Lucas 16:17 - Nuevo Testamento Toba Sur

¹⁷ Qaq nai'ctaxa qome da imeuo na piguem qataq ana 'alhua, qalaxayi sa ishit da sa ipacchigui cam i'axat ñim 'oonolec saq 'amaqtaq nam ledaxatpiolec nam nqataxacpi.

Nuevo Testamento Toba Sombrero Negro

¹⁷ Qalaĝaja da'me jo'ne ja qalaq yem qomle di'me piyem nataq'aen jena'me aleua; dojo' yataqachiñe qalaq, ta'le ja yepaquetelegue ga'me onolec nediijec jodaa'me Dios lamaĝajoĝonaĝaco.

La'aqtaqa Ñim Lo'onatac 'Enauacna 2013

¹⁷ Qalaxaye ỹactec da saqalaq da ishet da nlaguiñi na piguem, qataq ana 'alhua, qaq saq 'ena'am na namaxasoxonaxacpi, cha'aye qaica ca saq ipacchigui cam ỹa'axat ñim 'oonolec namayepi.

Lucas 16:17 Iomraidhean Croise

Mateo 5:18

Cha'ayi qami' shinapegalo da huo'otaq ñaq huo'o na piguem qataq ana 'alhua, qalaq sa ishit da huo'o ca qanqat nam saq 'amaqtaq ledaxatpiolec nam nqataxacpi, nato' qom mashi ipacchigui 'enauac nam taÿa'a da yi'oq.

Lucas 21:33

Qaq na piguem qataq ana 'alhua qalaq huo'o qome ca loga't, qaq da i'aqtac qalaxayi sa ishit da huo'o ca loga't.

Romanos 3:31

Qaq ¿peta'a chigoqchigui da qadpi'iÿaxac da qaica ca naigui ñaq'enaq na nqataxacpi? ¡'A'i, sa ishit! Chaqdata da ÿataqta 'itchiguiñi ñaq'enaq dam 'enec na nqataxacpi.

1 Pedro 1:25

qalaxayi da l'aqtac ñi qadataxala' sa ishit da huo'o ca loga't. Qaq de'eda n'aqtac nachida da n'aqtaxanaxac mayi chigaqaigui da nca'alaxa dam qami' qai'axattapeguema.

2 Pedro 3:10

Qalaxayi que'eca lli'iguelaxasoxoc so qadataxala' ivita qom sa qalligueme da taÿapigui yi nhuel, 'eeta'am ca cachaxaic da quetagui yi pe. Huaña, nachi na piguem nlaguiñi, ÿataqta qaica ca 'en'am ca l-lamaxa. Nachi nam hueto'ot na piguem ÿavigaxat que'eca nodec, nataq'en ana 'alhua, qataq 'enauac nam huetalec.

Apocalipsis 20:11

Nachi sela'a aso late'edai so'onaxaqui lapagaxai qataq som nso'ootangui asomayi. Huaña, nachi ana 'alhua qataq na piguem ÿataqta nlagaxatapec, ÿataqta sa ishit da huo'o ca chapegue' namayipi.

Apocalipsis 21:1

Ime, nachi sela'a so piguem dalaxaic qataq aso 'alhua dalaxai, cha'ayi so hua'auchiguiñi piguem qataq aso hua'auchiguiñi 'alhua mashi imeuo. Qataq aso auaxai nataq'en mashi imeuo.

Apocalipsis 21:4

Nachi ñimayi iÿodeec 'enauaque naua lachi' namayipi. Huaña, nachi sa ishit da ileu ca shiÿaxaua, qataq sa ishit da noÿiitac, huo'otaq da n'alaqtapiguiñi, huo'otaq da huo'o da nqui'ic. Cha'ayi 'enauac na seloqtaigui nagui 'enauac imeuo.