Lucas 16:8 - Nuevo Testamento Toba Sur

⁸ Huaña, nachi so 'aco' sa ishit da ÿoqolguet da se'eso lhuataxanaxanec mayi qauem, somayi ÿataqta sa nqalaat da huo'o ca i'ot. Qaq 'eda da 'eetec nam ÿauotec nam huetalec ana 'alhua, namayipi ÿataqta sa nqalaat da huo'o ca i'otec ca lÿa, qaq saq 'en'am nam huetaigui na yi'oqchiguiñi.

Nuevo Testamento Toba Sombrero Negro

⁸ Qama'le ñe'me nadipa yi'yoĝoden ñe'me lamaĝajec jo'ne ja chimaqachiñe ga'me 'lonatac queda'me ja naqala'te da'me mach'e yauo'oe ga'me 'ye't. Qa'a qom jouaĝat da'me mach'e leuoyaĝac, jogaa'me jo'ne yema'alo gaa'me uetedalegue jena'me aleua nayi yataqachiñe ja naqalataĝayaqa, ja ena'ama gaa'me jo'ne uetedaue da'me yoqochiñe.

La'aqtaqa Ñim Lo'onatac 'Enauacna 2013

⁸ Huaña, nache so 'aco' saishet da iqoleguet da se'eso lhuataxanaxanec maye qauem, somaye ỹataqta sa nqalat da huo'o ca ỹo'ot. Qaq 'era da 'eetec nam ỹauotec nam huetalec ana 'alhua, namayepi ỹataqta sa nqalat da huo'o ca ỹo'otec ca lỹa, qaq saq 'ena'am nam huetaigui na yo'oqchiguiñi.

Lucas 16:8 Iomraidhean Croise

Mateo 12:32

Qataq camachaqca shiÿaxaua, da huo'otaq ishiuen na shiÿaxaua llalec, qalaq camayi ishit da qaichoxoden. Qalaxayi ca nasaxauec ca l'aqtac, da huo'otaq npa'aguene' naq'en so Espíritu Santo, nachi camayi sa ishit da huo'o ca nchoxonnataguec qanqoÿin, da huo'otaq ñaq huetalec ana 'alhua qataq cam ñaq natauo.

Mateo 17:26

Nachi so Pedro 'enapeco': –Qomyi nam chigaqauecpi. Nachi so Jesús 'enapeco': –Nachi nam lalamaxatpi sa ishit da deshiitenaxan.

Lucas 16:10

Cam 'onaxaic da n'aqtaguec souaxat cam saq 'amaqtaq mayi ilotague', qaq nachi 'en'am no'on da n'aqtaguec da ilo'ogue ca qalota; qaq cam qauem da n'aqtaguec da ilotague' cam saq 'amaqtaq, qaq nachi 'en'am qauem da n'aqtaguec da ilo'ogue ca qalota.

Lucas 16:4

Aja', sanata nagui da shiitec, da yaqto' huo'oi qome ca aÿim ÿacongueta qom sau'a ca lma', qom ivita da qaica ca i'onatac.”

Lucas 16:7

Ime, qataq inat so lÿa, 'eeta': “Qaq 'am, ¿négue't aca 'adavigaxaiste?” Nachi somayi 'enapeco', 'eeta': “Qomyi cien aso naloqnaxaqui na trigo.” Nachi som ilotague' so nma' 'eeta': “'Ana ana 'adavigaxaiste lmalate; 'anquigaxajñi, 'iyiñi qome aca ochenta.”

Lucas 18:6

Nachi so qadataxala' 'enapeco': –Qaq 'eda da 'enapec som nmit na nasouaxashit mayi qauemaic.

Lucas 20:34

Nachi so Jesús 'enapeco': –Ne'ena 'alhua mayi souaqta'a na shiÿaxauapi qataq nam 'alpi ishit da huadona't.

Lucas 20:35

Qalaxayi cam tachigui qominchiyi da inoxoneu'a cam lÿa 'alhua qom mashi qanca'alaxateec nam leuaxaicpi, que'eca 'alhua, huaña, nachi sa ishit da huo'o ca huadon, qataq sa ishit da huo'o ca ÿadonaxanaxan aca llale.

Juan 12:36

Qaq qau'amaqchiñi qome ne'ena yi'oqchiguiñi, llaxatemallaxa da ña qami' hueta'agueta, yaqto' qami' ishit da qoñiita'am na yi'oqchiguiñi. Qaq co'ollaq ime de'eda 'enapec so Jesús, nachi jec da nqañoxochiisop somayipi.

1 Corintios 3:18

Qaica qome ca natenachittapeguela't. Da huo'o ca ipettega da ÿaÿaten da lliquiaxac na naÿajnec mayi lma'na, camayi no'on da nacoola't da qaica ca ÿaÿaten, yaqto' ÿataqta 'eesa da ÿajnaxanaxaic.

Efesios 5:8

Cha'ayi qami' co'ollaxa qoviitaigui na 'ico' napalaxa, qalaxayi nagui da qami' qan'ayiitau'a so qadataxala', nachi qoviitaigui na yi'oqchiguiñi. Qaq ÿoqo'oyi qami' qau'enaxachiichigui qome ca shiÿaxaua mayi huetaigui na yi'oqchiguiñi.

Filipenses 3:19

Qaq cam loga't qom ivita namayipi, qalaq qanlaxajñi. Cha'ayi namayipi chochi do'onataxaatacot da lamanaxanaqtaic da l'oquiaxac, qataq ñi'oxodeetapigui nam ishíttaxa da i'ot da l'aloxo, qataq ndoteec da iuennatapega nam huetalec ana 'alhua.

1 Ts 5:5

Cha'ayi 'enauac da qoñiita mashi qoviitaigui na na'a'q mayi yi'oqchiguiñi. Qaq qomi' sa ishit da souaqtaigui ca pe mayi napanñi.

1 Pedro 2:9

Qalaxayi qami' ÿataqta qami' lca'aguishicpi ñi Dios, qataq qami' ltaxaÿaxanaxanecpi naq'en na shiÿaxauapi da qan'aqtaxañi' ñimayi mayi qadta'a, qataq qami' qui'itte' naq'en, qataq qami' lalamqa'te. Qaq de'eda 'eetec ñimayi, nshitaique da qami' qau'axachi na l'onataxanaxacpi mayi ÿi'oxodaq, ñim qami' ÿachigoxottoiguilo na napalaxa, da yaqto' qaunoxoñiu'a da l'edaxa mayi qaica ca 'en'am da lli'oxoyic.

1 Juan 3:10

Huaña, nachi ishit da qaÿaÿaten cam ÿoqta 'eesa da llalaqpi ñi Dios qataq cam llalaqpi so shiÿaxaua mayi lma'na, cha'ayi cam sa ishit da i'ot ca ÿaÿamaqchiguiñi, huo'otaq sa ishit da ÿauotec ca lqaÿa, nachi camayi sa ishit da lalamaxat ñi Dios.