Lucas 2:1 - Nuevo Testamento Toba Sur

¹ Qaq se'esoua na'axa'te, nachi so lta'a na nta'alpi l'enaxat Augusto, somayi ÿan so l'aqtac da 'enauac na shiÿaxauapi qoÿideuo na l'enaxatpi da qanaloqna't.

Nuevo Testamento Toba Sombrero Negro

¹ Jaajo' noloqo'ote joca'li, ñe'me Roma le'ec Augusto, jo'ne nec'atenoqo't di'me aleua, damaĝajoĝolegue ca'li da'me qaedi yema nedela't ga'me jiyaĝadipi jo'ne yelolegue.

La'aqtaqa Ñim Lo'onatac 'Enauacna 2013

¹ Co'ollaq nayeeta'a da ñiguiñi So Jesús, nache so lta'a na nta'alpi le'enaxat Augusto maye netaña ye Roma, damaxasoxoolec da qaỹo'ot ca naloqnaguec na shiỹaxauapi maye ilotague' somaye.

Lucas 2:1 Iomraidhean Croise

Mateo 22:17

Ña qomi' 'au'axatema ca 'adhuennataxac dam senataxanaqtapeguec, mayi 'eeta': ¿Peta'a ÿaÿamaqchiguiñi da qaishiiten ñim lta'a na nta'alpi, loqo' chaq sa ishit?

Mateo 24:14

Qaq de'eda no'on n'axaÿaxac mayi i'axat da n'aqtaguec da l'onataxanaxac ñi Dios mayi ilo'ogue 'enauacna, damayi qai'axateec qome 'enauac ana 'alhua, da yaqto' 'enauac nam ÿotta'a't shiÿaxauapi ÿaÿaten damayi. Huaña, nachi ivita ca loga'tna.

Marcos 14:9

Qaq ÿataqta 'eesa de'eda qami' sa'axatema, da cam pa'aigue naua laÿil ana 'alhua da qai'axattac de'eda n'aqtac mayi chigaqaigui da nca'alaxa, nachi nataq'en qai'axattac qome de'eda i'ot ada'ada 'alo, yaqto' nachi 'eetai' qome da qaiuennatapega adamayi.

Marcos 16:15

Nachi somayi 'enapegalo soomayi, 'eeta': –Qanqo'oñiÿa qome 'enauac na shiÿaxauapi mayi huetalec ana 'alhua, nachi qau'aqtaxañiim dam n'aqtac mayi chigaqaigui da nca'alaxa.

Lucas 2:3

Nachi 'enauac na shiÿaxauapi taÿalo naua chigoqchiguiñalo da nanedeuo.

Lucas 2:5

Qaq nqo'ona yi Belén da nanedeuo, nnaictague' aso María asom huotaique da lhua, qaq asomayi hualaxai.

Lucas 3:1

Qaq co'ollaq mashi ivi' naua quince vi'iyi da l'onataxanaxac som lta'a na nta'alpi l'enaxat Tiberio, qaq so Poncio Pilato ilotague' yi Judea, qaq so Herodes qalaq ilotague' yi Galilea, qaq so lqaÿa Felipe qalaq ilotague' yi Iturea qataq Traconítide, qaq so Lisanias qalaq ilotague' yi Abilinia.

Hechos 11:28

Qaq huo'o so 'oonolec soomayi, l'enaxat Agabo. Somayi nachajñi co'ollaq huetaigui so nqaÿañicpi, nachi so Espíritu Santo i'aqtaxanaxanec somayi da huo'o qome ca lta'adaic nqouaxa ana 'alhua. Qaq de'eda l'aqtaxanaxac ipacchigui, huetoigui so na'a'q co'ollaq lta'a na nta'alpi so l'enaxat Claudio.

Hechos 25:11

Cha'ayi da ÿoqta 'eesa da huo'o ca ÿasouaxashit mayi naigui ca ñalaataguec, qaq aÿim sa ishit da ñillitac da aÿim qaÿalauat. Qalaxayi da huo'otaq sa ishit da huo'o ca 'en nam aÿim qaÿasaqtapeguelecpi, qaq nataq'en sa ishit da huo'o ca chochi aÿim ÿanoigui namayipi. Qaq ÿoqo'oyi aÿim seÿaxaneu'a da no'on da nachica ca nta'a mayi neta'ague da Roma da aÿim nmit.

Hechos 25:21

Qalaxayi ñimayi maichi iÿaxaneu'a da yaqto' nmit cam nta'a Augusto mayi na'ague da Roma. Nachi aÿim samaxasoxoolec ñimayi da yaqto' nachi 'eetai' da qaicoñitai', maichiyi da ivita da samaxa que'eca nta'a.

Romanos 1:8

Qaq aÿim sa'auaxaachiguiñi da sachigoxotchigui so Jesucristo da sanot da ñi'achiquiaxac ñi ita'a Dios souaxat da qoñiita 'enauac, cha'ayi 'enauaque na laÿil qan'aqtaxaatapigui da qadpi'iÿaxaqui.

Filipenses 4:22

Nataq'en qami' ÿamaxalo da lquinaxanaxac 'enauac nam hueta'a ne'ena nam lalamaxatpi ñi Dios. Qataq ÿataqta lta'adaic da lquinaxanaxac nam nallippi ñim lta'a na nta'alpi mayi netaña na Roma.