Lucas 17:21 - Nuevo Testamento Toba Sur

²¹ Qataq sa ishit da qoÿiita': “'Ena namayi,” huo'otaq da qoÿiita': “'Eda cha'a,” cha'ayi da l'onataxanaxac ñi Dios mashi qami' huetanguilo.

Nuevo Testamento Toba Sombrero Negro

²¹ Qaya'te gamachaqaega enaac: «¡Jenjo' jena'me ue'ta!» uotaĝa «¡Di'cha'a di'me ue'ta!», qa'a da'me lejaliaĝa joñe'me Dios joote ami uetauelo.

La'aqtaqa Ñim Lo'onatac 'Enauacna 2013

²¹ Qataq saishet da qoỹeeta': «¡'Ena namaye!» huo'otaq da qoỹeeta': «¡'Era cha'a!» Cha'aye da lo'onataxanaxac Ñim Lo'onatac 'Enauacna mashe qami' huetanguilo.

Lucas 17:21 Iomraidhean Croise

Mateo 12:28

Qalaxayi aÿim chigoqchigui da l'añaxac so n'Espíritu ñi Dios da so'odauec na n'ec leguemaxaicpi. Qaq damayi naigui da mashi qami' nvitalo da l'onataxanaxac ñi Dios da ilo'ogue 'enauacna.

Marcos 13:21

Qaq ÿoqo'oyi da huo'o ca qami' da'aqtaxanema da 'eeta': “–Qauloÿa, 'ena na qadta'a qadca'alaxaqui, hueta'a ne'ena,” huo'otaq da 'eeta': “'Iñi cha'a ñimayi,” qalaq sa ishit qome da qau'amaqchiñi.

Lucas 17:23

Huaña qome, nachi qoñiita': “'Ena namayi, huetai' ne'ena,” huo'otaq qoÿiita': “'Eda damayi, hueta'ague de'eda.” Qalaxayi sa ishit qome da qoquii, qataq sa ishit da qauca'achiigue.

Lucas 21:8

Nachi so Jesús 'enapeco': –Maxatchaxa qome, qadvichiÿai'. Qataq sa ishit qome da huo'o ca chochi qami' ÿatenachi't. Cha'ayi qalota qome na anac da anactaigui da i'enaxat, nachi 'eeta': “Aÿim mayi nachaÿim nta'a nca'alaxaqui;” huo'otaq 'eeta': “Nagui mashi ivita yi naloqnec.” Qalaxayi sa ishit qome da qauca'achiigue.

Juan 1:26

Nachi so Juan 'enapeco': –Aÿim sachilaxanataxana na 'etaxat. Qalaxayi da qoñiita huo'o dam qami' huetanguilo mayi sa ishit da qauauattoñi,

Juan 18:36

Nachi so Jesús 'enapeco': –Da i'onataxanaxac da aÿim nta'a, damayi sa ishit da nachana ana 'alhua. Cha'ayi da nachi 'eetéctaxa de'eda, nachi nam ca'attague'pi aÿim sogotéctaxa da deloqui, da yaqto' sa ishit da aÿim qoÿaneu'a na judiopi. Qalaxayi da i'onataxanaxac da aÿim nta'a, damayi sa ishit da nachana ana 'alhua.

Romanos 14:17

Cha'ayi da l'onataxanaxac ñi Dios da ilo'ogue 'enauacna, damayi sa ishit da naigui da yi'oqchigui nqui'axac qataq da ÿomaxac, chaqdata da qui'itta achaalataxac, nlagaxayic, qataq da namaiquiaxac mayi chigoqo'ot so Espíritu Santo.

Colosenses 1:27

Qaq ñimayi ÿauotaique da ÿaÿajnaxanaxanec namayipi dam lsallaxa mayi huo'o da lli'oxoyic da ÿauotaique ÿami' na sa ishit da judiopi. De'eda n'aqtaxanaxac 'eeta': So Cristo qami' hueta'agueta, qataq somayi nachiso so i'ot da qanaquitaxaqui, yaqto' qauacoñiiguet qominchiyi ca ñi'oxoyic.