Lucas 21:36 - Nuevo Testamento Toba Sur

³⁶ Qaq qami' ÿataqta qanaÿamaxachiitai' qome qataq qoquiitot qome naua na'axa'te da qanqouagaxauñiitac, yaqto' ishit da qami' ÿi't, qom ivita da yi'oq 'enauac namaxa, qataq yaqto' ishit da qanachaachiu'a qom nvi' na shiÿaxaua llalec.

Nuevo Testamento Toba Sombrero Negro

³⁶ 'Noota qom a'vicheta't nataq'aen anetameñetac yemeda naa'me noloqo'ote, qaedi maqachaĝa ami yaĝa'n ena'uaque naa'me naajo' uo'oe qomle nataq'aen qaedi auaqanachichi ta'le auec'aeche'uo qama'le auajoyiya'aguet ñe'me Jiyaĝaua Lec'oĝot.”

La'aqtaqa Ñim Lo'onatac 'Enauacna 2013

³⁶ Qaq qami' ỹataqta qanaỹamaxacheetai' qome qataq qoquiito'oto naua na'axa'te da qanqouagaxauñiitac, yaqto' ishet da qami' ỹe't, qom ivita da yo'oq 'enauac ne'enapi, qataq yaqto' ishet da qanachaxañeeua'a qom nvi' na Shiỹaxaua Llalec.

Lucas 21:36 Iomraidhean Croise

Mateo 24:42

Qaq qami' ÿataqta qanloiteec qome, cha'ayi sa qauaÿajñi ca laloqo' da ñi'iguelaq na qadataxala'ai.

Mateo 24:43

Qalaxayi qami' qauaÿajñi da huo'otaq que'eca lma' ca noÿic, da huo'otaq ÿaÿaten ca laloqo' ca pe da nvi' ca cachaxaic, nachi camayi sa ishit da do'ochi, da yaqto' sa ishit da ÿashin da qainoxotau'a ca lma' da qaicachiÿot.

Mateo 24:44

Qaq ÿoqo'oyi qami' ÿataqta qanaÿamaxachiitai' qome. Cha'ayi qom mashi sa ishit da taÿapigui qadvilli de'eda, nachi nvi' na shiÿaxaua llalec.

Mateo 25:13

Nachi so Jesús 'enapeco': –Qami' ÿataqta qanloiteec qome, cha'ayi sa ishit da qauaÿajñi ca na'a'q qataq ca laloqo' da ñi'iguelaq na shiÿaxaua llalec.

Mateo 26:41

Qami' qanloitauec qome, qataq qanqouagaxauñiitac, yaqto' sa ishit da qami' inoxonoiguilo ca qauem qadhuennataqai. Cha'ayi ca shiÿaxaua ÿataqta nasapatta da lquiyaqteÿaxac, qalaxayi da l'oquiaxac mayi qaica ca lasapachaxa.

Mateo 8:20

Nachi so Jesús 'enapeco': –Anam huaxaÿaxapi huo'o na lauacpi, qataq nam maÿopi huo'o na lpata'cpi. Qaq nam shiÿaxaua llalec, qalaxayi sa ishit da huo'o ca l'axasoqo'.

Marcos 13:33

Qaq ÿoqo'oyi qami' ÿataqta qanloiteec qome qataq qanaÿamaxachiitai' qataq qanqouagaxauñiitac, cha'ayi sa ishit da qauaÿajñi ca laloqo' da ivita.

Marcos 13:37

Qaq de'eda i'aqtac mayi qami' shinapegalo, damayi nachi taÿauga 'enauac na shiÿaxauapi, 'eeta': Ÿataqta qanloiteec qome.

Lucas 1:19

Nachi so namaxashic 'enapeco': –Aÿim mayi nachaÿim Gabriel, mayi sooto'ot ñi Dios. Qaq ñimayi aÿim namaq da 'am setaxaÿapegue', qataq da 'am sa'axatem de'eda no'on 'ad'axaÿaxac.

Lucas 18:1

So Jesús huo'o da daloqnaxana co'ollaq huotaique da dapaxaguenataxanec da iuen ca shiÿaxaua da nachi 'eetai' da nqouagaxaueetac, sa ishit da nasamñi.

Lucas 20:35

Qalaxayi cam tachigui qominchiyi da inoxoneu'a cam lÿa 'alhua qom mashi qanca'alaxateec nam leuaxaicpi, que'eca 'alhua, huaña, nachi sa ishit da huo'o ca huadon, qataq sa ishit da huo'o ca ÿadonaxanaxan aca llale.

Lucas 21:35

nachi qoñiita'am cam nqoiñiguishic. Qaq 'eda qome da 'eetec da nvidaxac qom qanvita 'enauac na huetalec ana 'alhua.

Hechos 10:2

Qaq se'eso shiÿaxaua qataq 'enauac so llalaqpi quetague' ñi Dios qataq ÿataqta ñi'iÿa ñimayi. Somayi nataq'en ÿataqta qalota añi ÿaneec alom da itauaatac na judiopi qataq nachi 'eetai' da nqouagaxaueetacot ñi Dios.

1 Corintios 16:13

Ÿataqta qanloiteec, qataq qan'añaxachiitec da qadpi'iÿaxaqui. Qau'enaxachi ca shiÿaxaua ÿataqta qadamchigui qataq 'añaxaic.

2 Corintios 4:14

Cha'ayi saÿajnaqta ñim Dios mayi qaltaq nca'aleec naq'en co'ollaq qaÿalauat so qadataxala' Jesús, ñimayi nataq'en qome qomi' nca'alaxatreec, 'eeta'am da 'eetec naq'en so Jesús. Ime, qaq qomi' nÿatreuo da qomi' ÿauegueu'alo ca netaña ñimayi.

Colosenses 4:2

Qami' ÿataqta qoquiitot qome da qanqouagaxaunaxaqui. Qanloiteec, qataq qai'añiitacot da qan'achiquiaxaqui ñi Dios.

1 Ts 5:17

Qoquiitot da qanqouagaxauñiitac.

2 Timoteo 4:5

Qalaxayi 'am ÿataqta 'anloteeco' qome, qataq 'an'añaxateguet na 'anque'ejnaxaguesat, qoquetot da 'au'axat da n'aqtac mayi chigaqaigui da nca'alaxa, 'aupactelco' da 'ad'onataxanaxac.

1 Pedro 4:7

Qaq mashi nayiita'a yi loga't 'enauacna. Qaq ÿoqo'oyi ÿataqta qanloiteec qome, qataq ÿataqta sa qauasaguiyii da qanqouagaxauñiitac.

1 Pedro 5:8

Qataq ÿataqta qanaÿajnaxanaqchiñi, qataq qanloiteec, cha'ayi so qami' ipa'agueeta'pe shiÿaxaua lma'na coleetac, nmittaique ca loxonec, 'eeta'am ca quiyoc da desoqtac.

1 Juan 2:28

Qaq ÿoqo'oyi qami' ÿalqolqa, nachi 'eetai' qome da qan'ayiitau'a so Cristo, yaqto' ÿataqta huo'o qome da qadpe'e qom ivita da nachaxan somayi, qaq sa ishit da huo'o ca qad'aloxo qom ivita da ñi'iguelaq.

Judas 1:24

Qaq ñi qadta'a Dios mayi qaica ca lÿa qataq ÿajnaxanaxaic, ñim qadca'alaxaqui, ñimayi ÿataqta 'añaxaic da qami' ntela'alo, da yaqto' sa ishit da qoviÿañi, qataq da yaqto' qami' nachaalataxaneu'alo cam hueta'a mayi qaica ca 'en'am da lli'oxoyic, qalaq ÿataqta qami' qui'itte' qataq qauamaichiguiñi. Qaq ñimayi nachi 'eetai' qome da ñi'oxonnataguec, l'amaqchic, l'añaxac, qataq da 'enec, souaxat so qadataxala' Jesucristo. Qaq damayi nachi 'eetai' da chigoqta'ague, qataq nagui, qataq dam taÿa'ague. Aja', nachi 'eetec.

Apocalipsis 11:4

Qaq se'esoua dos n'aqtaxanaxanqa, nachisoua soua dos nanguishi olivos qataq soua dos ncoÿadaxanaxaqui' mayi qoÿaatraña ca netaña ñim lataxala' 'enauac nam huetalec ana 'alhua.

Apocalipsis 6:17

Cha'ayi mashi ivita yi laloqo' dam ÿataqta lta'adaic nhuaxanaguecna. Qaq, ¿négue't ca ishit da nachaata'aguet?

Apocalipsis 7:9

Qaq can ime de'eda, nachi sela'a so ÿotta'a't shiÿaxauapi mayi ÿotta'a't na l'aqtacpi. Somayipi nachattañi, datatau'a so so'onqa' qataq som qagueta llalec. Qaq somayipi ÿataqta qalota, qaica ca ishit da naloqten. Qaq somayipi lapagaxaiqa naua alogo, qataq lasoqta'a ana chaic laue.

Apocalipsis 8:2

Ime, nachi sela'a so siete namaxashic piguem l'ecpi nachattañi, datatau'a yi nso'onqa' ñi Dios. Nachi somayipi qoÿami' aso siete nashiidepi.