Lucas 16:26 - Nuevo Testamento Toba Sur

²⁶ Qaq saqdata 'enauac de'eda, cha'ayi huo'o nam ÿataqta saqaÿoqchiguiñi tocot lta'adaic mayi npaxatta'agueta qami' nataq'en qomi'. Qaq ÿoqo'oyi sa ishit da huo'o ca chigoqchiine'ena da tañicna, qataq sa ishit da huo'o ca chigaqañicna da nashiguema ne'ena souaqta'a.”

Nuevo Testamento Toba Sombrero Negro

²⁶ Choqoda'me uoja'eda, 'uo di'me uañe laeñi da'me qo'mi nataq'aen jo'ne yataqata qaya'ñgui; qama'le qo'mi da'me jouaqa'ta jenjo' qaya'te yaqanatet ta'le dajoyi na'me naja', nataq'aen ami da'me ovi'ta na'me naja' qaya'te yaqanatet ta'le najoequena.»

La'aqtaqa Ñim Lo'onatac 'Enauacna 2013

²⁶ Qaq saishet da nachaqrata de'era, cha'aye huo'o nam ỹataqta sa qaỹoqchiguiñi tocot lta'araic maye npaxatta'agueta qami' nataqa'en qomi'. Qaq ỹoqo'oye saishet da huo'o ca chegoqchegueena'a da tañecna, qataq saishet da huo'o ca chegaqañecna da nasheguema ne'ena souaqta'a.»

Lucas 16:26 Iomraidhean Croise

Mateo 25:46

Qaq qom ime, nachi ne'enapi taigui qome cam chochi tateec nhuaxanaguec, qaq nam no'on da lataxac, qalaq taigui cam chochaq tateec achaalataxac.

Lucas 12:59

Qaq aÿim shinapec da 'am sa ishit da 'annoxoneeguesop aca ncoñitaxanaxaqui qom huo'otaq saxanaxa da 'ashiiten aca pa'ateec 'adavigaxaiste.

Lucas 16:25

Qalaxayi so Abraham 'enapego' somayi, 'eeta': “'Am ÿalec, 'auennate co'ollaq 'auaconguet da 'auaÿamaqchiguiñi, saqca ca da da 'anachaalataxac, qaq ñi Lázaro qalaq qauem da lliquiaxac. Qaq ñimayi nagui huo'o da ntaunaguec ne'ena hueta'a, qaq 'am machaq huo'o da 'anque'ejnaxac.

Lucas 16:27

Nachi som sallaxanec 'enapeco': “'Am ita'a Abraham, 'am ñachoxonnot nagui da 'auamaq ñi Lázaro da 'auamaxa yi lma' ca ita'a

Juan 3:36

Qaq cam i'amaqten se'eso ñalec, nachi camayi huo'o da lca'alaxa chochaq tateec. Qaq cam sa ishit da i'amaqten, nachi camayi sa ishit da taÿot de'eda nca'alaxa, chaqdata da huetalec camayi dam qaica ca 'en'am da lchic lhuaxanaxanaxac ñi Dios.

Apocalipsis 20:10

Qaq som shiÿaxaua lma'na mayi ÿatenachit somayipi, qaÿasaxangui so lta'adaic nodec mayi huaña da ÿavictac na quiquiaxadaic, som huaña da qaÿasaxangui co'ollaxa so shiguiÿac qataq so 'eetega da l'aqtaxanaxanec ñi Dios. Huangui se'eso nodec, nachi huo'o da nque'ejnaxac chochaq tatreec 'enauaque naua na'axa'te.

Apocalipsis 22:11

Qaq ÿoqo'oyi nagui cam i'ottac ca sa ÿaÿamaxañi, qalaq qaÿauaqta'a da i'ot. Qataq cam nshipaxan da nachaalataxac, qalaq ña nshipaxanaqchit. Qaq cam i'ottac ca ÿaÿamaqchiguiñi, qaq no'on da i'ot. Qataq cam nañanot da quetague' ñi Dios, qalaq no'on da ÿataqta quetelec ñimayi.