Lucas 21:25 - Nuevo Testamento Toba Sur

²⁵ Nachi huo'o qome na l'anaxatpi añi nala' qataq so ca'agoxoic qataq ana huaqajñipi. Qataq nam ÿotta'a't shiÿaxauapi mayi huetalec ana 'alhua ÿataqta sa ÿaÿaten ca 'eetec, qataq ÿataqta ñi'i, souaxat da lchic da l-lamaxa ana lapaxa aso auaxai.

Nuevo Testamento Toba Sombrero Negro

²⁵ “Uo'oe qom'te gaa'me 'nanaqa'te jañe'me ajeua nataq'aen ñe'me auoĝoic nataq'aen ga'me uaqachiñipi; nataq'aen yema jena'me aleua 'uo da'me nachitataic nataq'aen jalcote da'me loqolanaqa', jouaĝat ga'me chaqae'ta lejamaĝa ga'me noĝop lepa'.

La'aqtaqa Ñim Lo'onatac 'Enauacna 2013

²⁵ Nache huo'o qome na la'anaxatpi añi nala' qataq ñi ca'agoxoic qataq ana huaqaañipi. Qataq nam ỹotta'a't shiỹaxauapi maye huetalec ana 'alhua ỹataqta sa ỹaỹaten ca 'eetec, qataq ỹataqta ñi'i, souaxat da lchec da l-lamaxa ana lapaxa aso auaxai.

Lucas 21:25 Iomraidhean Croise

Mateo 24:29

Qaq qom chochi inoxoodeec que'ecaua na'axa'te mayi que'ejnaxaqui', nachi añi nala' 'om qataq so ca'agoxoic, qataq najñi ana huaqajñi, chigoqo'ot na piguem, qataq ivida'a na n'añaxacpi mayi hueto'ot na piguem ÿataqta cholaxan.

Mateo 27:45

Nachi 'enauac ana 'alhua ÿataqta napanñi, chigoqta'a so na'a'q laiñi, chochi ivitta'a so dashichiguiñi aso nala' se'eso avit.

Marcos 13:24

Qalaxayi qom mashi inoxoodeec que'ecaua na'axa'te mayi que'ejnaxaqui', nachi 'om qome añi nala', qataq qaica ca l'edaxa ñi ca'agoxoic,

Marcos 13:26

Nachi qaila'aguet qome na shiÿaxaua llalec da nactaigui ca l'oc, ÿataqta qaica ca 'en'am da l'añaxac qataq da lli'oxoyic.

Marcos 15:33

Qaq co'ollaq mashi na'a'q laiñi, nachi huo'o so napalaxa ima'a't 'enauac que'eca 'alhua. Somayi chochi ivida'a so mashi dashi aso nala'.

Lucas 21:24

Qaq huo'o qome na ileuaigui ca alaataq, qaq ca laÿipi qalaq noxonec, ime, qaq qaÿauegalo naua ÿotta'a't 'ale'u. Nachi nam chigaqauec shiÿaxauapi ÿataqta sa iyacnapec qome na la ciudad Jerusalén, chochi ivitta'a qome ca laloqo' mayi qoÿanem namayipi da maichi ÿoiqueetac.

Lucas 21:26

Nachi na shiÿaxauapi ÿataqta decopchitac qome, souaxat da tatapigui lauel cam nachaxan ana 'alhua, qaq ivida'a qome ana huaqajñipi mayi hueto'ot na piguem ÿataqta cholaxan.

Hechos 2:19

Qataq sacho'ot na piguem da sachaxan ca ishit da i'ot da n'aalaxa, qaq ana 'alhua sauo'o na n'anecpi: ntago'q, nodec, nchaxa lta'adaic.

Apocalipsis 20:11

Nachi sela'a aso late'edai so'onaxaqui lapagaxai qataq som nso'ootangui asomayi. Huaña, nachi ana 'alhua qataq na piguem ÿataqta nlagaxatapec, ÿataqta sa ishit da huo'o ca chapegue' namayipi.