Lucas 15:8 - Nuevo Testamento Toba Sur

⁸ Qataq aca 'alo da huo'otaq hueto'oto caua diez lca'chole da huo'otaq daqat aca 'oonole, qaq ¿peta'a sa ishito' da iqueteteu'a aca lcoÿadaxanaxaqui, ime, qaq ÿataqta huo'o da ltelaxa da iqueloc ca lma', chochi ivitta'a da ÿanata?

Nuevo Testamento Toba Sombrero Negro

⁸ “Uotaĝa qom 'uo jaga'me yauo jo'ne yauanalo diez gaa'me lemenal qama'te onole jaga'me yeguem joga'me, qama'le ¿ja yetetoue joona jaga'me lecoyadaĝanaqate qama'le yepoloq ga'me 'lachaqa' neteletalegue da'me yelotaque chayovida'a yauana?

La'aqtaqa Ñim Lo'onatac 'Enauacna 2013

⁸ Qataq aca 'alo da huo'otaq hueto'oto caua diez anomio'ole lca'achole da huo'otaq deqat aca 'oonole, qaq ¿peta'a saisheto' da ỹegueua'a aca lcoỹaraxanaxaqui, ime, qaq ỹataqta huo'o da ltelaxa da iqueloc ca lma', choche ivitta'a da ỹanata?

Lucas 15:8 Iomraidhean Croise

Mateo 5:15

Qataq sa ishit da qaiqueteteu'a aca coÿadaxanaxaqui, da yaqto' qoÿano'ot na pa'aguiñi aca cajón. Chaqdata da qoÿanashiguem, da yaqto' icoÿadelec 'enauac nam hueta'a ca nma'.

Lucas 15:7

Qaq aÿim shinapec da nachi 'eetec nataq'en na hueto'ot na piguem ÿataqta huo'o qome ca lta'adaic ntonaxac, qom huo'otaq ÿaxaadeec naua n'onataxaco ca shiÿaxaua 'itaxaloxoic, qaq saq 'en'am cam noventa y nueve no'on shiÿaxauapi mayi sa iuen da ca'aisalo naua n'onataxaco.

Lucas 15:9

Qaq qom mashi ÿanata, nachi lapona't aca nauochaxauapi qataq acam lauodeuapi. Nachi 'enapega, 'eeta': “Qantoñiitapigui' qome, qoñiita'am aÿim, cha'ayi mashi sanata ayi aÿom lÿa mayi daqat.”

Lucas 19:10

Cha'ayi ne'ena shiÿaxaua llalec, namayi anac da nmitaique qataq nca'alaxateec nam shiÿaxauapi mayi isomtac.

Juan 10:16

Qaq huo'o nataq'en anam ilo qaguetapi mayi sa ishit da ÿalectaigui anam netaigui añi laÿi' ana qaguetapi. Qaq anamayipi iuen nataq'en da ñauegueuo. Qaq anamayipi qome ÿataqta aÿim ÿalaxaguet, huaña, qa nachi ishit da 'oonole aca nhuataguishipi qagueta, qataq 'oonolec cam nhuataxaua.

Juan 11:52

qaq sa ishit da nachaqnata nam judiopi, cha'ayi nataq'en yaqto' lapona't 'enauac nam llalaqpi ñi Dios mayi nlagaxattac.

Hechos 19:19

Nachi ÿataqta qalota nam napaxagueetego' co'ollaxa da n'enaxanaxac mayi saq cha'a, nam ndouo ana lede mayi huetalec damayi. Nachi qaÿavigaxat 'enauac anamayipi, ÿauaachigui qanqoÿin na shiÿaxauapi. Qaq co'ollaq ime, nachi qanaloqna't aso lashiue, qaq asomayi ÿataqta qaÿoqtegue.

Efesios 2:17

So Cristo anac da i'axatem 'enauac na shiÿaxauapi da no'on qad'axaÿaxac mayi i'ot da nlagaxa, qaq ividauga da qoñiita mayi sa ishit da qami' judío lashi' qataq nam judío l'ecpi.