Lucas 19:37 - Nuevo Testamento Toba Sur

³⁷ Qaq co'ollaq mashi qanayiita'a so ca'amgue asom saqaÿoqotchiguemec 'alhua mayi nanqa' ana olivos, nachi 'enauac nam i'amaqteetac somayi qataq quetague', nachi i'alaqtagui souaxat da ntonaxac. Nachi ÿi'oxodeetac ñi Dios souaxat 'enauac nam sa qaÿauanapigui mayi i'ot da n'aalaxa mayi qaÿauaachigui da i'ot somayi.

Nuevo Testamento Toba Sombrero Negro

³⁷ Ca'li male ua'a ga'me yauaqa'a di'me Jerusalén, ga'me qotayapi'ña ga'me qajoĝonaĝa jo'ne Olivo Lichidijat, ena'uaque gaa'me jo'ne quetedapegue' male chiyoqochiñe da'me yiyaĝanaĝatedac da'me lamai'j nataq'aen 'nonaĝachidegue ñe'me Dios queda'me uo'oe gaa'me lañoqotaĝanaĝaco p'ajodaye jo'ne qoyauanalo.

La'aqtaqa Ñim Lo'onatac 'Enauacna 2013

³⁷ Qaq co'ollaq mashe saqaỹapeque asom saqaỹoqotcheguemec 'alhua maye nanqa' ana Olivo, co'ollaq mashe quiguingui so ca'amegue soomaye da nqo'ootra ye Jerusalén, nache huaña da 'enauac nam ỹa'amaqteetac Somaye qataq quetague' ỹa'alaqtagui, souaxat da ntonaxac. Nache ỹo'oxoreetac Ñim Lo'onatac 'Enauacna, souaxat 'enauac nam sa qaỹauanapigui maye ỹo'ot So Jesús da ỹauaachigui somayepi.

Lucas 19:37 Iomraidhean Croise

Mateo 21:1

Qaq co'ollaq mashi qanayiitau'a yi Jerusalén, nachi qaivita yi pueblo l'enaxat Betfagé mayi sa qaÿapeque yi saqaÿoqotchiguemec 'alhua mayi nanqa' ana olivos. Nachi so Jesús ÿama'q soua dos lapaxaguenataqa.

Marcos 13:3

Nachi nqo'ooda aso qasoxonaxa mayi nanqa' ana olivos mayi nachi nalotta aso n'onaxanaxaqui. Nachi so Jesús co'ollaq mashi nso'ootañi, nachi so Pedro qataq Santiago qataq Juan, qataq Andrés, soomayi isoxoototo somayi 'eeta':

Marcos 14:26

Qaq co'ollaq mashi ime da qai'on so n'onec, nachi qanqo'oneuga aso qasoxonaxa mayi nanqa' ana olivos.

Lucas 18:43

Huaña, nachi se'eso qanamaic ishit da nauaañi, nachi ca'ategue so Jesús, ÿi'oxodeetac ñi Dios. Qataq 'enauac so shiÿaxauapi mayi ÿauaachigui de'eda, nataq'en somayipi ÿi'oxodeetac ñi Dios.

Lucas 19:20

Qataq anac som lÿa som pa'ateec, nachi 'eeta': “'Am ÿataxala', 'ana ana 'om. Anamayi chochi saÿamaxat, sachalec so hualoqlaÿi,

Lucas 19:29

Qaq co'ollaq mashi nayiitau'alo yiua pueblolqa Betfagé qataq yi Betania yim sa qaÿapeque yi saqaÿoqotchiguemec 'alhua mayi nanqa' ana olivos. Huaña, nachi ÿama'q soua dos lapaxaguenataqa.

Lucas 19:36

Nachi co'ollaq queta so Jesús, nachi qalapaxangui so nqa'aic na npo'pi da ñi'oxonnataxanaxa.

Lucas 7:16

Qaq co'ollaq qaÿauaachigui de'eda, nachi 'enauac so shiÿaxauapi ÿataqta huo'o da lcolanaxa. Nachi ÿi'oxodeetac ñi Dios, 'eeta': –Huo'o so 'amaqtaqaic l'aqtaxanaxanec ñi Dios qomi' chigoqchiguinguilo. Nataq'en qoÿiita' da n'aqtac: –Ñi Dios anac da itauan nam lalamaxatpi.

Juan 12:18

Nachi na shiÿaxauapi huaqata'aguet so Jesús, cha'ayi qaÿaÿaten dam i'ot n'anec mayi sa qaÿauanapega.