Lucas 12:45 - Nuevo Testamento Toba Sur

⁴⁵ Qalaxayi que'eca nlatac da huo'otaq 'enapec: “Ca ñi'aco' ÿataqta saqaÿaloqteguet,” nachi jec da iuaxaatac so laÿipi nlatacpi qataq aso nlatapi, ime, qaq cot da lqui'axac qataq da nÿomaxac qataq na ltaxa,

Nuevo Testamento Toba Sombrero Negro

⁴⁵ Qalaĝaja qom ga'me nalemaĝajet en lelnataĝac queda'me uayaloqota't da'me 'niyelaq ñe'me ladipa, qama'le ja no'en da'me 'yeteque jogaa'me namaĝa's nataq'aen gaa'me namaĝajel laqaya', nataq'aen yema'a da'me deque'e, da'me niyometac qaedi 'uo da'me taĝaic,

La'aqtaqa Ñim Lo'onatac 'Enauacna 2013

⁴⁵ Qalaxaye que'eca namaxashec da huo'otaq 'enapec: «Ca ña'aco' ỹataqta qaỹaloqteguet», nache jec da iuaxaatac ca laỹepi namaxashecpi qataq aca namaxashepi, ime, qaq cot da lquia'axac qataq da nỹomaxac qataq da ltaxa.

Lucas 12:45 Iomraidhean Croise

Mateo 22:6

qataq so laÿipi ÿaconeu'a so lamaxashicpi so nta'a, nachi iuaxaatac, chochi ivitta'a da ÿalauat.

Lucas 12:44

Qaq aÿim shinapec da ÿoqta 'eesa da que'eca 'aco' ishit da ÿanagui camayi da ilo'ogue naq'en 'enauac nam hueto'otpi.

Lucas 12:46

qaq se'eso n'aco' da lvidaxac huetoigui ca na'a'q qataq cam laloqo' da huo'otaq se'eso nlatac sa ishit da ÿaÿaten qataq saq huotaique, ime, qaq qaÿauo'o ca nhuaxanaguec mayi qaica ca 'en'am da lchic, 'eeta'am qanqoÿin da nhuaxanaguec cam sa da'amqajnataxan.

Lucas 21:34

Qalaxayi maxatchaxa, sa ishit qome da qadamchiguilo naua qadquiyaqchilli' souaxat ca qanamañi, qataq da qadomiilec na lataxa qataq nam laÿi nhuenecpi yi na'a'q, yaqto' que'eca na'a'q sa ishit da qami' ique'elaxa't,

Juan 2:10

Nachi 'enapega, 'eeta': –'Enauac na shiÿaxauapi i'auaxaachiguiñi naxa da nÿomaxangui na no'on lataxa na namaxasoxoic, qaq da mashi qaÿoqtegue da nÿomaxac, nachi qaltaq qanÿomaxangui na lataxa mayi saqalligueme da no'on. Qalaxayi 'am chochi ivitta'a nagui da ña 'auaÿamaxattac na no'on lataxa.

Hechos 2:18

Que'ecaua na'axa'te nachi aÿim ñanacot qome ñi'Espíritu Santo, nachi sanem na ilatacpi qataq ana ilatapi, huaña qome, nachi i'axa't naua i'aqtaqa.

Romanos 16:18

Cha'ayi ne'ena shiÿaxauapi sa ishit da do'onataxaatacot so qadataxala' Jesucristo, chaqdata da maichi lsoxo. Qataq namayipi ÿatenachit da lquiyaqteÿaxac nam shiÿaxauapi mayi qaica ca ÿaÿajnapec, idolguete naua l'aqtaqa isotta'pe qataq amai'.

2 Corintios 11:20

Cha'ayi qanviñiiguet nam shiÿaxauapi mayi qami' icoñida'aque da chochi qami' l-lataqa, qami' deque'etapiguilo, qataq 'ico' qami' lalamqa'te, qataq sa ishit da qami' ÿauoteque. Nda'a't da iuaxaatapoiguilo naua qadashigolli'.

1 Ts 5:7

Ca shiÿaxaua da do'ochi, ÿataqta do'ochi yi pe. Qataq ca taxaic, ipacchigui da taxaic yi pe.

2 Pedro 2:13

qataq qaÿi'iguelaxateguet qome da nque'etaxangui 'enauac nam i'otec na laÿipi. Namayipi ipi'itaxano' da ÿataqta machiguiñi da quetaigui na lamanaxanaqtaiguesat mayi sa qaÿauec. Namayipi ÿataqta i'ot da n'aloxo, qataq da qai'ot ca sa ÿaÿamaxañi da huo'otaq qami' ÿalectaiguilo da qau'ochiitac na qadqui'axaqui. Nachi namayipi ÿataqta machiguiñi da chochi qami' ÿatenachitta'pe.

2 Pedro 2:19

Namayipi 'eetega da i'axattac da lliquiaxac da achaalataxac mayi ÿataqta huesochiguiñi, qalaxayi namayipi l-latac naua 'onataxaco mayi deshipaxanaqtaxa'n. Cha'ayi ca shiÿaxaua 'eeta'am da l-latac cam loxonec camayi.

Apocalipsis 16:6

Cha'ayi 'anÿomaxangui na ntago'q namayipi, qaq damayi ÿataqta 'itchiguiñi, cha'ayi namayipi icodaxatreec co'ollaxa naua ltago'q nam 'adalamaxatpi qataq nam i'axatta'pe naua 'ad'aqtaqa.

Apocalipsis 18:24

Cha'ayi yi'iyi la ciudad nachi huaña da qailalec na ltago'q nam i'axatta'pe co'ollaxa na l'aqtaqa ñi Dios, qataq nam lalamaxatpi ñimayi, qataq 'enauac nam qaÿalauatpi mayi hualec ana 'alhua.