Lucas 2:39 - Nuevo Testamento Toba Sur

³⁹ Qaq co'ollaq mashi ime da qai'ot 'enauac nam damaxasoxoolec nam lqataxacpi ñi qadataxala', nachi soomayi ÿi'iguelaxadegue da Galilea da nqo'ooda yim lalamaxa't npueblo l'enaxat Nazaret.

Nuevo Testamento Toba Sombrero Negro

³⁹ Mane'e ca'li yema yoma't ga'me jo'ne damaĝajoĝolegue ñe'me Jaliaĝanec, qama'le 'viyelaĝadeta di'me Galilea, di'me mach'e layi jo'ne na'ña di'me Nazaret.

La'aqtaqa Ñim Lo'onatac 'Enauacna 2013

³⁹ Qaq so José qataq aso María co'ollaq mashe ima't da ỹo'o't 'enauac nam damaxasoxoolec nam lqataxacpi Ñim Lo'onatac 'Enauacna, nache soomaye ỹe'eguelaxaregue da maiche lma't Nazaret, maye huaigui ye 'alhua Galilea.

Lucas 2:39 Iomraidhean Croise

Mateo 3:15

Qalaxayi so Jesús 'enapeco': –Qalaxayi nagui no'on da 'auauaqta'a da nachi shinaqtec de'eda. Cha'ayi ÿaÿamaqchiguiñi da qomi' so'otaq 'enauac nam 'eetapeguecpi ñi Dios. Nachi so Juan ÿaÿamaxadeeta.

Lucas 1:26

Qaq co'ollaq mashi inoxoodeec soua seis ca'agoxoiqa, nachi ñi Dios ÿamaxa so Gabriel yi pueblo Nazaret mayi huaigui yi 'alhua l'enaxat Galilea,

Lucas 1:6

Soomayi ÿataqta no'o'n shiÿaxa'u, ÿaÿamaxadeete' ñi Dios. Nataq'en ÿataqta ÿalaxadeguet 'enauac na lqataxacpi ñi qadataxala'. Qaq ÿoqo'oyi sa ishit da huo'o ca ishit da ÿasaxalguete ca lasouaxashi't soomayi.

Lucas 2:4

Qaq ÿoqo'oyi so José chigoqchiguiña yi pueblo l'enaxat Nazaret, huaigui yi 'alhua Galilea, da nqo'ona yi pueblo l'enaxat Belén huaigui yim 'alhua l'enaxat Judea yim lañoqo' so David, cha'ayi so José maichi chigoxoguet so David.

Lucas 2:51

Huaña, nachi ÿi'iguelaq somayi, queuoiguilo soua lta'al, tadegue da Nazaret. Nachi somayi quetot da ÿataqta ÿalaxalguete soua lta'al. Qaq aso late'e ÿataqta ÿoxochigui añi lquiyaqte 'enauac de'eda.

Lucas 4:16

Nachi so Jesús nqo'ona yi Nazaret yim pueblo mayi maichi lañaxataqa'. Qaq co'ollaq ivideuga so na'a'q mataxaqui, nachi inoxoneu'a aso laponaxaqui na judiopi, cha'ayi nachi n'onataxac somayi. Ime, nachi nachajñi da itaxaÿaxan yi l'aqtac ñi Dios.

Lucas 4:23

Nachi so Jesús 'enapeco': –Qami' yi'oqta qome da aÿim qaudoilec da' chi n'aqtacnaxa 'eeta': “'Am natannataxanaq, maichi 'anatadeela't.” Qataq yi'oqta qome da qoñiita': “Nam sa'axasoqtapeguelec da 'au'otpi co'ollaq huaña yi Capernaum, nataq'en 'au'ot nagui da huaña na 'adalamaxat 'an'alhua.”