Lucas 22:66 - Nuevo Testamento Toba Sur

⁶⁶ Qaq co'ollaq mashi yi'oxoñi, nachi lapona't so lquedoxonecpi na judiopi qataq so lataxala'pi na ntaxaÿaxanaxanecpi qataq nam dapaxaguenataxaatapeguec na nqataxacpi. Nachi qaÿauegueu'a so nta'alpi mayi loicnatac na lataxacpi. Nachi qainattac, qoÿiita':

Nuevo Testamento Toba Sombrero Negro

⁶⁶ Mane'e ca'li nete', qama'le yema'a't ga'me 'yaĝaicachidipi, jogaa'me lejaliaĝanaqa ga'me tamenaĝaiqui lo'olpi nataq'aen ga'me judiopi napaĝaguenoqo'tpi, qama'le yaueta ñe'me Jesús ga'me ua'a da'me yema'a't gaa'me p'ajodaye, ua'a da'me qoyenatetalegue:

La'aqtaqa Ñim Lo'onatac 'Enauacna 2013

⁶⁶ Qaq co'ollaq mashe yo'oxoñi, nache lapona't so nqueroxonecpi maye lataxala' na judiopi qataq so lataxala'pi na ntaxaỹaxanaxanecpi qataq nam dapaxaguenataxaatapeguec na namaxasoxonaxacpi. Nache somayepi ỹauec So Jesús, ỹauegueua'a so nta'alpi maye loicnatac na lataxaguesat. Nache qainattac, qoỹeeta':

Lucas 22:66 Iomraidhean Croise

Mateo 27:1

Qaq co'ollaq mashi yi'oxoñi, nachi 'enauac nam lataxala'pi nam ntaxaÿaxanaxanecpi qataq nam lquedoxonecpi na judiopi mashi nmachigui da lataxac da yaqto' qaÿalauat so Jesús.

Mateo 5:22

Qalaxayi aÿim qami' shinapegalo da huo'otaq huo'o ca dalemataÿa ca lÿa, nachi camayi qaÿauo'o ca nhuaxanaguec. Qataq cam ishiuen ca lÿa, qalaq camayi qaÿauegueu'a cam nta'alpi mayi loicnatac na lataxacpi, da yaqto' qanmit. Qataq cam ÿamata'ac qaica ca ÿaÿajnapec ca lÿa, nachi camayi huetalec da lchic da tangui qanqoÿin ca nodec mayi huaña da ÿauo'o da nhuaxanaguec ñi Dios na 'itaxaloxoicpi.

Marcos 15:1

Qaq co'ollaq mashi yi'oxoñi, nachi lapona't som lataxala'pi na ntaxaÿaxanaxanecpi, qataq so nquedoxonecpi qataq som dapaxaguenataxaatapeguec na nqataxacpi, qataq 'enauac nam nta'alpi mayi loicnatac na lataxaguesat. Nachi namayipi ÿauec so Jesús, ÿaxatta'a't na lhua'q, da qoÿaneu'a so Pilato.

Juan 18:28

Nachi qaÿauec so Jesús, qaÿachigoxotchiguiña so lma' so Caifás da qaÿauega so nqasoxoc so nta'a Pilato. Qaq mashi yaqta'a co'ollaxa da yi'oxoñi, nachi nam judiopi sa ishit co'ollaxa da pa'au'a so nqasoxoc so nta'a, cha'ayi ivittaique da 'ico' da nshipaxan da nachaalataxac. Cha'ayi da nachi 'eetec de'eda, nachi sa ishit da dequi'iÿapegueu'a na nallic se'eso na'a'q mayi huetoigui da qaiuennate so na'a'q co'ollaq qanayica'ai so Egipto.

Hechos 22:5

Qaq som lataxala' na ntaxaÿaxanaxanecpi da qaitaxaÿapegue' ñi Dios, qataq 'enauac nam laÿipi nataxala'pi, namayipi ishit da i'axat de'eda, da nachina namayipi na aÿim ÿanem aso nede mayi taÿa'a na qadaÿipi judiopi mayi netaña yi Damasco. Qaq aÿim saÿa'a yimayi co'ollaxa da shi'iguena'a na 'amqajnataxanaxaicpi, da yaqto' ñauega na Jerusalén, qaq yi qaiuaxan.