Lucas 22:42 - Nuevo Testamento Toba Sur

⁴² Nachi 'eeta': –'Am ita'a, da 'aushit, qaq no'on da sa ishit da aÿim 'apagaqna'aguet de'eda que'ejnaxac mayi 'eeta'am da qanÿomgui ca deshinataxan. Qalaxayi sa ishit qome da 'au'ot ca maichi shiitapeguec, chaqcata cam qonetapeguec.

Nuevo Testamento Toba Sombrero Negro

⁴² Enaac: “Taĝadena', qom a'uamaqaten, qama'le ena'te jayem auedaĝatelegue da'me dojo' yachoĝodec jo'ne yataqata jaqama; qalaĝaja 'noota qom ena'te a'uetoue da'me ena'am ta'le mach'e yoequenataĝanaĝac, dite da'me mach'e adoequenataĝanaĝac.”

La'aqtaqa Ñim Lo'onatac 'Enauacna 2013

⁴² Nache, 'eeta': –'Am Ita'a, da 'aushet, qaq no'on da saishet da Aỹem 'apagaqna'aguet de'era que'eenaxac. Qalaxaye saishet qome da 'auo'ot ca maiche sheetapeguec, nachaqcata ca maiche qonetapeguec.

Lucas 22:42 Iomraidhean Croise

Mateo 11:25

Nachi se'eso na'a'q so Jesús 'eeta': –'Am ita'a mayi 'am lataxala' na neta'ague da piguem qataq ana 'alhua, 'am shi'oxoden, cha'ayi 'am 'auachaxana nam qaica ca ÿaÿajnapec da 'ad'onataxanaxac mayi 'ai'oxoochiisop co'ollaxa nam ÿajnaxanaxaicpi qataq nam huattonaxanaxaicpi.

Mateo 11:26

Aja', 'am ita'a, cha'ayi nachida dam maichi 'adhuennataxac.

Mateo 20:22

Nachi so Jesús 'enapeco': –Qami' sa ishit da qauaÿajñi cam naigui dam qauÿaxañiitapegueu'a. ¿Qami' peta'a ishit qome da qauachii da que'ejnaxac mayi 'ico' aÿim qanÿomaxangui qataq dam achilaxac mayi saigui? Nachi soomayi 'ena'po': –Aja', seshitaq.

Mateo 26:39

Nachi so Jesús taÿa ca qaÿata'a, nachi ÿataqta nqapaxanguet na 'alhua. Nachi nqouagaxaunot ñi Dios, 'eeta': –'Am ita'a, da 'aushit, qaq no'on da sa ishit qome da aÿim 'aupagaqna'aguet de'eda que'ejnaxac mayi 'eeta'am da qanÿomgui ca deshinataxan. Qalaxayi sa ishit qome da 'au'ot cam maichi shiitapeguec, chaqcato' ca maichi qonetapeguec.

Mateo 26:42

Nachi qaltaq ÿi'iguelaxalec da nqouagaxauen, 'eeta': –'Am ita'a, qom huo'otaq ishit da sepaca'aguet da ñique'etaxangui de'eda ñi'iguenataguec, qalaxayi no'on qome da 'au'ot ca maichi qonetapeguec.

Mateo 26:44

Nachi ca'aisalo soomayi, nachi qaltaq ñi'iguelaxai' da nqouagaxauen, qataq i'enaxatchigui so hua'auchiguiñi nqouagaxaunaxac.

Mateo 6:10

Ña 'anamaxaño' qome da 'ad'onataxanaxac, yaqto' i'ot ca qonetapeguec 'enauac nam huetalecna, 'eeta'am nam hueto'ot na piguem.

Marcos 14:36

Qaq co'ollaq nqouagaxaueetac, nachi 'eeta': –'Am ita'a, 'am qaica 'enauac ca 'auqalanapec. Qaq sa ishit qome da aÿim 'apagaqna'aguet de'eda que'ejnaxac mayi 'eeta'am da qanÿomgui ca deshinataxan. Qalaxayi sa ishit qome da 'au'ot ca maichi shiitapeguec, chaqcata ca maichi qonetapeguec.

Lucas 23:34

Qaq co'ollaq mashi qaiuaxaatapegueuo so Jesús, nachi 'eeta': –'Am ita'a, 'auchoxoden qome namayipi, cha'ayi sa ÿaÿaten dam i'ottac. Nachi som huataxanaqpi nallittapiguilo soua alogo so Jesús da chaq negue't ca talguete soomayi.

Juan 18:11

Qalaxayi so Jesús 'enapego' so Pedro, 'eeta': –'Avi'iguelaxajñi na 'ainec, 'anshijñi. Ñi ita'a, da aÿim ipagaqna'aguet da ñique'ejnaxac mayi 'eeta'am da qanÿomgui ca deshinataxan, qaq ¿peta'a sa ishito' da saigui damaxa?

Juan 4:34

Qalaxayi so Jesús 'enapeco': –Dam anoq, nachida da 'eetapeguec ñi ita'a mayi aÿim namaq, da yaqto' semat da l'onataxanaxac.

Juan 5:30

Aÿim sa ishit da maichi aÿim chigoqchigui da huo'otaq huo'o ca so'ot. Cha'ayi da huo'otaq so'ot ca lasouaxashit ca shiÿaxaua, qalaq aÿim selotelec ca ñi'aqtac, nachi sa ishit da depe'enaxan cam so'ot. Cha'ayi aÿim sa ishit da so'ot cam maichi shiitapeguec, cha'ayi chaqcata ca 'eetapeguec ñi ita'a mayi aÿim namaq, nachica so'ot.

Juan 6:38

Cha'ayi aÿim sa ishit da sachigoqtot na piguem da ñanac da so'ot ca maichi shiitapeguec, chaqdata da ñanac da so'ot ca 'eetapeguec ñim aÿim namaq.

Hechos 21:14

Qaq cha'ayi sa ishit da qomi' ÿalaxagueta so Pablo, nachi saxanaxañi, nachi shinaqtega, shinaqta': –Hua', no'on da ÿataqta ipacchigui ca 'eetapeguec ñi qadataxala'.