Lucas 17:30 - Nuevo Testamento Toba Sur

³⁰ Qaq 'eda qome da 'eetec ne'ena shiÿaxaua llalec qom ivita que'eca na'a'q da nachaxan.

Nuevo Testamento Toba Sombrero Negro

³⁰ Nach'e naq'aeta qom'te ga'me nolo' jo'ne jayem di'yo'quena, mach'e jayem Jiyaĝaua Lec'oĝot.

La'aqtaqa Ñim Lo'onatac 'Enauacna 2013

³⁰ Qaq 'era qome da sheetec Aỹem Shiỹaxaua Llalec, qom ivita que'eca na'a'q da ñachaxan.

Lucas 17:30 Iomraidhean Croise

Mateo 16:27

Cha'ayi ne'ena shiÿaxaua llalec, qom ñi'iguelaq, nachi nactaigui da lli'oxoyic ñi lta'a qataq nam lamaxashic piguem l'ecpi. Huaña, nachi ishiiten ñi 'oonolec cam l'onataxanaxac.

Mateo 24:3

Nachi nqo'ooyishiguemec aso saqaÿoqotchiguemec 'alhua mayi nanqa' ana olivos. Nachi so Jesús co'ollaq nso'ootañi, nachi soua lapaxaguenataqa isoxoototo somayi da ina't, 'eetra': –Sauoqtaique da qomi' 'au'axatema chaq lagui qaq ivita de'eda. ¿Chaq négue't qome ca l'anaxat ca 'ayi'iguelaxasoxoc qataq cam loga't ana 'alhua?

Mateo 24:37

'Eeta'am da 'eetec co'ollaxa soua na'axa'te mayi huetoiguilo so Noé, qaq nachi 'eetec nataq'en qom ivita da ñi'iguelaq na shiÿaxaua llalec.

Mateo 24:39

Qalaxayi sa ishit co'ollaxa da anoma de'eda somayipi, chochi ivitta'a co'ollaq anac so auot, nachi huaÿoxon naq'en 'enauac somayipi. Qaq 'eda da 'eetec nataq'en qom ivita da ñi'iguelaq na shiÿaxaua llalec.

Mateo 26:64

Nachi so Jesús 'enapeco': –Aja', nachaÿim, nachida dam qonapec. Nataq'en qami' shinapegalo da qami' qauloÿa'a qome na shiÿaxaua llalec da nso'oota'ague na aloic ñim Dios mayi qaica ca ÿaqalanapec, qataq qom anactaigui ca l'oc da ñi'iguelaq.

Marcos 13:26

Nachi qaila'aguet qome na shiÿaxaua llalec da nactaigui ca l'oc, ÿataqta qaica ca 'en'am da l'añaxac qataq da lli'oxoyic.

Lucas 17:24

Cha'ayi camayi 'eeta'am na nqashilgaxa da huo'otaq nqashilguiñi, nachi imata 'enauac na piguem. Qaq 'eda qome da 'eetec ca lvidaxac ne'ena shiÿaxaua llalec qom ivita ca na'a'q da ñi'iguelaq.

Lucas 17:29

Qalaxayi co'ollaq ca'ai so Lot so la ciudad Sodoma, nachi qananacot so nodec qataq so 'ico' quiquiaxadaic, chigoqo'ot na piguem, nachi ÿalauat 'enauac somayipi.

Lucas 21:22

Cha'ayi que'eca na'a'q laloxoqui da qaÿauo'o ca nhuaxanaguec 'enauac na shiÿaxauapi, cha'ayi ipacchiguilo 'enauaque nam 'ena'pe nam ñiyigui'shi l'aqtaqa ñi Dios.

Lucas 21:27

Huaña qome, nachi qaila'a na shiÿaxaua llalec nactaigui ca l'oc ÿataqta qaica ca 'en'am da l'añaxac qataq da lli'oxoyic.

1 Corintios 1:7

Qaq 'eda da 'eetec da huo'o mshi qami' qaica ca qaviñiitac nam Dios qami' ÿanema, nagui da ña qauachiitaique ca na'a'q qom nachaxan so qadataxala' Jesucristo.

1 Corintios 1:8

Qaq ñimayi ÿataqta qami' lasoqchiyiñi, qami' ividaxatta'alo ca loga'tna, yaqto' sa ishit da huo'o ca qami' ÿasaxalguete ca qadasouaxashichi qom nvi' so qadataxala' Jesucristo.

Colosenses 3:4

Cha'ayi so Cristo nachiso so qanachaalataxac. Qaq qom ivita da ñi'iguelaq da nachaxan, nachi qami' nataq'en qanachaxañi. Nachi qanhuañiÿau'a da lli'oxoyic somayi.

2 Ts 1:7

qataq da qami' nmataxanaxaneeguesopa qome na qanque'ejnaxaqui, nataq'en qomi', que'eca na'a'q qom ñi'iguelaq so qadataxala' Jesús, chigoqo'ot na piguem da nachaxan, nactaigui na 'ico' l'edaxa na nodec qataq na chigaqshiguem Dios lamaxashicpi mayi 'añaxaicpi.

1 Pedro 1:13

Qaq ÿoqo'oyi no'on da ÿataqta qauaÿamaxachiichiguiñi cam qau'ochi, qataq ÿataqta qanloiteec, qataq ÿataqta qaumachiÿo'ot 'enauac da qadpi'iÿaxaqui ñi Dios souaxat da lqouagaxanaqtaic mayi qami' ÿanema qom ivita da nachaxan so Jesucristo.

1 Pedro 1:7

Cha'ayi dam qadpi'iÿaxaqui qami' 'eeta'am ca oro da iuen da qaÿi'iguenec ca nodec, da yaqto' qaÿaÿaten da ÿoqta no'on. Qaq ca npi'iÿaxac mayi nala'aguet da ñi'iguenataguec, nachi ÿataqta napacalec da lyac ca oro mayi taÿa'a da imeuo. Qaq ÿoqo'oyi qami' de'eda qadpi'iÿaxaqui da huo'otaq nachi 'eetec de'eda da qaÿi'iguen, nachi ÿataqta qaÿaÿamaxadeeta, qataq huo'o da lli'oxoyic qataq ñi'oxonnataguec qom ivita da nachaxan ca Jesucristo.

1 Pedro 4:13

Qaq chaqdato' qome da ÿataqta qauamaichiguiñi da qami' qanhuañiÿau'a na nque'ejnaxacpi so Cristo, yaqto' ÿataqta qami' nlaqchiguilo da qantonaxaqui qom qaualoÿa'a da lli'oxoyic qom ivita da ñi'iguelaq somayi.

1 Juan 2:28

Qaq ÿoqo'oyi qami' ÿalqolqa, nachi 'eetai' qome da qan'ayiitau'a so Cristo, yaqto' ÿataqta huo'o qome da qadpe'e qom ivita da nachaxan somayi, qaq sa ishit da huo'o ca qad'aloxo qom ivita da ñi'iguelaq.

1 Juan 3:2

Qami' ñauochaxa'u ÿaqaÿa't, nagui mashi qomi' llalqa ñi Dios. Qaq saxanaxa da qomi' qaichoxotema chaq hua'ague ca 'eetec qome ca qadataxac ca pa'ateec na'a'q. Qalaxayi qomi' saÿajnaq da qom nachaxan so Jesucristo, nachi ÿataqta shinaqta'am somayi, cha'ayi ÿataqta ñimaqa'ai' da seloqto'ot.

Apocalipsis 1:7

Qaq ¡ña qauloÿa, na Cristo nactaigui na l'oc! Qaq 'enauac qome da qaila'aguet, qaq ivida'a qome nam ique'emaqchit ishit da ila'a namayi. Qaq 'enauac qome na ÿotta'a't shiÿaxauapi mayi huetalec ana 'alhua ÿataqta noÿiitagui qome qaila'aguet. Aja', nachi 'eetec.