipi ÿi'iguelaxalec da l'aqtac ÿataqta n'axannec, 'eeta': –Namayi ÿasouaxattega't na shiÿaxauapi mayi netaña yi Judea, souaxat da lapaxaguenataxanaxac. Chigoqchiguiña yi Galilea, qaq nagui qataq nvitta'a ne'ena souaqta'a.

Nuevo Testamento Toba Sombrero Negro

⁵ Qalaĝaja jogaa'me ma'ejama'le yauote 'lañaĝa'j da'me yepataĝadelegue: —Chiyaqayi da'me lapaĝaguenataĝanaĝaco ja en 'te niyamaĝatapela'ajalo gaa'me noyaqolqa. Yachiyoĝota'ña di'me Galilea, qama'le nayi maliaĝa que'tot da'me dojo' jena'me jenjo' Jerusalén.

La'aqtaqa Ñim Lo'onatac 'Enauacna 2013

⁵ Qalaxaye somayepi ỹe'eguelaxalec da la'aqtac ỹataqta na'axannec, 'eeta': –Namaye ỹasouaxattega't na shiỹaxauapi maye netaña na Judea, souaxat da lapaxaguenataxanaxac. Chegoqchiguiña ye 'alhua Galilea, qaq nagui qataq nvitta'a ne'ena souaqta'a.

Lucas 23:5 Iomraidhean Croise

Mateo 11:1

Qaq so Jesús co'ollaq imat da ÿanema soua doce lapaxaguenataqa da lqataxac, nachi ca'ai yi hueta'a, da yaqto' dapaxaguenataxaalguete qataq da'aqtaxaalguete naua lÿa't 'ale'u yi'iyi qanayiuta'a 'alhua.

Mateo 2:1

So Jesús lañoqo' yi pueblo l'enaxat Belén, huaigui yi 'alhua Judea huetoigui so na'a'q co'ollaq so Herodes nta'a, nachi ilotague' se'eso 'alhua. Nachi nvitra yi la ciudad Jerusalén soua shiÿaxa'u, chigoqda'ague da yi'oxoñi. Soomayi ÿajnaxanaxaiqa ana huaqajñipi.

Mateo 27:24

Qaq so Pilato co'ollaq ila'a da sa ishit da ÿañoxot so shiÿaxauapi, chaqdata da nquictashiguem somayipi da lliÿa't, nachi somayi damaxasoxonaique so 'etaxat. Nachi somayi ÿauaachigui naq'en so shiÿaxauapi da iÿoi' naua lhua'q, nachi 'enapeco': –Aÿim sa ishit da ÿasouaxashit da l-leuaxa de'eda shiÿaxaua mayi qaica ca ÿasouaxat. Qaq damayi maichi qadasouaxashichi.

Mateo 4:23

Nachi so Jesús coleetapeguelec 'enauac yi Galilea da dapaxaguenataxaatapoigui ana laponaxaquipi na judiopi yi'iyi 'alhua, i'axattac da no'on qad'axaÿaxac mayi i'axat da ñi Dios ilo'ogue 'enauacna, qataq natadeetac 'enauac na ÿotta'a't lalolaxaguesat na shiÿaxauapi.

Marcos 1:14

Qaq co'ollaq mashi qoÿanaigui aso ncoñitaxanaxaqui so Juan, nachi so Jesús taÿa yi Galilea. Huaña, nachi i'axattac dam no'on qad'axaÿaxac mayi i'axat da l'onataxanaxac ñi Dios da ilo'ogue 'enauacna.

Lucas 11:53

Nachi co'ollaq ime da nasaxauec de'eda so Jesús, nachi nam dapaxaguenataxaatapeguec nam nqataxacpi qataq nam ÿalectaigui na fariseopi, ÿataqta dalemataÿa somayi. Nachi qanayictot da sa qaÿalemaxat da qainattac. Qalota nam qainataxaatapeguec.

Lucas 23:23

Qalaxayi somayipi ÿataqta ÿi'iguelaqtalec da qaiÿaxaatapegueu'a so Jesús da ña qaiuaxaneuo. Qaq co'ollaq ÿagueec da l'alaxac somayipi qataq som lataxala'pi na ntaxaÿaxanaxanecpi, nachi ivitta'a da qaÿañoxot dam qoÿiitapeguec.

Lucas 23:6

Qaq so Pilato co'ollaq hua'axaÿa de'eda, nachi nnataxanec da se'eso shiÿaxaua chigaqa'ague da Galilea.

Juan 1:43

Qaq so lÿa na'a'q, nachi so Jesús ÿauotaique da taigue da 'alhua Galilea. Nachi natenalec so Felipe, nachi 'enapega, 'eeta': –Aÿim qoquegue.

Juan 19:15

Qalaxayi somayipi i'alaqtagui, 'eeta': –¡Qaÿalauat qome damayi! ¡Qaÿalauat qome damayi! Qataq ¡qaiuaxaneuo qome! Nachi so Pilato 'enapeco': –¿Peta'a ishito' da aÿim seuaxaneuo dam qadta'ai? Qalaxayi som lataxala'pi na ntaxaÿaxanaxanecpi 'enapeco': –Qomi' qaica ca lÿa qadta'a, chaqñita ñim lta'a na nta'alpi mayi neta'ague da Roma.

Juan 2:11

Qaq de'eda i'ot so Jesús huaña yi Caná mayi huaigui yi 'alhua Galilea. Qaq damayi nachida da hua'auchiguiñi nam i'otpi n'anec mayi sa qaÿauanapigui co'ollaq ÿachaxan da lli'oxoyic. Nachi so lapaxaguenatacpi ÿataqta i'amaqten somayi.

Juan 7:41

Qataq huo'o na laÿipi 'eeta': –Damayi nachida da nta'a nca'alaxaqui. Qalaxayi huo'o na laÿipi 'eeta': –¿Táloxochiyo' da chigoqchiguiña yi Galilea cam nta'a nca'alaxaqui?

Juan 7:52

Nachi qoÿinapego' somayi, qoÿiita': –¿'Am peta'a nataq'en 'am Galilea l'ec? Ña 'anapaxaguenalo qome naua nanettrañi l'aqtaqa ñi Dios, yaqto' ishit da 'aula'a da qaica ca l'aqtaxanaxanec ñi Dios da huo'otaq chigoqchiguiña co'ollaxa yi Galilea.

Hechos 10:37

Qaq qami' qauaÿajñiita 'enauac dam huaña nam 'alhua mayi lma' na judiopi, chigoqchiguiña co'ollaxa yi Galilea, co'ollaq so Juan mashi imat da l'aqtaxanaxac qataq da nachilaxaatac na shiÿaxauapi.

Hechos 23:10

Nachi ÿataqta lta'adaic da cotaxac. Nachi som huataxanaq lta'a ÿataqta huo'o da lcolanaxa da qanaviigui so Pablo. Huaña, nachi damaxasoxoneuga so nallippi da yaqto' nqateeguesop somayipi so Pablo, nachi qaltaq ÿauegueu'a so lma' na huataxanaq.

Hechos 5:33

Qaq co'ollaq qai'axaÿa de'eda, nachi somayipi ÿataqta dalemata, nachi qaÿauotaique da qaÿalaua't soomayi.

Hechos 7:54

Nachi somayipi co'ollaq hua'axaÿa de'eda, nachi ÿataqta dalemata, qataq 'eeta'am da inaga't naua lhue da lquiÿaxa so Esteban.

Hechos 7:57

Qalaxayi somayipi lamaaxa ÿapoguilo naua ltela, ÿataqta n'axannec da l'alaxac, nachi ÿataqta qaipadenaxaneu'a somayi da qaÿaconeu'a.