Lucas 16:23 - Nuevo Testamento Toba Sur

²³ Nachi se'eso sallaxanec ÿataqta huo'o da nque'ejnaxac co'ollaq mashi huetaña cam laponqa' na lqui'ipi nam leuaxaicpi. Huaña, nachi namatashiguem, nachi ila'a so Abraham ÿataqta saqaÿoqotchiguema, qataq so Lázaro nachi huaqta'ai' somayi.

Nuevo Testamento Toba Sombrero Negro

²³ Qama'le ca'li yeme'eguet da'me lachoĝodec ñe'me neuoyaq da'me ue'ta ga'me napa'lpi 'lachaqa', qama'le neuayaĝajeguem da'me lec'atenaĝanaĝac qama'le ja jote'ta da'me yela'a ñe'me Abraham, nataq'aen Lázaro ue'tajop joñe'me.

La'aqtaqa Ñim Lo'onatac 'Enauacna 2013

²³ nache taỹa ca nhuaxanaqa' na 'etaxaloxoicpi, huaña, nache ỹataqta ỹaguec da nque'eenaxac. Qaq huaña yemaye, nache ila'a so Abraham ỹataqta sa qaỹoqotcheguema, qataq so Lázaro nso'ootañi huaqta'ai' somaye.

Lucas 16:23 Iomraidhean Croise

Mateo 11:23

Qataq 'am pueblo Capernaum, ¿'am 'aupi'itaxaatega peta'a da ÿataqta 'avido'ot na piguem? Qalaxayi 'am qañi'iguelaxajñi qome, nachi ÿataqta 'avidaña cam laponqa' na leuaxaicpi. Cha'ayi yi la ciudad Sodoma da huo'otaq huañáctaxa nam so'otpi mayi huaigui da qoñiita, nachi se'eso la ciudad ishíttaxa da ivittaiguilo naua na'axa'te mayi souaqtaiguilo.

Mateo 18:9

Qataq añi 'ad'aite, da huo'otaq nachañi i'ot ca 'adasouaxashit, qaq no'on da 'anqat, nachi 'auasaxauec. Cha'ayi ÿaÿamaqchiguiñi da 'aunoxoneu'a da nca'alaxa, da 'oonole ana 'ad'aite, qalaxayi saq 'en'am da 'am 'adÿadauec naua 'ad'ai'te, da 'am qaÿasaxangui ca nodec mayi huaña da ÿauo'o da nhuaxanaguec ñi Dios na 'itaxaloxoicpi.

Mateo 23:33

¡Qami' n'adaxanaqpi! ¡Qami' llalaqpi na n'adaxanaq! ¿Huá'ago' ca 'eetec da qami' ÿi't ca qanhuaxanaguiiqui da qami' qaÿasaxañalo ca nhuaxanqa' na 'itaxaloxoicpi?

Mateo 5:22

Qalaxayi aÿim qami' shinapegalo da huo'otaq huo'o ca dalemataÿa ca lÿa, nachi camayi qaÿauo'o ca nhuaxanaguec. Qataq cam ishiuen ca lÿa, qalaq camayi qaÿauegueu'a cam nta'alpi mayi loicnatac na lataxacpi, da yaqto' qanmit. Qataq cam ÿamata'ac qaica ca ÿaÿajnapec ca lÿa, nachi camayi huetalec da lchic da tangui qanqoÿin ca nodec mayi huaña da ÿauo'o da nhuaxanaguec ñi Dios na 'itaxaloxoicpi.

Mateo 5:29

Qaq ÿoqo'oyi ana 'oiguishi 'ad'aite, da huo'otaq huo'o naq'en ca 'adasouaxashit, qaq no'on da 'anqat, nachi 'auasaxauec. Cha'ayi ÿaÿamaqchiguiñi da huo'o ca daqat naua 'ogoxoshi'te, qalaxayi sa ishit da imauec da 'ad'oquiaxac da qaÿasaxaña ca nhuaxanqa' na 'itaxaloxoicpi.

Mateo 8:29

Nachi soomayi i'alaqtai'salo, 'eeta': –¿Tá'ainco' yi qomi' 'atapegueu'alo, 'am Jesús mayi 'am llalec ñi Dios? ¿'Am 'auanaicna'a peta'a da 'auauo'o da qanque'ejnaxac, qamaq saxanaxa da sevitaxa ca qadaloqo'?

Lucas 16:24

Nachi i'alaq, 'eeta': “'Am ita'a Abraham, aÿim 'auchoxoden qome. Ña 'anamaq na Lázaro, da yaqto' ipet na llaxaata lshiinec ca 'etaxat da ipet na ÿachaxat, ten ÿapacteec da ñique'ejnaxac da sootangui ne'ena nodec.”

Lucas 16:28

yim netraña caua cinco ÿaqaÿa't, da yaqto' da'aqtaxanema, yaqto' caamayi sa ishit da nada nataq'en ne'ena que'ejnaqa'.

Lucas 8:28

Somayi co'ollaq ila'a so Jesús, nachi i'adoto naua l-llicte, nachi i'alaqtac, 'eeta': –¿Tá'ainco' yi aÿim 'atapegueu'a, 'am Jesús mayi 'am llalec ñim Dios mayi 'amaqtaqaic? 'Am ñachoxonnot nagui sa ishit qome da 'auauo'o da ñique'ejnaxac.

1 Corintios 15:55

'Am nleuaxa, ¿huá'ague ca hueta'ague ca 'ad'añaxac da qomi' 'auque'emaqchi't? 'Am nleuaxa, ¿huá'ague ca hueta'ague ca qonetega 'ad'añaxac da 'auauegaxan?”

2 Pedro 2:4

Cha'ayi ñi Dios sa ishit co'ollaxa da ichoxonnai' som lamaxashicpi mayi huo'o da lasouaxashit. Chaqdata da ÿamaxaña cam nhuaxanqa' naq'en, qataq icoñida'aguet na napalaxa, da yaqto' iuata'aguet naq'en ca na'a'q qom nmit 'enauacna.

Apocalipsis 20:10

Qaq som shiÿaxaua lma'na mayi ÿatenachit somayipi, qaÿasaxangui so lta'adaic nodec mayi huaña da ÿavictac na quiquiaxadaic, som huaña da qaÿasaxangui co'ollaxa so shiguiÿac qataq so 'eetega da l'aqtaxanaxanec ñi Dios. Huangui se'eso nodec, nachi huo'o da nque'ejnaxac chochaq tatreec 'enauaque naua na'axa'te.