Lucas 2:34 - Nuevo Testamento Toba Sur

³⁴ Nachi so Simeón ÿan da no'on l'aqtac. Ime, nachi 'enapega aso María asom late'e so Jesús, 'eeta': –Ña 'aumeten ne'enatai' nogotolec, namayi qoÿanagui da ÿataqta qalota qome naq'en na huañi huo'otaq ñishiguem na Israel llalaqpi. Namayi nachina na l'anaxat da ÿataqta qalota qome na sa da'amqajnataxan,

Nuevo Testamento Toba Sombrero Negro

³⁴ Chane'eja Simeón nach'e ena'am netamelo'te jogaa'me, qama'le t'aqataĝanem jañe'me María, jo'ne lat'e ñe'me Jesús: —Cha'apega, jenjo' notolec qoyajoĝo'tague qaedi gaa'me Israel laje' uo'oe gaa'me 'uaĝadiñe nataq'aen uo'oe gaa'me ñidijeguem. Nach'eñe 'nanec, qalaĝaja uo'oe qayoĝode' jo'ne 'yota'n.

La'aqtaqa Ñim Lo'onatac 'Enauacna 2013

³⁴ Nache so Simeón ỹan da no'on la'aqtac. Ime, nache 'enapega aso María asom late'e So Jesús, 'eeta': –Ñim Lo'onatac 'Enauacna namaq ne'ena nogotolec da yaqto' qalota na nca'alec na Israel le'ecpi, qaq ca laỹepi na Israel le'ecpi qalaq huo'o ca nhuaxanaguec. Ñim Lo'onatac 'Enauacna namaq namaye da yaqto' qaỹaỹateeteguet da 'eetapeguec Ñimaye, qalaxaye qalota qome na dataỹa'aguet.

Lucas 2:34 Iomraidhean Croise

Mateo 11:19

Ime, qataq anac na shiÿaxaua llalec, qaq namayi deque'etac, qataq nÿomtac, nachi qami' qoñiitega da namayi qui'axaic, nÿomaxaic, qataq nauochaxaua nam 'itaxaloxoicpi qataq nam ÿacootapeeguet ana nshiitenaqte ca nta'a. Qalaxayi da laÿajnec ñi Dios yi'oq cam naigui.

Mateo 12:46

Qaq so Jesús ña detaqtapoigui se'eso shiÿaxauapi, co'ollaq nvideuo aso late'e qataq soua lqaÿa't. Qaq soomayi pa'atrauec, qaq nshitraique da detaxaidapegue' somayi.

Mateo 21:44

Qaq se'eso coma', qalaq da huo'o ca camachaqca talec somayi, nachi camayi dolachigui. Qataq se'eso coma' da huo'otaq huo'o ca talec, nachi ÿataqta dolachigui naq'en.

Mateo 27:63

Nachi qoÿiitega, qoÿiita': –'Am qadataxala', qomi' tachigui qadhuel se'eso shipecaic da l'aqtac co'olla ña nca'altauec, qalaq 'eetega da mashi inoxoodeec caua tres na'axa'te nachi qaltaq nca'aleeguesop da nleuaxa.

Lucas 2:35

qaq yaqto' ishit da qaÿaÿaten ca lhuennataxac añi lquiyaqte ñi 'oonolec shiÿaxaua. Qaq 'am qome, qalaxayi 'enauac de'eda 'eeta'am ca ÿiilonec da huo'otaq qai'ayigui añi 'adquiyaqte.

Juan 3:20

Qaq 'enauac nam i'otta'pe naua qauema, namayipi ÿataqta nquiÿa so yi'oqchiguiñi, qataq sa ishit da nqo'oneu'a somayi, cha'ayi nshitaique da sa ishit da yi'aqleguete naua i'otta'pe qauema.

Juan 5:18

Qaq ÿoqo'oyi na judiopi nquicteec da nshitaique da ÿalauat so Jesús, cha'ayi sa ishit da chaqdata da sa ÿalaxalec da lataxac yi na'a'q mataxaqui, cha'ayi nataq'en 'eetega da 'en'am ñi Dios co'ollaq 'eetega da ÿataqta lta'a ñimayi.

Hechos 13:45

Qalaxayi nam judiopi co'ollaq ila'a da ÿataqta qalota na shiÿaxauapi, nachi namayipi ÿataqta huo'o da ndaxaÿaxa. Nachi qaÿasatta'aguet na l'aqtacpi so Pablo qataq qaishiueetac.

Hechos 17:6

Qaq co'ollaq sa qaÿanatalo soomayi, nachi qaÿauec so Jasón, qaÿauogleeta. Qataq huo'oi soua lÿa't 'amqajnataxanaxaiqa da qaÿauegueu'alo som lta'alpi se'eso la ciudad. Nachi i'alaqtagui somayipi, 'eeta': –Ne'enaua shiÿaxa'u mayi idaxaatrapigui 'enauac na shiÿaxauapi da chigoqtra'ague, naamayi nagui qataq nvitra ne'ena souaqta'a.

Hechos 24:5

Cha'ayi qomi' ÿataqta selaqlec ñi'iñi shiÿaxaua da ÿataqta sa dalemaqtaxan, qataq 'enauaque naua lÿa't 'ale'u i'otec da nÿodacachi naq'en na judiopi, qataq nachiñi ñim lataxala' nam lataxanatacpi so qaÿamata'ac Nazaret l'ec.

Hechos 28:22

Qaq ÿoqo'oyi qomi' sauoqtaique da 'am ñi'axaÿaxanaxa ca 'eetec ca 'adhuennataxac. Cha'ayi saÿajnaq da 'enauaque naua 'ale'u qanpa'agueetega de'eda dalaxaic n'amqajnataxanaxac.

Hechos 4:26

Na nta'alpi ana 'alhua qalaq nachajda't, qataq na lataxala'pi na shiÿaxauapi lapona't, da qanpa'aguena ñi qadataxala' Dios qataq som lamaxashic nta'a mayi qadca'alaxaqui.

Hechos 6:7

Nachi da l'aqtac ñi Dios ÿataqta nquictashiguem qataq yi lcata na da'amqajnataxan yi Jerusalén ÿataqta nquictauec, ivida'a da qalota na da'amqajnataxan nam ntaxaÿaxanaxanecpi da qaitaxaÿapegue' ñi Dios mayi judío l'ecpi.

Romanos 9:32

Qaq ¿chaq tá'ainco'? Qomyi souaxat namayipi da sa ishit da npogoxoinapegue' da chigoqchigui da lpi'iÿaxac da ÿaÿamaxadeeta ñi Dios, chaqdata da ipactega nam maichi l'onataxanaxacpi. Qaq ÿoqo'oyi namayipi qui'aqaisop so Cristo mayi 'eeta'am ca coma' nsalviaxala',

1 Corintios 1:23

Qalaxayi qomi' sa'axataqtac da n'aqtaguec so Cristo co'ollaq qaiuaxaneuo. Na judío l'ecpi da hua'axaÿa de'eda n'aqtaxanaxac, nachi ÿataqta da'aguelec. Qaq nam saq judío l'ecpi da hua'axaÿa, nachi 'eeta'am naq'en da chochi 'oopashic.

Hebreos 7:1

Se'eso Melquisedec, somayi nachiso so lta'a nam netaña yi Salem qataq ltaxaÿaxanaxanec na shiÿaxauapi da qaitaxaÿapegue' ñi Dios mayi 'amaqtaqaic. Qaq so Abraham co'ollaq mashi ñi'iguelaq, chigoqta'a so alaataxac mayi huaigui co'ollaq ÿalaua't soua nta'al, nachi ÿanem da nqouagaxa somayi.

Hebreos 7:7

Qaq sa ishit da huo'o ca ÿoqolguet de'eda, da cam doqouagaxanaqta nachica cam 'amaqtaq, qaq saq 'en'am cam qanqouaguec.

1 Pedro 4:14

Da huo'otaq qami' qaishiueeta'pe souaxat so Cristo, qalaq ÿataqta qami' machiyiñi, cha'ayi som qaica ca 'en'am da lli'oxoyic n'Espíritu ñi Dios qami' hueta'agueta. Namayipi ÿataqta sa iyacnapec da detaxaÿa so Cristo, qalaxayi qami' ÿataqta qavi'oxoyiñi somayi.