Lucas 12:1 - Nuevo Testamento Toba Sur

¹ Qaq ñaq queta da lapootega't so saq llalcolec shiÿaxauapi. Qaq mashi ivida da huo'o na qaÿi'iguingui. Nachi so Jesús i'auaxaañi da 'enapega so lapaxaguenatacpi, 'eeta': –Maxatchoxo' qome, qadvichiÿa'a anam ÿashiidaxachigui ana pan mayi huetaigui na fariseopi, qaq damaxa 'eeta': nachida da maichi lataxac namayipi da 'eetega 'eesa.

Nuevo Testamento Toba Sombrero Negro

¹ Qamaliaĝa ue'tedi, qama'le yema'a't ga'me jiyaĝadipi yataqachiñe jalcote ga'me, qama'le 'uo ga'me pelo'te gaa'me laqaya'. Jesús male dojapegue'to gaa'me lapaĝaguenataqa: “Achiya'aguet ga'me lalequetenaĝanaĝat gaa'me fariseopi, jo'ne nach'eda ch'e nenaĝatedegue da'me yataqatelo'te.

La'aqtaqa Ñim Lo'onatac 'Enauacna 2013

¹ Qaq ñaq queta da qalota so shiỹaxauapi lapootapegueua'a So Jesús qataq mashe ivira da huo'o na qaỹe'eguingui. Nache Somaye 'enapegalo soua lapaxaguenataqa, 'eeta': «Maxatchoxo' qome, qarvichiỹa'aguet da latenataxanaxac na fariseopi. Namayepi ỹataqta ỹatenachettac na shiỹaxauapi da 'eetega 'eesa nam la'aqtaxanaxacpi.

Lucas 12:1 Iomraidhean Croise

Lucas 11:44

¡Ÿataqta choxodaxasodo' qami' mayi qauapaxaguenataxañiitapeguec na nqataxacpi qataq nam fariseopi mayi qoñiitega da qami' 'eesoda! Cha'ayi qami' qoñiita'am acam huachiqui mayi sa qaila'a, nachi na shiÿaxauapi chochi qauatapeguelec, sa ishit da ÿaÿaten.

Lucas 12:56

Qaq ¡qami' mayi qoñiÿapec da qami' 'eesoda! Qami' qauaÿajñi da qau'axachi na l'anaxatpi na piguem qataq ana 'alhua, qalaq ¿tá'ainco' yi sa ishit da qau'axachi da lataxac naua souaqtaiguilo na'axa'te nagui?

Lucas 5:1

Qaq huo'o so na'a'q so Jesús hueto'ot na loigue aso lapel late'edai mayi huaña yi Genesaret. Nachi ÿataqta qalota so anac shiÿaxauapi, ivitta'a da qanpataxagui somayi, cha'ayi somayipi huotaique da n'axaÿaxana da l'aqtac ñi Dios.

Lucas 5:15

Qalaxayi da n'aqtaguec so Jesús ÿataqta nquictauec, nachi ÿataqta qalota na shiÿaxauapi anac da ÿauotaique da n'axaÿaxana qataq huotaique da nataden somayi nam lalolaxapi.

Lucas 6:17

Nachi so Jesús huenoteeguesop aso saqaÿoqotchiguemec 'alhua, lÿata'pe soomayi. Qaq co'ollaq qanviyiña aso lcomadaxalate, nachi somayi qataq soua lapaxaguenataqa nachi vi'iigueta. Qaq nataq'en ÿataqta qalota na shiÿaxauapi chigaqaña 'enauac yim 'alhua l'enaxat Judea, qataq yi Jerusalén, qataq na loigue yi Tiro qataq yi Sidón. Namayipi anac da huotaique da n'axaÿaxana so Jesús, qataq da qanataden da lalolaxa.

Hechos 21:20

Qaq can ime da qai'aqchigui 'enauac de'eda, nachi ÿataqta qaÿi'oxodeetac ñi Dios. Ime, nachi qoÿiitega so Pablo, qoÿiita': –Hua', 'am qadqaÿa, qalaxayi 'am mashi 'auaÿaten da na judiopi ÿataqta qalota na da'amqajnataxan. Qaq namayipi ÿataqta ipactega da qaipactelec da qanayiigue 'enauac nam lqataxacpi so Moisés.

1 Corintios 15:3

Da sa'auaxaachiguiñi qami' sapaxaguenque dam nataq'en aÿim qoÿanem, damayi 'eeta': So Cristo ileualec da qayi'itaxaloxo, qaq damayi ipacchigui da 'enapec naua ñiyigui'shi l'aqtaqa ñi Dios.

Hebreos 12:22

Qalaxayi qami' qome, qalaq qanqo'oñiishiguemec aca qasoxonaxa l'enaxat Sión, yim naciudad ñi Dios mayi nachi 'eetai' da nca'altauec, yim Jerusalén mayi hueta'ague da piguem, yim hueta'a nam ÿataqta qalota namaxashic piguem l'ecpi,

Santiago 3:17

Qalaxayi ca hueto'ot da naÿajnec mayi chigoqo'ot ñi Dios, camayi hua'auñi da qui'itta da nachaalataxac. Ime, qataq nhualaxaunaxaic, soxodaic, n'axaÿaxanguet ca lÿa, choxonnataxanaxaic, qataq i'ot ca ÿaÿamaqchiguiñi. Camayi sa ishit da huo'o ca ÿoxottapiguiñi. Chaqdata da huosochiguiñi.

1 Pedro 2:1

Qaq ÿoqo'oyi no'on qome da qai'axañiiuec 'enauac na ÿotta'a't sa ÿaÿamaxañisat. Sa ishito' da qauatenataxañiitac, qataq sa ishit da dos naua qoquiitagueto, qataq sa ishit da qaupa'aguiñiitac ca qadÿai, qataq sa ishit da qami' n'aqtaqa l'o'.