Lucas 2:36 - Nuevo Testamento Toba Sur

³⁶ Qaq nataq'en hueta'a yimayi aso 'alo mayi l'aqtaxanaxana ñi Dios. Asomayi ÿataqta ÿi'axaina', l'enaxat Ana. Asomayi llale so l'enaxat Penuel som chigoxoigui so llalaqpi so Aser. Qaq asomayi huadon co'ollaq ñaq qa'añolom, qaq ivi' naua siete vi'iyi da neta'aguet so lhua.

Nuevo Testamento Toba Sombrero Negro

³⁶ Nach'e ena'am ue'tedi jañe'me yauo jo'ne Dios 'laqataĝanaĝana 'me lenaĝat Ana, mach'e c'oqote di'me Penuel, nataq'aen chiyoĝogueta ga'me lolelaĝaiquipi di'me Aser. Nach'añe joote 'yaĝaina' joca'li: uo'on ca'li yataqachiñe q'añole, qalaĝaja ch'e siete ga'me 'uoidi da'me ue'tajop di'me loua,

La'aqtaqa Ñim Lo'onatac 'Enauacna 2013

³⁶ Qaq aso no'onaxanaxaqui late'erai hueta'a nataqa'en aso 'alo ỹa'axaino'ole, asomaye la'aqtaxanaxana Ñim Lo'onatac 'Enauacna le'enaxat Ana. Asomaye llale so Peniel maye chegoxoguet so Aser. Co'ollaq ña qa'añole aso Ana, nache huaron, qaq ivi' siete vi'iye da neta'aguet so lhua,

Lucas 2:36 Iomraidhean Croise

Lucas 2:35

qaq yaqto' ishit da qaÿaÿaten ca lhuennataxac añi lquiyaqte ñi 'oonolec shiÿaxaua. Qaq 'am qome, qalaxayi 'enauac de'eda 'eeta'am ca ÿiilonec da huo'otaq qai'ayigui añi 'adquiyaqte.

Lucas 2:38

Qaq aso Ana nataq'en ÿalectauo se'eso na'a'q. Qaq co'ollaq ime da ÿaatacot da n'achiquiaxac ñi Dios, nachi i'axattac so nogotolec Jesús, da'aqtaxaatapeguem 'enauac nam iuattaique cam na'a'q qom ÿataqta huesochiguiñi qanqoÿin yi Jerusalén.

Hechos 2:18

Que'ecaua na'axa'te nachi aÿim ñanacot qome ñi'Espíritu Santo, nachi sanem na ilatacpi qataq ana ilatapi, huaña qome, nachi i'axa't naua i'aqtaqa.

Hechos 21:9

Qaq se'eso Felipe huo'oi soua cuatro llale. Soomayi saxanaxa da huado'n, qaq soomayi l'aqtaxanaxanal ñi Dios.

1 Corintios 11:5

Nachi 'en'am aca 'alo da sa ishit da ÿapolec na lqaic da huo'otaq nqouagaxaueetac, huo'otaq da i'axattac da l'aqtac ñi Dios, acamayi huota'a naq'en da n'enaguec na lqaic, souaxat da sa ÿapolec. Qaq 'eeta'am da imauec da npetec na laue.

1 Corintios 12:1

Qami' ÿaqaÿa't, ñishitaique da qauaÿajñiita da lataxac na lshitaxanaxatpi so Espíritu Santo mayi ÿanem ñi 'oonolec.

1 Timoteo 3:2

Ÿoqo'oyi ca lataxala' na 'amqajnataxanaxaicpi sa ishit da huo'otaq sa ÿaÿamaxañi da n'aqtaguec. Chaqdata da 'oonole naq'en aca lhua, qataq ÿataqta ilotegue da lliquiaxac, nloteec, qataq qaica ca taÿapegueu'a. Qataq ÿataqta nloshiguem, sa ishit da sa ilo'oguet da lÿa da namaxasoxoic. Qataq ÿaÿaten da dapaxaguenataxan.

1 Timoteo 5:9

Qaq aca lmalate na l'enaxat ana pa'ai, ndoteec qanqoÿin ana mashi ivi' naua sesenta vi'iyi, qataq 'oonolec naq'en ca chigoxoguet lhua.

Apocalipsis 7:6

qataq ivi' na doce mil so n'anguishic na llalaqpi so Aser, qataq doce mil so n'anguishic na llalaqpi so Neftalí, qataq doce mil so n'anguishic na llalaqpi so Manasés,