Lucas 18:12 - Nuevo Testamento Toba Sur

¹² Aÿim dos da shi'iguelaxalec da ñoqouaqchijla't naua siete na'axa'te, qataq aÿim seÿotauga añi 'oonole nam diez mayi ñauectacpi da 'am sanot.”

Nuevo Testamento Toba Sombrero Negro

¹² Jen dojolqa ñoqouaqatela't ga'me semana, nataq'aen nale diez da'me yoĝonaĝanaĝac qama'le jecolaĝatetegue ga'me onolec jo'ne am janem.»

La'aqtaqa Ñim Lo'onatac 'Enauacna 2013

¹² Aỹem dos da she'eguelaxalec da ñeqouaqcheela't naua siete na'axa'te, qataq aỹem seỹotauga ana ñediezmo maye ỹaueque da 'Am sanot.›

Lucas 18:12 Iomraidhean Croise

Mateo 5:20

Cha'ayi qami' shinapegalo da huo'otaq sa ishit da qanapaquiÿalec nam dapaxaguenataxanec na nqataxacpi qataq na nanettaigui na fariseopi da qau'ochi cam 'eetapeguec ñi Dios, nachi sa ishit qome da qaunoxoñiu'a da l'onataxanaxac ñi Dios mayi neta'ague da piguem da ilo'ogue 'enauacna.

Mateo 6:1

Sa ishit qome da qanachaxañiita da huo'otaq qau'ochi da qad'amqajnataxanaxaqui, da yaqto' qami' ÿauaachiguilo na shiÿaxauapi. Cha'ayi da nachi qoñiitec de'eda, nachi ñi qadta'ai mayi neta'ague da piguem, ñimayi sa ishit da ÿauo'o ca qanshiitenaguiiqui.

Mateo 6:16

Qaq da ivita da qami' qanqouaqchichi, qalaq sa ishit qome da yi'oqta da daquico da qadashiguiÿaxaqui, da qoñiita'am nam shiÿaxauapi mayi chochi nachaxaata. Cha'ayi namayipi 'eetec de'eda, cha'ayi nshitaique da qaÿaÿaten da nqouaqchitta. Qaq aÿim qami' shinapegalo da namayipi sogote huo'o da nshiitenaguec.

Mateo 6:5

Qaq da ivita da qanatamñi, qalaq sa ishit qome da qoñiita'am nam chochi nachaxanaxaicpi da natamen mayi nqopita da nachatchiguiñi da huaigui anam laponaxaquipi na judiopi huo'otaq acam lamaxa ca nqa'aic da 'enauac na shiÿaxauapi ÿataqta ilochigui. Qaq aÿim qami' shinapegalo da namayipi sogote huo'o da nshiitenaguec.

Mateo 9:14

Nachi soua nale't so nachilaxanataxanaq mayi l'enaxat Juan nadeu'a so Jesús. Nachi inatta'pe, 'eeta': –¿Tá'ainco' yi qomi' qataq na fariseopi yi ÿataqta qalota naxa da ñoqouaqchitaq, qaq naua 'anale't yi sa ishit da nqouaqchi't?

Lucas 11:42

¡Ÿataqta choxodaxasodo' qami' mayi qaualliquiitaigui na fariseopi! Qami' qai'añiÿot quenaxa ñi Dios añi 'oonole laue ana diez nam nalecnaxanaxat mayi i'ot na laita qataq na lamaic ca nhuoshic qataq 'enauac ana laÿi huoue mayi nalecnaxanaqte. Qalaxayi sa ishit da qau'ochi ca no'on qoyiquiaxaqui, qataq sa ishit da qauauochiic ñi Dios. Qaq 'edáctaxa da qau'ochi, qaq sa ishit da qan'onaxachiÿañi nataq'en na laÿipi.

Lucas 17:10

Qaq nachi 'eetec nataq'en qami', qom mashi ivita da qaumachi 'enauac nam qami' ÿamaxalguete ñi Dios, nachi qoñiita': “Qomi' mayi qomi' nlataqa, ÿataqta qaica ca shinaxac, cha'ayi nam so'otaqtac, nachinatac na maichi qad'onatacpi.”

Romanos 3:27

Qaq ÿoqo'oyi ¿huá'ague ca taigue que'eca n'amqajnaxac na shiÿaxauapi? Qomyi camayi qaipa'axanauec. Qaq ¿chaq tá'ainco' yi qaipa'axanauec? Cha'ayi da qaipacchigui na 'enapecpi na nqataxacpi, nachi i'ot da 'amqajnaxac, qaq dam npi'iÿaxac qalaxayi sa ishit.

1 Corintios 1:29

yaqto' sa ishit da huo'o ca n'amaqteeto'ot ñimayi.

Gálatas 1:14

De'eda l'amqajnataxanaxac na judiopi co'ollaq sootaigui, qalaq aÿim ÿataqta qalota na ñapacalec na maichi iuo' l'ecpi mayi ñaloxouapi. Cha'ayi aÿim ÿataqta shicteguelo da saÿamaxa't na napaxaguenaxaco som hua'au ita'alpi.

Efesios 2:9

Qaq damayi sa ishit da chigoqchigui ca ÿaÿamaqchiguiñi i'ottac ca shiÿaxaua, yaqto' sa ishit da huo'o ca n'amqajñigui.

1 Timoteo 4:8

Cha'ayi ca shiÿaxaua da ñi'igueeteguela't da sa desalli naq'en na l'oc, nataq'en cada'acolec da huo'o da naigui. Qalaxayi da qanpa'ataxadeelec da qad'amqajnataxanaxac ñi Dios, ÿataqta huo'o naq naigui. Cha'ayi ÿataqta naigui da 'achiquiaxac da achaalataxac nagui, nataq'en cam ñaq natauo.