Lucas 20:46 - Nuevo Testamento Toba Sur

⁴⁶ –Maxatchoxo' qome, qadvichiÿa'a nam dapaxaguenataxaatapeguec na nqataxacpi. Cha'ayi namayipi nqopita da ÿaatrañi naua logodaiqa anogo mayi ÿi'oxoda'q, qataq nqopita da qaiyaata da qaiquin da huaña ca naponqa', qataq namayipi nmitta'ai anam so'onaxaqui mayi ÿataqta ÿi'oxodaq anam naponaxaquipi qataq nam ÿataqta no'on nqui'aqa'pi.

Nuevo Testamento Toba Sombrero Negro

⁴⁶ “Achiya'agueta joga'me judiopi napaĝaguenoqo'tpi jo'ne noqopideta da'me yaidiñe gaa'me yatedañe da'me leuo jo'ne yededañe nale yeuo'tape, nataq'aen nale yec'adeta ga'me laeñi ga'me noic qama'le jetaque qo'nonaĝachiguilo da'me qoyep'iye'n. Nataq'aen nale tadoue ga'me nemaĝaiqui qama'le 'yatalo gaa'me je'onaĝaiqui' jo'ne p'adeuo jo'ne qoyi'yoĝoden nataq'aen 'yatalo gaa'me 'lachaqa'te jo'ne onaĝayaqa nale deque'y.

La'aqtaqa Ñim Lo'onatac 'Enauacna 2013

⁴⁶ –Maxatchoxo' qome, qarvichiỹa'aguet nam dapaxaguenataxaatapeguec na namaxasoxonaxacpi. Cha'aye namayepi nqopita da ỹaatrañi naua no'o'n nogo maye ỹo'oxora'q, qataq nqopita da qaiyaata da qaiquin da huaña ca naponqa', qataq namayepi nmitta'ai anam so'onaxaqui maye ỹataqta ỹo'oxoraq anam paxaguenaxaquipi qataq nam ỹataqta no'on nquia'aqa'pi.

Lucas 20:46 Iomraidhean Croise

Mateo 16:6

Nachi so Jesús 'enapegalo soomayi, 'eeta': –Maxatchaxa qome, qadvichiÿa'a ana ÿashiidaxachigui ana pan mayi huetaigui na fariseopi qataq na saduceopi.

Mateo 23:1

Nachi so Jesús 'enapega na shiÿaxauapi qataq soua lapaxaguenataqa, 'eeta':

Marcos 8:15

Nachi so Jesús huaqattapeguelguete soomayi, 'eeta': –Maxatchaxa qome, qadvichiÿa'a ana ÿashiidaxachigui ana pan mayi huetaigui na fariseopi qataq ñi Herodes.

Lucas 11:43

¡Ÿataqta choxodaxasodo' qami' mayi qaualliquiitaigui na fariseopi! Cha'ayi qami' qadqopitaxachi da qanso'oñiingui ana nso'onaxaqui nam ÿataqta ÿi'oxodaq añi laponaxaqui na judiopi, qataq da ÿataqta qami' qaÿi'oxode'n da qami' qaiqui'n da huangui na nqa'aic.

Lucas 12:1

Qaq ñaq queta da lapootega't so saq llalcolec shiÿaxauapi. Qaq mashi ivida da huo'o na qaÿi'iguingui. Nachi so Jesús i'auaxaañi da 'enapega so lapaxaguenatacpi, 'eeta': –Maxatchoxo' qome, qadvichiÿa'a anam ÿashiidaxachigui ana pan mayi huetaigui na fariseopi, qaq damaxa 'eeta': nachida da maichi lataxac namayipi da 'eetega 'eesa.

Lucas 14:7

Qaq so Jesús co'ollaq ÿauaachigui som ncoyiguenatacpi da lca'atau'a anam ÿi'oxodaq so'onaxaquipi som nqui'axala'. Nachi ÿan da lqataxac, 'eeta':

Lucas 20:47

Nataq'en namayipi ÿataqta iÿalaxat na huetañalo naua lma'te nam pa'aipi, nachi namayipi chochi nqañoxotoigui da i'ot da ÿataqta logodaic naq'en da nqouagaxaunaxac. Qaq ÿataqta ÿacteec qome da nhuaxanaguec namayipi.

Romanos 12:10

Ñi 'oonolec ÿataqta ÿauotec ca lÿa, 'eeta'am naq'en da lauotaxanaqtaic ca maichi lqaÿa. Qataq ÿataqta ipacapega ca lÿa, qataq ñi 'oonolec sa ishit da saq huo'o naq'en ca 'enec ca lÿa.

2 Timoteo 4:15

Maxatchaxa, 'advita'agueto' qome, cha'ayi somayi ÿataqta dataÿa'aguet da qad'aqtaxanaxac.

3 Juan 1:9

Qaq aÿim shiyiñi co'ollaxa aso ÿide da samaxa na 'amqajnataxanaxaicpi. Qalaxayi ca Diótrefes sa ishit da ÿaconguet da qadamaxasoxonaxac, cha'ayi camayi nshitaique da nachicata lataxala' namayipi.