Lucas 20:16 - Nuevo Testamento Toba Sur

¹⁶ Qomyi anac somayi, nachi ÿalauat se'eso 'onataxanaxaicpi. Ime, nachi ÿami' so laÿipi 'onataxanaxaicpi som 'alhua. Qaq co'ollaq qai'aqchigui de'eda, nachi qoÿiita': –¡Me ishito' da 'eetec de'eda ñi Dios!

Nuevo Testamento Toba Sombrero Negro

¹⁶ Ami ja'aĝatema queda'me naequena qomle qama'le yala't jogaa'me onataĝanaĝayaqa, nataq'aen ga'me uva lichidijat yanema gaa'me jiyaĝa'u laqaya'.” Mane'e ca'li domachita da'me dojo' jogaa'me, enapega't: —¡'Noota qom ja naq'aeta da'me dojo'!

La'aqtaqa Ñim Lo'onatac 'Enauacna 2013

¹⁶ Qomye anac somaye, nache ỹalauat se'eso 'onataxanaxaicpi. Ime, nache ỹami' so laỹepi 'onataxanaxaicpi som nanaxanaqa'. Qaq co'ollaq qaỹa'aqchigui de'era, nache qoỹeeta': –¡De'era saishet da nache 'eetec!

Lucas 20:16 Iomraidhean Croise

Mateo 21:34

Qaq co'ollaq mashi ivita so laloqo' da qanqat ana ala na nanguishic, nachi somayi namaq so l-latacpi, da yaqto' iÿaxanot se'eso 'onataxanaxaicpi, da yaqto' icolaxateuga cam talec somayi qanqoÿin.

Mateo 21:41

Nachi qoÿiita': –Qomyi ÿataqta sa ichoxonnai' da ÿalauat se'eso qauemaicpi. Ime, qaq ÿanem so 'alhua so laÿipi 'onataxanaxaicpi mayi ÿataqta ipacchigui da icolaxateuga cam talec so 'aco', da iviteuga ca laloqo' da qanqat na nanguishic.

Mateo 22:7

Nachi se'eso nta'a ÿataqta qalota da lalemataic. Nachi ÿamaq so nallippi, da yaqto' ÿalauat 'enauac se'eso laataxanaxaicpi qataq da ÿavigaxat 'enauac na lma'pi.

Marcos 12:9

Nachi so Jesús denataxan, 'eeta': –Qaq ¿chaq huá'ague qome ca 'eetec som lalamaxat se'eso 'alhua? Qomyi somayi anac, nachi ÿalauat se'eso 'onataxanaxaicpi, nachi se'eso n'alhua i'aalaxanaxanec so laÿipi 'onataxanaxaicpi.

Lucas 19:27

Qaq nam aÿim ipa'agueetacpi mayi sa ÿaÿamaxaden da aÿim lta'a, qalaq qanaviquiu'a aÿim. Ime, qaq qaualauachi.”

Lucas 20:15

Nachi qanqateeguesop somayi se'eso nanaxanqa'. Ime, nachi qaÿalauat. Nachi so Jesús denataxan, 'eeta': –Qaq ¿chaq huá'ague ca 'eetec se'eso lalamaxat so 'alhua?

Hechos 13:46

Qalaxayi so Pablo qataq so Bernabé sa ishit da ñi'idelec da l'aqtaxanaxa'c. Nachi co'ollaq ime, nachi 'ena'po': –Da l'aqtac ñi Dios, damayi iuen da hua'auñi da qai'axatem nam judiopi. Qalaxayi nagui yi qami' sa ishit da qauacoñiiguet, qataq qoñiÿapec yi sa iuen da qauacoñiiguet da nca'alaxa mayi chochaq tateec, qaq qomoxochictaxa qomi' nagui saxaigui nam sa ishit da judío l'ecpi.

Romanos 11:1

Qaq ÿoqo'oyi nagui aÿim senataxan, shiita': ¿Ñi Dios peta'a imaqhuec na Israel l'ecpi mayi maichi lalamaxatpi? ¡'A'i, sa ishit! Cha'ayi aÿim nataq'en aÿim Israel l'ec, aÿim lauo' l'ec so Abraham, qataq sachigoxoigui na llalaqpi so laual Benjamín.

Romanos 11:11

Qaq ÿoqo'oyi huo'o da inataxanaxac, shiita': ¿Peta'a nagui da 'ico' qui'aqañi na judiopi, nachi ÿoqta imauec da daqat? ¡'A'i, sa ishit! Cha'ayi de'eda 'eetec da sa ÿalaq na judiopi, nachida da i'ot da ishit da huo'o mshi huo'o da lca'alaxa nam saq judiopi, yaqto' nam Israel l'ecpi ishit da n'añaxatta da ilolec namayipi.

Romanos 3:31

Qaq ¿peta'a chigoqchigui da qadpi'iÿaxac da qaica ca naigui ñaq'enaq na nqataxacpi? ¡'A'i, sa ishit! Chaqdata da ÿataqta 'itchiguiñi ñaq'enaq dam 'enec na nqataxacpi.

Romanos 3:4

¡'A'i, sa ishit! Chaqdata da ñi Dios ÿataqta 'eesa da ipacchiguilo naua l'aqtaqa, qaq nai'ctaxa da 'enauac na shiÿaxauapi shipecaicpi. Cha'ayi nachi 'enapec naua ñiyigui'shi l'aqtaqa, 'eeta': Da 'autaqa, nachi qaila'a da ÿataqta 'eesa da qonapec, qataq 'anachatteec qome da qaica ca 'adasouaxashit, qom 'am qanmit.

Romanos 3:6

¡'Eesa mque' da sa nachi 'eetec de'eda! Cha'ayi da huo'otaq ñi Dios sa ishit da ÿaÿamaqchiguiñi ca i'ot, nachi ¿huá'aguectoxo' ca 'eetec da ishit da nmit ca lasouaxashit na shiÿaxauapi?

Romanos 6:15

Qaq ÿoqo'oyi ¿huá'ague ca 'eetec ca qad'aqtac? ¿Peta'a so'otaq ca qadasouaxashit, cha'ayi mashi sa ishit da souaqto'ot na nqataxacpi, chaqdata dam lqouagaxanaqtaic ñi Dios? ¡'A'i, sa ishit!

Romanos 6:2

¡'A'i, sa ishit! Cha'ayi qomi' mashi soqolqa'ai da ñi'itaxaloxo, qaq 'eeta'am da mashi 'ico' qomi' leuaxaiqa. Qaq ÿoqo'oyi ¿táloxochiyictoxo' da ña soqolaqtalec da so'otaqtac damayi?

Romanos 7:13

Qaq ¿peta'a ne'ena no'on nqataxacpi nachina na aÿim ÿauega ca ileuaxa? ¡'A'i, sa ishit! Cha'ayi nachida dam ñi'itaxaloxo da aÿim ÿasouaxateguet da seleu. Huaña, qaq damayi maichi ÿachaxan da lataxac co'ollaq do'onataxana dam no'on. Qaq 'eda da 'eetec da namaxasoxonaxac da i'axategue da llic da ñi'itaxaloxo da ÿataqta qauem.

Romanos 7:7

Qaq ÿoqo'oyi ¿chaq huá'ague ca 'eetec ca qad'aqtac? ¿Peta'a qauem na nqataxacpi? ¡'A'i, sa ishit! Cha'ayi aÿim sa ishit co'ollaxa da saÿaten chaq negue't dam ñi'itaxaloxo, da huo'otaq sa ishit da aÿim da'aqtaxanem na nqataxacpi. Qaq chochi saloqnaxana da aÿim sa ishit da saÿaten ca lataxac da huo'otaq qaÿoqopitta'a ca ÿaqa'a, da huo'otaq aÿim sa da'aqtaxanem na nqataxacpi, da 'eeta': “Sa ishit qome da 'auqopitta'a ca ÿaqa'a.”

Romanos 9:14

Qaq ÿoqo'oyi ¿chaq huá'ague ca 'eetec ca qad'aqtac? ¿Peta'a ñi Dios ishit da i'ot ca sa ÿaÿamaxañi? ¡'A'i, sa ishit!

1 Corintios 6:15

¿Sa qauaÿajñiÿo' da l'oquiaxac ñi 'oonolec da qoñiita da n'attau'a da l'oquiaxac so Cristo? Qaq ¿ishit peta'a da ñaqateu'a de'eda i'oquiaxac mayi n'attau'a da l'oquiaxac so Cristo, ime, qanachi n'adeu'a ñaq'en da l'oquiaxac aca quishiguetaxai? ¡Sa ÿauango' da nachi shiitec de'eda!

Gálatas 2:17

Qaq ÿoqo'oyi nagui da huo'otaq qomi' ñishoqtaique da chigoqchigui so Cristo da qomi' ÿaÿamaxadeete' ñi Dios, qaq ishit da yi'oqta da nataq'en qomi' 'itaxaloxoiqa, qaq ¿peta'a ishito' da so Cristo qomi' 'itaxaloxoiqa naq'en? ¡'A'i, sa ishit!

Gálatas 3:21

Qaq ¿damaxa peta'a 'eetega da na nqataxacpi mayi chigoqo'ot so Moisés 'ico' da npa'aguene' dam ÿachaxanapec co'olloxochiyi ñi Dios? 'A'i, sa ishit da nachi 'eetec de'eda. Cha'ayíctaxa da huo'otaq qoÿan ca nqataxac da ishit da deca'alaqtaxan, qanachi ishíttaxa da huo'o ca ÿaÿamaxadeeta ñi Dios souaxat da i'ot cam damaxasoxoolec na nqataxacpi.

Gálatas 6:14

Qaq aÿim, qalaxayi sa ishit da huo'o ca ñi'amqajnaxac; chaqdata da l-leuaxa so qadataxala' Jesucristo co'ollaq qaiuaxanguet so npe'enaxaqui. Cha'ayi nachi chigoqchigui de'eda l-leuaxa so Cristo co'ollaq qaiuaxaneuo da huo'o mshi 'enauac na huetalec ana 'alhua 'eeta'am ñaq'en da leuaxaic, qataq aÿim 'eeta'am naq'en da aÿim leuaxaic.