Lucas 15:5 - Nuevo Testamento Toba Sur

⁵ Qaq da huo'otaq mashi ÿanata, nachi ÿachilec na lallac, nachi ÿataqta machiguiñi.

Nuevo Testamento Toba Sombrero Negro

⁵ Nataq'aen qom yauana, qama'le yachalo'te naa'me lauaguel, qa'a yataqachiñe 'uo da'me lamaic.

La'aqtaqa Ñim Lo'onatac 'Enauacna 2013

⁵ Qaq da huo'otaq mashe ỹanata, nache ỹachalec na lallac, nache ỹe'eguelaxauo ỹataqta machiguiñi.

Lucas 15:5 Iomraidhean Croise

Lucas 15:32

Qalaxayi nagui no'on da so'otaq ca qadqui'axac da ñitonaqpigui'. Cha'ayi ñi 'adqaÿa, ñimayi mashi saqca, qalaxayi qaltaq nca'aleec; ñimayi daqat, qalaxayi mashi sanataxa.”

Lucas 15:4

–Da huo'o ca 'oonolec da qoñiita da huo'o aca cien lalopi qagueta, qaq isomapec aca 'oonole acamayipi, qaq ¿peta'a sa ishito' da n'onaxatchigui aca noventa y nueve da n'onaxatalec ca n'onaxa, ime, qaq nmitaique aso isomapec, chochi ivitta'a da ÿanata?

Lucas 15:6

Qaq da ivideu'a ca lma', nachi lapona't ca nauochaxauapi qataq ca lauodeuapi. Nachi 'enapega, 'eeta': “Ÿataqta qantoñiitapigui' qome qoñiita'am aÿim, cha'ayi mashi sanata añi ilo qagueta mayi isomapec.”

Lucas 19:9

Nachi so Jesús 'enapeco': –Nagui na na'a'q nvita da nca'alaxa ne'ena nma', cha'ayi de'eda shiÿaxaua, damayi maichi llalec so Abraham.

Lucas 23:43

Nachi so Jesús 'enapeco': –Ÿoqta 'eesa da shinapec da nachina nagui da sogote aÿim qoueta'aguet da qoueta'a yi lma' na qanca'alaxateecpi da piguem.

Juan 15:11

Qaq shiitec de'eda da qami' shinapegalo, yaqto' qami' ishit da aÿim qantonaxauai, nachi qami' ÿataqta qami' nlaqchiguilo da qantonaxaqui.

Efesios 2:10

Cha'ayi ñi Dios qomi' l'onataqa, qataq qomi' nañaxateu'alo naq'en so Cristo Jesús, cha'ayi nshitaique da so'otaq ca ÿaÿamaqchiguiñi. Qaq damayi nal'eno' da lapaqtapiguiñi da ÿauotaique qoyiquiaxac.

Efesios 3:7

Qaq aÿim ÿataqta sa ñauapeguela't. Qalaxayi aÿim qoÿanagui da yaqto' sa'axat de'eda n'aqtac, qaq damayi chigoqchigui da l'añaxac ñi Dios.

1 Ts 1:5

Cha'ayi qomi' co'ollaq qami' sa'axataxama da n'aqtac mayi chigaqaigui da nca'alaxa, qalaq sa ishit da ndoxoiqa naua qadtaxaÿaxac. Cha'ayi qomi' hueta'agueta da l'añaxac so Espíritu Santo, qataq saÿajnaqta da ÿataqta 'eesa dam sa'axataqtac. Qataq qami' ÿataqta qauaÿajñiita da qadataxac no'on co'ollaq qami' souaqta'agueta. Qaq damayi naigui da maichi qanaÿamaxataxaqui.

2 Timoteo 2:26

yaqto' nal'en da ntouen, qataq ca'ai da lqoinaxanaxac so shiÿaxaua lma'na mayi lcoñitaguishic da i'ot naq'en ca maichi 'eetapeguec.

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.

1 Pedro 1:5

Qataq souaxat da qami' huo'o da qadpi'iÿaxaqui ñi Dios, nachi ñimayi qami' npaxattalguete naq'en da l'añaxac, da yaqto' qaviyiÿa'aguet ca nca'alaxa mayi ÿaqataxaatapigui' ñimayi da qami' ÿauattonaxanaxanque caua pa'atreec na'axa'te.