Lucas 15:7 - Nuevo Testamento Toba Sur

⁷ Qaq aÿim shinapec da nachi 'eetec nataq'en na hueto'ot na piguem ÿataqta huo'o qome ca lta'adaic ntonaxac, qom huo'otaq ÿaxaadeec naua n'onataxaco ca shiÿaxaua 'itaxaloxoic, qaq saq 'en'am cam noventa y nueve no'on shiÿaxauapi mayi sa iuen da ca'aisalo naua n'onataxaco.

Nuevo Testamento Toba Sombrero Negro

⁷ Ami ja'aĝatema queda'me nach'e ena'am jalcote da'me lamai'j jogaa'me jo'ne neda'ague di'me piyem jouaĝat ga'me onolec loeco lo'o jo'ne 'niyeloqot joñe'me Dios, qamaĝa gaa'me noventa y nueve 'me chimadichidiñe jo'ne ja youetedaque da'me 'ñemaĝadiñe.

La'aqtaqa Ñim Lo'onatac 'Enauacna 2013

⁷ Qaq Aỹem shenapec da ỹactec da ntonaxac nataqa'en na neta'ague da piguem, qom huo'otaq huo'o ca 'oonolec ne'ena shiỹaxauapi da ỹe'egueloqot Ñim Lo'onatac 'Enauacna, qaq saq 'ena'am cam noventa y nueve nam ỹaỹamaxareeta Ñim Lo'onatac 'Enauacna maye sa iuen da ỹe'eguelaxaguet Ñimaye.

Lucas 15:7 Iomraidhean Croise

Mateo 18:13

Qaq da huo'otaq mashi ÿanata, nachi camayi ÿataqta lta'adaic da ntootapeguec aso 'oonole qagueta, qa saq 'en'am da ntootapeguec aso noventa y nueve mayi sa ishit da isomapec.

Mateo 3:8

Ÿataqta qanachaxañiita qome, yaqto' ishit da qaila'a da 'eesa da qami' qai'axañiideec naua qan'onataxacolli'.

Lucas 15:10

Qaq aÿim shinapec nataq'en da ÿataqta huo'o da ntonaxac nam Dios lamaxashicpi piguem l'ecpi, da huo'otaq ÿaxaadeec naua n'onataxaco ca shiÿaxaua 'itaxaloxoic.

Lucas 15:29

Nachi 'eetega so lta'a, 'eeta': “'Am 'auaÿateeta da mashi qalote' naua vi'iyi da 'am so'onataxaatacot, qataq sa ÿauango' da huo'otaq 'am sa salaxaguet. Qalaq sa ÿauango' da huo'otaq chochi 'oonolec ca aÿim 'ai'ami' quetaq llalec da yaqto' so'ot ca iqui'axac, da yaqto' ñiuana'ai' na ñauochaxauapi.

Lucas 15:32

Qalaxayi nagui no'on da so'otaq ca qadqui'axac da ñitonaqpigui'. Cha'ayi ñi 'adqaÿa, ñimayi mashi saqca, qalaxayi qaltaq nca'aleec; ñimayi daqat, qalaxayi mashi sanataxa.”

Lucas 15:6

Qaq da ivideu'a ca lma', nachi lapona't ca nauochaxauapi qataq ca lauodeuapi. Nachi 'enapega, 'eeta': “Ÿataqta qantoñiitapigui' qome qoñiita'am aÿim, cha'ayi mashi sanata añi ilo qagueta mayi isomapec.”

Lucas 15:8

Qataq aca 'alo da huo'otaq hueto'oto caua diez lca'chole da huo'otaq daqat aca 'oonole, qaq ¿peta'a sa ishito' da iqueteteu'a aca lcoÿadaxanaxaqui, ime, qaq ÿataqta huo'o da ltelaxa da iqueloc ca lma', chochi ivitta'a da ÿanata?

Lucas 16:15

Nachi so Jesús 'enapeco': –Qami' mayi nachiqami' chochi qanachaxañiitega 'enauac na shiÿaxauapi da qami' no'on, qalaxayi ñi Dios ÿauatto'n naua qadquiyaqchilli'. Cha'ayi cam ÿamata'ac nam shiÿaxauapi da 'eetega 'amaqtaqaic, qaq nachica cam ÿataqta ÿaÿimec ñi Dios.

Lucas 5:32

Aÿim sa ishit da ñanac da seÿaxana ca no'on shiÿaxaua, chaqcata ca 'itaxaloxoic da yaqto' ca'aisalo naua n'onataxaco.

Romanos 7:9

Cha'ayi huo'o co'ollaxa so na'a'q da aÿim chochi ñica'altauec, qaq sa ishit da sauatton na nqataxacpi. Qalaxayi co'ollaq sauatton de'eda namaxasoxonaxac, nachi de'eda ñi'itaxaloxo nca'aleec, qaq aÿim qalaq 'ico' seleu.