Lucas 2:10 - Nuevo Testamento Toba Sur

¹⁰ Qalaxayi so lamaxashic ñi Dios 'enapeco': –Sa ishit qome da qayi'ii, cha'ayi aÿim qami' ñida'alo da no'on qad'axaÿaxaqui. Qaq damayi i'ot qome da ntonaxac 'enauac na shiÿaxauapi.

Nuevo Testamento Toba Sombrero Negro

¹⁰ Qalaĝaja ñe'me piyem le'ec enaac: —Ena'te at'oiyi, qa'a ami ja'aĝatema da'me onaĝaic Dios 'laqataĝanaĝac, jo'ne nach'eda ena'uaque gaa'me jiyaĝadipi chiyaqayi da'me made'tapolqa.

La'aqtaqa Ñim Lo'onatac 'Enauacna 2013

¹⁰ qalaxaye so lamaxashec Ñim Lo'onatac 'Enauacna 'enapeco': «Saishet da qayi'i, cha'aye aỹem qami' ñera'alo da no'on qara'axaỹaxaqui. Qaq damaye ỹo'ot qome da lta'araic da qantonaxaqui:

Lucas 2:10 Iomraidhean Croise

Mateo 14:27

Nachi so Jesús 'enapegalo soomayi, 'eeta': –¡Qan'añaxachi qome, sa ishit da qayi'ii, nachaÿim!

Mateo 28:18

Nachi so Jesús nquiga somayipi, nachi 'enapega, 'eeta': –Aÿim mashi aÿim qaipataxalec da samaqpec 'enauac na hueto'ot na piguem qataq na huetalec ana 'alhua.

Mateo 28:5

Nachi so namaxashic piguem l'ec, somayi 'enapegalo soua 'alo, 'eeta': –Sa ishit qome da qayi'ii. Aÿim saÿaten da qami' qanmichiitaique so Jesús som qaiuaxaneuo co'ollaxa.

Marcos 1:15

'Eeta': –Mashi yaqta'a ivita yi laloqo' da nvi' da l'onataxanaxac ñi Dios da ilo'ogue 'enauacna. Qaq qaualachi' qome naua qan'onataxacolli', qataq qau'amaqchiñi da n'aqtaxanaxac mayi chigaqaigui da nca'alaxa.

Marcos 16:15

Nachi somayi 'enapegalo soomayi, 'eeta': –Qanqo'oñiÿa qome 'enauac na shiÿaxauapi mayi huetalec ana 'alhua, nachi qau'aqtaxañiim dam n'aqtac mayi chigaqaigui da nca'alaxa.

Lucas 1:13

Qalaxayi so namaxashic 'enapeco': –Zacarías, sa ishit da 'ayi'i, cha'ayi ñi Dios hua'aqtega da 'anqouagaxaunaxac. Qaq nagui añi 'adhua Elisabet huo'o qome ca llalec. Qaq camayi 'ai'anagui qome da l'enaxat Juan.

Lucas 1:19

Nachi so namaxashic 'enapeco': –Aÿim mayi nachaÿim Gabriel, mayi sooto'ot ñi Dios. Qaq ñimayi aÿim namaq da 'am setaxaÿapegue', qataq da 'am sa'axatem de'eda no'on 'ad'axaÿaxac.

Lucas 1:30

Nachi se'eso namaxashic 'enapeco': –María, 'am sa ishit da 'ayi'i, cha'ayi ñi Dios ÿataqta 'am ÿaÿamaxadeeta.

Lucas 2:11

Qaq damayi 'eeta': nagui lañoqo' yi npueblo so David cam qaÿauotaique da qadca'alaxaquii l'enaxat da Cristo cam qadataxala'.

Lucas 24:47

Nachi de'eda l'enaxat qai'axateec qome, qai'aqtaxanoigui na ÿotta'a't shiÿaxauapi, qaq qoÿinapega 'enauac namayipi da ca'aisalo naua n'onataxaco, yaqto' naua n'onataxaco ishit da qaÿapalaxa't, qaq qaÿachigoqchiguiña qome na Jerusalén.

Lucas 8:1

Qaq co'ollaq mashi qaÿoqtegue de'eda, nachi so Jesús quetagui na pueblopi qataq nam naña nam saq 'amaqtaq shiÿaxauapiolec da da'aqtaxaatac, i'axattapeguem da no'on l'axaÿaxac mayi i'axat da ñi Dios ilo'ogue 'enauacna. Qaq nnaictagueto soua doce lapaxaguenataqa.

Hechos 13:32

Qaq ÿoqo'oyi qomi' qami' sa'axataqtapeguema nagui de'eda no'on qad'axaÿaxac mayi ÿachaxanapeguem co'ollaxa som hua'au qadta'alpi ñi Dios.

Romanos 10:15

Qataq ¿huá'ago' ca 'eetec da huo'otaq huo'o ca da'aqtaxan, da huo'otaq sa ishit da namaxashic? Cha'ayi dam 'enapec naua ñiyigui'shi l'aqtaqa ñi Dios, 'eeta': “¡Ÿataqta sa n'onolec da lvidaxac nam ndotai' da n'aqtaxanaxac mayi i'ot da nlagaxayic, qataq i'axattac da no'on qad'axaÿaxac!”

Efesios 3:8

Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.

Colosenses 1:23

Qalaxayi damayi iuen da qami' sa ishit da qai'axañiiuec da qadpi'iÿaxaqui, qoñiita'am aca qo'ipaq mayi ÿataqta qaÿoqchiguingui ca lpa'a'q. Qataq sa ishit da qai'axañiiuec da qanaquitaxaqui mayi qauachigoxochiichigui da n'aqtac mayi chigaqaigui da nca'alaxa mayi qan'axaÿaxañiÿa. Qaq de'eda n'aqtac nachida da qai'axattac 'enauaque naua 'ale'u. Qaq aÿim Pablo nachida da sa'axattac.