Lucas 2:9 - Nuevo Testamento Toba Sur

⁹ Nachi nque'elaxatta da nachaxana so lamaxashic ñi qadataxala'. Nachi da lli'oxoyic ñimayi ÿataqta icoÿadelec somayipi, nachi ÿataqta lta'adaic da lcolanaxa.

Nuevo Testamento Toba Sombrero Negro

⁹ Qampaja'a qaale yauata ga'me piyem le'ec jo'ne chiyaqaje'ma ñe'me Jaliaĝanec, nataq'aen da'me lauaqayaĝac 'me 'lonaĝac joñe'me yataqata napacalo'te jogaa'me, qama'le jalcote da'me t'oi'y.

La'aqtaqa Ñim Lo'onatac 'Enauacna 2013

⁹ Nache nque'elaxatta da so 'oonolec lamaxashec Ñim Lo'onatac 'Enauacna nachaxana somayepi, qaq da llo'oxoyec Ñim Lo'onatac 'Enauacna icoỹarelec cam hueta'a somayepi. Qaq som qagueta lo'opi ỹataqta lta'araic da lcolanaxa,

Lucas 2:9 Iomraidhean Croise

Mateo 1:20

Qaq co'ollaq ñaq tatapigui lauel de'eda, nachi anac so lamaxashic piguem l'ec ñi qadataxala', huaigui naq'en so l'ochaxa da nachaxana somayi. Nachi 'enapega, 'eeta': –José, 'am mayi 'auachigoxoguet so nta'a David, sa ishit qome da 'ayi'i da 'aupaca'aguet añi María da 'adhua. Cha'ayi dam llalec mayi huetagui, damayi chigoqo'ot so Espíritu Santo.

Lucas 1:28

Nachi so lamaxashic ñi Dios pa'aigui so lma' mayi netaigui asomayi. Nachi iquin, 'eeta': –¡'Am mayi nachi'am nqouaguec ñi Dios! Ñi qadataxala' 'am hueta'aguet. Ñimayi 'am ÿanem da lqouagaxanaqtaic, qaq sa ishit da qoneta'am 'enauac na 'adaÿipi 'alpi.

Lucas 2:8

Qaq yim lshicteuga yi Belén huo'o so shiÿaxauapi mayi ilotague' ana lalo qagueta, huetauga na n'onaxa se'eso pe.

Lucas 24:4

Nachi ÿataqta huo'o da lcolanqa' soomayi, qataq sa ÿaÿate'n ca 'eeteque co'ollaq qaila'alo soua dos shiÿaxa'u nachattrañi, huaqta'ato soomayi. Soua alogo ÿataqta qashilectrapiguiñi.

Juan 12:41

Qaq so Isaías 'enapec co'ollaxa de'eda, cha'ayi souaxat da ÿauaachigui da lli'oxoyic so Jesús. Huaña, nachi i'axattac somayi.

Hechos 12:7

Nachi nque'elaxatta da nachatteuo so piguem l'ec lamaxashic ñi qadataxala', nachi ÿataqta yi'oqchiguiñi na pa'auo aso ncoñitaxanaxaqui. Nachi som namaxashic i'adeu'a na laÿi so Pedro da nqotoxon. Nachi 'enapego', 'eeta': –Qoñishiguem, 'anque'emgue. Nachi soua lque'te naua lhua'q so Pedro ñideec.

Hechos 27:23

Cha'ayi ne'ena pe aÿim nachaxana so chigaqshiguem lamaxashic ñi Dios mayi sooto'ot qataq so'onataxaatacot.

Hechos 5:19

Qalaxayi so lamaxashic piguem l'ec ñi qadataxala' ÿauatoiguilo soua laso'mi aso ncoñitaxanaxaqui se'eso pe, nachi nqatreec soomayi. Nachi 'enapegalo', 'eeta':

2 Corintios 3:18

Qaq ÿoqo'oyi 'enauac da shinaqta mashi qaica som lapoxot na qadashic, nachi shinaqta'am aca tannaxai mayi 'edoigui naq'en da lli'oxoyic so qadataxala', qataq nachi ñiquigaqta'aguet da shinaqta'am so Cristo, cha'ayi dam lli'oxoyic somayi nachi qomi' nquigaxattrashigue'm. Qaq 'eda da 'eetec so qadataxala' da nachiso so Espíritu Santo.

2 Corintios 4:6

Cha'ayi ñim Dios mayi maichi namaq asom lcoÿadaxanaqte, da yaqto' icoÿadelec nam napalaxa, qaq nachiñi ñimayi icoÿadoiguilo naua qadquiyaqte, chigoqchigui naq'en asa'aso lcoÿadaxanaqte, da yaqto' ishit da sauattonaq da lli'oxoyic ñimayi mayi 'edoigui naq'en da lashiguiaxac so Jesucristo.

1 Timoteo 3:16

Qaq sa ishit da qaÿoqolguet de'eda saq cha'a lataxac da qad'amqajnataxanaxac, cha'ayi ÿataqta lta'adaic da lli'oxoyic: Ñi Dios nachaxan, qalaxayi nachida da yi'oqchigui lapachiyaxac na shiÿaxauapi; qaq da n'aqtaguec co'ollaq i'axat so Espíritu ÿataqta 'en da no'on shiÿaxaua, qaq ÿauaachigui somayi 'enauac na chigaqshiguem Dios lamaxashicpi. Qataq qai'axatem 'enauac na ÿotta'a't shiÿaxauapi, ÿoqo'oyi huo'o na i'amaqten na 'enauac ÿallippi nam huetalecna. Ime, qaq qaÿaueegue da piguem.

Hebreos 12:21

Qaq ÿataqta huo'o da lchic se'eso qailota'a, ivida'a so Moisés 'eeta': “Aÿim ÿataqta aÿim iviloxolaqchit da icolanaxa.”

Apocalipsis 18:1

Qaq can ime de'eda, nachi qaltaq sela'a so lÿa namaxashic piguem l'ec, chigoqtot na piguem. Qaq somayi ÿataqta lta'adaic da l'añaxac. Nachi 'enauac ana 'alhua ÿataqta yi'oqtelec naq'en na l'edaxa.

Apocalipsis 20:11

Nachi sela'a aso late'edai so'onaxaqui lapagaxai qataq som nso'ootangui asomayi. Huaña, nachi ana 'alhua qataq na piguem ÿataqta nlagaxatapec, ÿataqta sa ishit da huo'o ca chapegue' namayipi.