Lucas 18:7 - Nuevo Testamento Toba Sur

⁷ Qaq ñi Dios ¿peta'a saq 'eeteco' nataq'en de'eda, da iuejlec cam lca'aguishic mayi nachoxodeetacot ñimayi naua na'axa'tesa'chi qataq naua pe'? Qaq ¿peta'a huo'o ca ÿictega? 'A'i.

Nuevo Testamento Toba Sombrero Negro

⁷ Chane'eja naq'aeta joñe'me Dios: nach'e ena'am de'uolo'te gaa'me liquiyaqa queda'me noloqo'ote nataq'aen pi'yaĝadi da'me yiyaĝadetapecot joñe'me. Qama'le ¿jeele yedaĝachelo da'me leuataqataĝanaĝa'j gaa'me?

La'aqtaqa Ñim Lo'onatac 'Enauacna 2013

⁷ Qaq Ñim Lo'onatac 'Enauacna ¿peta'a saq 'eeteco' nataqa'en de'era, da iueelec cam lca'aguishec maye nachoxoreetacot Ñimaye naua na'axa'tesa'ache qataq naua pe'? Qaq ¿peta'a huo'o ca ỹectega? 'A'i saishet.

Lucas 18:7 Iomraidhean Croise

Mateo 24:22

Qaq ñi Dios da huo'otaq ividaxattreec que'ecaua na'axa'te, nachi sa ishit qome da huo'o ca nca'aleec. Qalaxayi ñimayi sa ishit da ividaxattreec, souaxat da lauochi nam lca'aguishicpi.

Mateo 24:24

Cha'ayi ÿataqta qalota qome na anac da 'eetega nta'a nca'alaxaqui, huo'otaq 'eetega da l'aqtaxanaxanecpi ñi Dios. Nachi namayipi i'ot qome na lta'adaic n'anecpi qataq nam sa qaÿauanapega, da yaqto' datenataxan. Qaq sa iuena'a da ishit nataq'en qome da ÿañoxot da ÿatenachit nam lca'aguishicpi ñi Dios.

Mateo 7:11

Yi qami' matem qami' qauemaiqa, qalaq qauaÿajñi da qai'añiim ca no'on cam qai'alqui. Qaq ¡táloxochiyictoxo' da saq ÿacteec ñim qadta'ai mayi neta'ague da piguem da ishit da ÿanem ca no'on cam iÿaxanot ñimayi!

Lucas 11:13

Qami' matem qami' yiloxoiqa, qalaq qauaÿajñi da qai'añiim ca no'on na qai'alquiipi, qaq ¿huá'ago' da saq 'eetec ñi qadta'ai mayi neto'ot na piguem da ishit da ÿanem so Espíritu Santo cam iÿaxanot ñimayi?

Lucas 2:37

Qaq nagui asa'aso pa'ai mashi ivi' na ochenta y cuatro vi'i. Qaq ÿataqta sa ishit da ca'ai aso n'onaxanaxaqui da ÿi'oxodeetac ñi qadataxala' naua na'axa'tesa'chi qataq naua pe', da i'ottac da nqouagaxaunaxac qataq da nqouaqchittac.

Lucas 21:28

Qaq qom ivita da yi'oq 'enauac ne'ena, nachi ÿataqta qan'añaxachi qataq qanauaxaÿaxañitchiyigue'm naua qadqaigolli', cha'ayi mashi sa qaÿapeque ca laloqo' da qami' huesochiyiñi qanqoÿin.

Romanos 8:33

Qaq ÿoqo'oyi ¿negue'tom ca ishit da ÿauo'o ca lasouaxashit cam lca'aguishic ñi Dios? Cha'ayi ñim Dios mayi i'axat da qaica ca lasouaxashit camayi.

Colosenses 3:12

Cha'ayi ñi Dios ÿataqta qami' ÿauoteque, qataq qami' lca'agui'shi, da yaqto' qami' lalamqa'te. Qaq ÿoqo'oyi ÿataqta qai'añiiñi qome da qami' choxonnataxanaxaiqa, huotaxanaqtaqaiqa, qataq sa qami' n'amqajnaxaiqa, qataq huosotta da qadataxaqui, qataq qami' hualaxaunaxaiqa.

1 Ts 3:10

Qaq ÿoqo'oyi naua na'axa'te qataq naua pesa'chi ñoqouagaxaunaqtacot ñi Dios, da ishit da qomi' ÿanema da qami' ñauanaxato, yaqto' qami' setaunaxaque da ÿataqta nalochiguiñi da qadpi'iÿaxaqui.

2 Ts 1:6

Cha'ayi nachi lataxac da ñi Dios ÿauo'o qome ca nque'ejnaxac na i'ottac da qanque'ejnaxaqui,

1 Timoteo 5:5

Cha'ayi da huo'o aca pa'ai da huo'otaq ndoguiñi qataq qaÿalata'a't, qalaxayi mashi hueto'ot ñi Dios da naquitaxac, qataq queto'ot da nqouagaxaunaxac na na'axa'tesat qataq na pesa'chi.

2 Timoteo 1:3

Da ñoqouagaxaueetac yi na'a'q qataq yi pe, nachi tachigui iuel 'am. Qaltaq sanot da ñi'achic ñi Dios mayi so'otta'pe naua l'aqtaqa, qataq ñanomta da qaica ca hueto'ot ÿasouaxashit. Qaq de'eda nachida da 'eetec nataq'en so hua'au ita'alpi.

2 Timoteo 2:10

Ÿoqo'oyi ñi'añaxateguet 'enauac na chochina, cha'ayi ñishitaique da na Dios lca'aguishicpi ividauga da nca'alaxa mayi ÿapac da lyaquiaxac qataq chochi tateec. De'eda nca'alaxa qomi' taÿoto, cha'ayi mashi ñi'adaqtau'a so Cristo Jesús.

Tito 1:1

Aÿim Pablo, aÿim l-latac ñi Dios qataq aÿim lamaxashic so Jesucristo da setauan da lpi'iÿaxac na lca'aguishicpi ñi Dios, yaqto' namayipi ÿauattoota da 'eesa lataxac dam qad'amqajnataxanaxac,

1 Pedro 1:1

Aÿim Pedro, aÿim lamaxashic so Jesucristo, shiyiñi ana ÿide da samaxa 'enauac nam nlagaxattacpi mayi sa ishit da nqajleguete naua lañoqo'te, nam neta'alo yiua 'ale'u Ponto, Galacia, Capadocia, Asia, qataq yi Bitinia.

2 Pedro 3:9

Qataq ñi qadataxala' sa ishit da qaÿaloqteguet da huo'otaq sa ipaguelec ca ÿachaxanapec, cha'ayi huo'o na 'eetega da ñimayi qaÿaloqteguet. Chaqdata da ñimayi huo'o da lhualaxavic da qomi' iuatta'alo. Cha'ayi ñimayi sa ishit da ÿaÿamaxaden da huo'o ca daqat, chaqdata da iuatta'a da 'enauac na shiÿaxauapi ca'aisalo naua n'onataxaco.

Apocalipsis 18:20

Qalaxayi ÿataqta 'antonec qome yi'iyi la ciudad, 'am piguem, qataq qami' lamaxa'shi so Jesús, qataq qami' l'aqtaxanaxanecpi ñi Dios, qataq 'enauac qami' lalamaxatpi ñimayi. Cha'ayi ñi Dios i'ot da nhuaxanaguec yimayi, souaxat da qoñiita.

Apocalipsis 6:10

Nachi somayipi ÿataqta nlamaxaden, 'eeta': –'Am qadataxala' Dios mayi ÿataqta 'am qui'itta qataq 'aupactelec cam 'auachaxanapec, ¿chaq laguio', qaq ivita ca laloqo' da 'anmit qataq 'auauo'o ca nhuaxanaguec nam i'ot da qanalaataguec mayi huetalec ana 'alhua?

Apocalipsis 7:15

Qaq ÿoqo'oyi namayipi datatau'a na nso'onqa' ñi Dios, qaq do'onataxaatacot ñimayi na na'axa'te qataq na pesa'chi añi l'onaxanaxaqui. Qaq ñim nso'ootangui añi so'onaxaqui, ñimayi ipelteetalec namayipi.