Lucas 16:2 - Nuevo Testamento Toba Sur

² Nachi se'eso n'aco' iÿaxaneuga somayi, nachi 'enapega, 'eeta': “¿Chaq huá'ague ca 'eetec da aÿim qan'axateu'a, souaxat 'am? Ña 'analoqna't qome da 'ad'onataxanaxac. Ime, qaq aÿim 'andou'a. Cha'ayi sa ishit qome da queta da 'am 'aulotague' yi ima'.”

Nuevo Testamento Toba Sombrero Negro

² Chane'eja joñe'me neuoyaq 'me ladipa yiyaĝana ca'li ñe'me lamaĝajec qama'le enapega: «¿Jach'e da'me dojo' aua'uo 'me jayem qo'yaĝatem? Nayi jayem aualoĝona ga'me at'onatac, qa'a ja auaqanatet ta'le oquetalegue da'me auelolegue ga'me yeuoyaĝac.»

La'aqtaqa Ñim Lo'onatac 'Enauacna 2013

² Nache se'eso na'aco' iỹaxaneuga somaye, nache 'enapega, 'eeta': ‹¿Chaq hua'ague ca 'eetec da aỹem qana'axateua'a, souaxat 'am? Ña 'analoqna't qome da 'aro'onataxanaxac. Ime, qaq aỹem 'andoua'a. Cha'aye saishet qome da queta da 'am 'aulotague' ye ima'.›

Lucas 16:2 Iomraidhean Croise

Mateo 12:36

Qaq aÿim qami' shinapegalo da que'eca na'a'q qom qanmit 'enauacna, nachi 'enauac qome na shiÿaxauapi maichi iuennachigui nam l'aqtacpi mayi qaica ca naigui mayi nasaxauec co'ollaxa.

Mateo 20:8

Qaq co'ollaq mashi pe, nachi se'eso 'aco' 'enapega som ilotague' de'eda l'onataxanaxac, 'eeta': “'Auÿaxaneuga ca i'onataxanaxanecpi. Ime, qaq 'aushiiten, 'auamataxaachiguiñi qome da 'aushiiten cam pa'ateec da do'onataxan, chochi ivitta'a 'anqa'en nam hua'auchiguiñi da do'onataxan.”

Lucas 12:20

Qalaxayi ñi Dios 'enapega, 'eeta': “'Am shiÿaxaua ÿataqta qaica peta'a ca 'auaÿajnapec, nachina ne'ena pe 'am 'adeleu, qaq 'enauac nam 'auaÿamaxattac, ¿négue't qome cam talec?”

Lucas 12:42

Nachi so qadataxala' 'enapeco': –¿Chaq négue'to' ca 'eeta'am cam nlatac mayi ca n'aco' ipataxalec da ilo'ogue naq'en ca lma' qataq da dequi'axanataxan da ivita ca laloqo' da nqui'axac, qaq camayi ÿataqta ipacchigui cam qaÿamaxalec qataq ÿataqta sa nqalaat?

Lucas 16:1

So Jesús nataq'en 'enapega so lapaxaguenatacpi, 'eeta': –Huo'o so shiÿaxaua ÿataqta sallaxanec. Qaq somayi huo'o so ipataxaguet da ilo'ogue naq'en so lma'. Nachi qai'aqtaxaneu'a somayi da se'eso ilotague' naq'en so lma' somayi chochi ÿaqataqchit de'eda nsallaxa.

Lucas 16:3

Nachi se'eso ilotague' so nma' deuennataxaatac, 'eeta': “¿Chaq hua'agom ca shiitec nagui, cha'ayi ñi ñi'aco' sa ishit da ÿauo'o ca i'onatac? Yi aÿim qaica ca i'añaxac da so'onataxan na 'alhua, qataq ÿataqta huo'o da icoxo da chochi sashilaxaatac.

Romanos 14:12

Qaq ÿoqo'oyi ñi 'oonolec qome da shinaqta ishit da maichi nauattoola't qom dataÿot ñi Dios.

1 Corintios 1:11

Shinapec de'eda, qami' ÿaqaÿadolqa, cha'ayi huo'o na lauo' l'ecpi aca qadqaÿa Cloe aÿim da'aqtaxaatapeguem da huo'o na sa naÿamaxanna't da qoñiita.

1 Corintios 4:2

Qaq ÿoqo'oyi cam huo'o ca qaipataxalec iuen da ÿataqta npe'et.

1 Corintios 4:5

Qaq ÿoqo'oyi qami' sa ishit da huo'o ca qau'aviÿalec da qanmichi. Qauachiÿa'aguet so qadataxala' qom ñi'iguelaq da yi'oq naq'en na huetaigui na napalaxa. Somayi mayi yi'aqlec naq'en na 'eetapeguecpi ana nquiyaqtepi. Ime, qanachi ñi Dios ÿaconguet ca 'oonolec da ÿanem ca 'itchiguiñi naÿamaxannataguec.

2 Corintios 5:10

Cha'ayi 'enauac qome qomi' ñachaataxau'a cam huaña da so Cristo nmit na nasouaxashitpi, da yaqto' ñi 'oonolec ishit da ÿaconguet cam naigui ca l'onataxanaxac co'ollaq ña nachattaigui da l'oquiaxac, no'on, huo'otaq qauem.

1 Timoteo 4:14

Sa ishit da 'anañaxane' da l'onataxanaxac ñi 'anshitaxat mayi 'am ÿami' ñi Dios so na'a'q co'ollaq ÿachanguit añi lquiyaqte na lataxala'pi na 'amqajnataxanaxaicpi da 'am ÿashil-lec.

1 Timoteo 5:24

Cha'ayi mashi huo'o na yi'aqlec da lli'itaxaloxoshit, ichiÿa'a da qanmit. Qalaxayi huo'o na saxanaxa da yi'oq da lli'itaxaloxoshit, to' qom mashi ime da qanmit.

1 Pedro 4:10

Qataq ñi 'oonolec ÿataqta iloteguet ca nshitaxat mayi ÿanem ñi Dios da do'onataxaalec na laÿipi, qoñiita'am ca ÿataqta ÿaÿaten da ilo'ogue na ÿotta'a't lachitaqtaxanaxatpi ñi Dios.

1 Pedro 4:5

Qalaxayi namayipi taÿa'a da i'axatem 'enauac nam i'ottacpi ñim Dios mayi mashi naÿamaxattai' da nmit nam lasouaxashitpi na shiÿaxauapi mayi nca'altauecpi qataq nam mashi saqcapi.

Apocalipsis 20:12

Nachi nam leuaxaicpi 'amaqtaqaicpi qataq nam saq 'amaqtaq nachattañi, datato'ot ñi Dios. Huaña, nachi qaÿauachigui aso nedepi qataq asom lÿa nede mayi nanedaxalate nam qanca'alaxateecpi. Nachi na leuaxaicpi qanmit ñi 'oonolec na i'otpi mayi qoÿittalec asa'aso nedepi, da yaqto' qaishiiten.