Lucas 21:8 - Nuevo Testamento Toba Sur

⁸ Nachi so Jesús 'enapeco': –Maxatchaxa qome, qadvichiÿai'. Qataq sa ishit qome da huo'o ca chochi qami' ÿatenachi't. Cha'ayi qalota qome na anac da anactaigui da i'enaxat, nachi 'eeta': “Aÿim mayi nachaÿim nta'a nca'alaxaqui;” huo'otaq 'eeta': “Nagui mashi ivita yi naloqnec.” Qalaxayi sa ishit qome da qauca'achiigue.

Nuevo Testamento Toba Sombrero Negro

⁸ Jesús 'yategueta: —Achiya'aguet qomle da'me dojo' qaedi ja ami 'te qoyoqovi'n. Qa'a qayoĝode' gaa'me novi't qomle jo'ne ch'e jayem 'naĝachidiye. Eet'oi qomle: «Mach'e jayem Dios Liquiyac», nataq'aen «Mach'e laloqo'ena.» Qalaĝaja ami, ena'te oquiyegue.

La'aqtaqa Ñim Lo'onatac 'Enauacna 2013

⁸ Nache So Jesús 'enapeco': –Maxatchaxa qome, yaqto' qaica ca qami' ỹatenache't. Cha'aye qalota qome na anac da anactaigui da ỹe'enaxat, nache 'eeta': «Aỹem maye Nachaỹem Lca'aguishec Ñim Lo'onatac 'Enauacna», huo'otaq 'eeta': «Nagui mashe ivita ye naloqnec.» Qalaxaye saishet qome da qauqochiỹa.

Lucas 21:8 Iomraidhean Croise

Mateo 24:11

Qataq qalota qome na tenataxanaxaicpi na nachaxan, 'eetega da l'aqtaxanaxanecpi ñi Dios, nachi ÿataqta qalota qome na ÿatenachit shiÿaxauapi.

Mateo 3:2

Qaq da l'aqtaxanaxac 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Mateo 4:17

Huaña, nachi so Jesús cot da da'aqtaxan, 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Lucas 17:23

Huaña qome, nachi qoñiita': “'Ena namayi, huetai' ne'ena,” huo'otaq qoÿiita': “'Eda damayi, hueta'ague de'eda.” Qalaxayi sa ishit qome da qoquii, qataq sa ishit da qauca'achiigue.

Lucas 21:7

Huaña, nachi qainattac so Jesús, qoÿiita': –'Am mayi 'auapaxaguenataxaatac, ¿chaq lagui qome, qaq ivita de'eda? ¿Chaq huá'ague qome ca 'eetec ca l'anaxat de'eda, qom ivita ca na'a'q da yi'oq?

Lucas 21:9

Qaq qom huo'o ca qau'aqaitapeguelec da nalaattega'tpi qataq cam i'ottapeguec ca nta'a, qalaq sa ishit qome da qayi'ii. Cha'ayi hua'auñi qome da anac 'enauac namayipi, qalaxayi saxanaxa qome da ivita ca loga'tna.

Juan 5:43

Aÿim ÿataqta sachigoqtot ñi ita'a, qalaxayi qami' sa ishit da aÿim qauacoñiiguet. Qaq da huo'otaq anac ca maichi nactaigui ca 'eetapeguec, qaq nachica cam qami' qauacoñiiguet.

Juan 8:24

Qaq ÿoqo'oyi aÿim shinapec da qami' qaulliviitañito qome naua qadasouaxashi'chilli'. Cha'ayi da sa ishit da qau'amaqchiñi da aÿim mayi nachaÿimta, nachi qami' qaulliviitañito naua qadasouaxashi'chilli'.

Juan 8:28

Qaq ÿoqo'oyi so Jesús 'enapego' somayipi, 'eeta': –Qami' qom ivita da qanauaxaÿaxañiishiguem nam shiÿaxaua llalec, nachi huaña qome, qaq ishit da qauaÿajñi da aÿim mayi nachaÿimta, qataq da sa ishit da chochi maichi ñalligoxottela't ca so'ot, chaqdata da aÿim sa'axat cam aÿim ÿapaxaguenec ñi ita'a.

1 Corintios 6:9

¿Qami' sa qauaÿajñiÿo' da ca i'otec ca sa ÿaÿamaxañi ca lÿa, qaq sa ishit da inoxoneu'a ca ñaq natauo l'onataxanaxac ñi Dios? Sa ishit qome da qaupe'enaxañi. Cha'ayi sa ishit qome da inoxoneu'a que'eca l'onataxanaxac ñi Dios nam quetaigui da lquishiguetaxac, qataq na natameetacot na nqolacpi, qataq na lauatapiguiñi' aca sa lhua, qataq na huetapeeguet ca 'eeta'am lÿa shiÿaxaua, qataq na cachaxaicpi, qataq na mataxalaicpi, qataq na taxaicpi, qataq na n'aqtaqa l'o'pi, qataq na ÿayin ca lÿa da nqat aca alom.

Efesios 5:6

Qataq sa ishit qome da huo'o ca qami' ÿatenachi't da qami' idolguete naua napaxaguenataxanaxaco mayi qaica ca naiguilo. Cha'ayi ne'enaua sa ÿaÿamaxayiñi, nachinaua na chigoqchiguilo dam qaica ca 'en'am da lchic layiloxo ñi Dios, da ÿauo'o da nhuaxanaguec nam sa ishit da ÿalaq.

2 Ts 2:3

Qalaxayi sa ishit qome da huo'o ca qami' ÿatenachi't. Cha'ayi qom yaqta'a da ivita que'eca na'a'q, nachi hua'auñi da nachajñi ca shiÿaxauapi, ÿataqta npa'aguene' ñi Dios, nachi yi'oq que'eca shiÿaxaua 'itaxaloxoic cam taÿa'a da ÿataqta imeuo qanqoÿin.

2 Timoteo 3:13

Qalaxayi na qauemaicpi qataq na tenataxanaxaicpi taÿañicda, nquicta'aguet 'enauac na sa ÿaÿamaxañisat. Namayipi datenataxaatac, qalaxayi nachi 'en'am natenatac.

1 Juan 4:1

Qami' ÿaqaÿañicpi, sa ishito' qome da qau'amaqchiñi 'enauac nam 'eetega da i'aqtaxanaxac ñi Dios. Chaqdato' da qauchimaxachiÿa camayi, yaqto' qauaÿajñiita da naua lhuennataxaco ÿataqta chigoqo'oto ñi Dios, huo'otaq sa ishit. Cha'ayi ana 'alhua mashi huotaique da nlaxalec na tenataxanaxaicpi mayi 'eetega da i'aqtaxanaxan ñi Dios.

2 Juan 1:7

Cha'ayi qalota nam huetalec ana 'alhua tenataxanaxaicpi mayi nqolguete' so Jesucristo da ÿoqta 'eesa shiÿaxaua. Qaq cam nachi 'eetec de'eda, qachi nachica ca tenataxanaxaic qataq npa'aguene' so Cristo.

Apocalipsis 1:3

Qaq ÿataqta machiguiñi qome ca itaxaÿaxan ana'ana nede, qataq machiguiñi nataq'en ca n'axaÿaxaatega qom qaitaxaÿaxan de'eda n'aqtaxanaxac mayi chigoqo'ot ñi Dios, qataq da ÿataqta ÿalaxaguet de'eda qoÿittalec ana'ana nede, cha'ayi mashi sa qaÿapeque ca loga't da yi'oq 'enauac ne'ena.

Apocalipsis 12:9

Qaq 'eda da 'eetec co'ollaq qaÿamaqhuec se'eso 'ico' da'ail'oc. Qaq somayi nachiso so n'adaxanaq mayi l'atchiguiñi da datenataxan, l'enaxat Satanás, som shiÿaxaua mayi lma'na. Qaq somayi qataq 'enauac so nallippi qai'odalec ana 'alhua.