Lucas 22:22 - Nuevo Testamento Toba Sur

²² Qalaxayi ne'ena shiÿaxaua llalec, namayi quetelec dam lliquiaxac mayi sogote da qoÿiitañi, qalaxayi ¡choxodaxaso' ñaqshin ñim shiÿaxaua mayi ÿauotaique da ÿaneuo namayi!

Nuevo Testamento Toba Sombrero Negro

²² Qa'a jayem jo'ne Jiyaĝaua Lec'oĝot jeguelegue da'me jo'ne joote qo'yaeñi yadic, qalaĝaja ¡degueja qomle da'me lachoĝodec ñe'me jo'ne jayem p'alegue!

La'aqtaqa Ñim Lo'onatac 'Enauacna 2013

²² Qalaxaye ne'ena Shiỹaxaua Llalec, namaye quetelec dam llecỹaxac maye sogote da qoỹettañi, ¡qalaxaye ñim ỹale maye Ayem ỹaneuo ỹataqta qauem qome ca taỹa'aguet!

Lucas 22:22 Iomraidhean Croise

Mateo 26:24

Qalaxayi ne'ena shiÿaxaua llalec, namayi ÿataqta quetegue dam lliquiaxac mayi i'axat naua ñiyigui'shi l'aqtaqa ñi Dios. Qalaxayi ¡ÿataqta choxodaxaso' ñim shiÿaxaua mayi ÿaneuo namayi! Ñi mayi 'onaxáictaxa co'ollaxa da sa ishit da ñiguiñi.

Mateo 27:5

Nachi so Judas ÿasaxaigui aso n'onaxanaxaqui aso anompi. Ime, nachi jec, nachi maichi icoñidot na lqosot.

Marcos 14:21

Qalaxayi nachi lataxac, cha'ayi na shiÿaxaua llalec, namayi quetegue da llic naua ñiyigui'shi l'aqtaqa ñi Dios. Qalaxayi ¡ÿataqta choxodaxaso' ñi'iñi shiÿaxaua mayi ÿaneuo namayi da qaÿalauat! 'Onaxaigueso' co'ollaxa da sa ishit da ñiguiñi ñimayi.

Lucas 22:23

Huaña, nachi maichi nnattega't somayipi da chaq negue't cam ÿaneuo somayi.

Lucas 24:46

Nachi 'enapeco': –Dam nanettañi i'axat da ca nta'a mayi nca'alaxaqui hua'auñi qome da qaÿalauat. Qaq qom mashi inoxoodeec caua tres na'axa'te, nachi qaltaq nca'aleec qanqoÿin.

Juan 17:12

Co'ollaq soota'aguet namayipi ana 'alhua, qalaq aÿim so'ogoxona da 'ad'añaxac da ñitela'a qataq da ñipaxattalec nam aÿim 'ai'anempi. Qaq sa ishit da huo'o ca daqat namayipi, chaqsota som nal'ena da taÿa'a da daqat, yaqto' ÿataqta ipacchigui dam 'enapec naua nanettrañi n'aqtaqa.

Hechos 10:42

Nachi somayi qomi' ÿamaxalguete da sa'aqtaxanaxam 'enauac na shiÿaxauapi, da sa'axataq da ñi Dios ÿanagui somayi da nachiso so nmit qome na lasouaxashitpi nam ña nca'altauecpi qataq nam mashi ileu.

Hechos 17:31

Cha'ayi ñimayi mashi ÿauo'o ca 'oonolec na'a'q mayi huetoigui da nmit qome 'enauac na lasouaxashitpi na shiÿaxauapi, qaq ÿataqta ÿaqatchiguilo naua qai'o't. Qalaxayi ÿachigoxotchigui qome som 'oonolec shiÿaxaua mayi lca'aguishic. Qaq ÿoqta 'eesa da i'ot de'eda qome, ÿoqo'oyi ñimayi qaltaq nca'aleec naq'en co'ollaxa se'eso shiÿaxaua.

Hechos 2:23

Qalaxayi ñaqaiyita co'ollaq qami' qoÿaneu'alo, da yaqto' ipacchiguilo naua lapaxayiñi lhuennataxaco ñi Dios co'ollaq saxanaxa da ivita de'eda. Nachi qami' qauaviqui somayi da qaucoñiyi, qataq qaualauachi, qataq iuaxaneuo qanqashiñi nam shiÿaxauapi mayi qauemaicpi.

1 Pedro 1:11

Qataq so n'Espíritu so Cristo nal'ena co'ollaxa ÿaÿajnaxanaxanec se'eso l'aqtaxanaxanecpi ñi Dios dam taÿa'a nque'ejnaxac so Cristo qataq da lli'oxoyic mayi nca'attauo. Nachi somayipi ÿauotaique da ÿataqta ÿauattoota chaq negue't que'eca shiÿaxaua qataq huotaique da ÿaÿaten ca na'a'q mayi huetoigui cam i'axatta'aguet so Espíritu Santo mayi hueta'aguet somayipi.

2 Pedro 2:3

Qaq souaxat da lqopichi da nshiitenaguec, nachi namayipi qami' idolguete naua napaxaguenataxanaxaco saq 'en da yaqto' nqat añi qodomi. Qalaxayi namayipi sa ishit da ÿit de'eda nhuaxanaguec, cha'ayi mashi saqaÿoqtegue da qaÿaqataxaatapigui' damayi.