Lucas 11:49 - Nuevo Testamento Toba Sur

⁴⁹ Qaq ÿoqo'oyi ñim Dios mayi ÿajnaxanaxaic co'olloxochiyi 'enapeco': “Samaxaña qome namayipi ca i'aqtaxanaxanecpi qataq ca ÿamaxashicpi, qaq yimayipi huo'o qome ca ÿalauat, qaq ca laÿipi qalaq icaatac.”

Nuevo Testamento Toba Sombrero Negro

⁴⁹ “Qo'che' da'me layatenaĝanaĝac ñe'me Dios enaac: «Jamaĝalo gaa'me 'yaqataĝanaĝanaqa nataq'aen yamaĝa's, qama'le jogaa'me uo'oe gaa'me qoyala't nataq'aen qoyecaa'tape jogaa'me laqaya'.»

La'aqtaqa Ñim Lo'onatac 'Enauacna 2013

⁴⁹ Qaq ỹoqo'oye Ñim Lo'onatac 'Enauacna maye ỹaanaxanaxaic, huo'o da la'aqtac co'ollaxa da qami' ỹa'axatta'agueta 'enapeco': «Aỹem qami' samaxalo qome ca ỹa'aqtaxanaxanecpi qataq ỹamaxashecpi, qalaxaye huo'o na qaualauache, qaq ca laỹepi qalaq qaucañiitac, qaviraxachiỹalo naua lỹa't 'aleu'.»

Lucas 11:49 Iomraidhean Croise

Mateo 22:6

qataq so laÿipi ÿaconeu'a so lamaxashicpi so nta'a, nachi iuaxaatac, chochi ivitta'a da ÿalauat.

Lucas 11:48

Qaq de'eda qau'ochi nachida da yi'oq da qami' ÿataqta qauaÿamaxayiñiita dam i'ot som qadta'aipi. Cha'ayi som qadta'aipi ÿalauat somayipi, qaq nagui qami' qalaq qan'oxoñiishiguem ana nhuachiquipi.

Lucas 24:47

Nachi de'eda l'enaxat qai'axateec qome, qai'aqtaxanoigui na ÿotta'a't shiÿaxauapi, qaq qoÿinapega 'enauac namayipi da ca'aisalo naua n'onataxaco, yaqto' naua n'onataxaco ishit da qaÿapalaxa't, qaq qaÿachigoqchiguiña qome na Jerusalén.

Juan 16:2

Qami' qaÿamaqdauec qome da huaigui ana laponaxaqui na judiopi, qataq ivida'a qome da huo'o ca ishit da qami' ÿalaua't, nachi camayi ipi'itaxaatega da i'ottac cam l'onataxanaxac ñi Dios.

Hechos 1:8

Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.

Hechos 11:27

Qaq se'esoua na'axa'te huo'oi soua Dios l'aqtaxanaxanqa chigoqdaña yi Jerusalén da nqo'ooda yi Antioquía.

Hechos 22:20

Qataq co'ollaq qaÿalauat yi Esteban mayi 'ad'aqtaxanaxanec, qalaq aÿim salectauo, qataq sovida'a da selotague' na logoxotpi nam dalaataxanpi.”

Hechos 7:57

Qalaxayi somayipi lamaaxa ÿapoguilo naua ltela, ÿataqta n'axannec da l'alaxac, nachi ÿataqta qaipadenaxaneu'a somayi da qaÿaconeu'a.

Hechos 8:3

Qaq so Saulo nachi ÿataqta ÿoqopitaxanapec da icaatac na 'amqajnataxanaxaicpi, inoxotta'pe naua noiqa. Cam ilalec ÿale, huo'otaq 'alo, nachi ÿauogonnauec, nachi ÿauegueuo, da yaqto' qaicoñi'.

1 Corintios 1:24

Qalaxayi nam lÿaxanataguishicpi ñi Dios judío l'ecpi, huo'otaq nam saq judío l'ecpi, namayipi ÿauattoota so Cristo da nachiso so l'añaxac qataq laÿajnec ñi Dios.

1 Corintios 1:30

Qaq ñimayi nalligoxottela't da qan'ayiitau'a naq'en so Cristo Jesús, qataq chigoqchigui naq'en somayi da qadaÿajnec. Qataq chigoqchigui naq'en somayi da qomi' ÿaÿamaxadeete' ñimayi, qataq da qomi' lalamqa'te, qataq da qomi' yica'alaxauec.

Efesios 4:11

Ime, nachi ÿanem ca nshitaxat naq'en ñi 'oonolec shiÿaxaua. Nachi huo'o na lamaxashicpi naq'en somayi, qataq huo'o na l'aqtaxanaxanecpi naq'en ñi Dios, qataq huo'o naq'en na i'axattac da n'aqtaxanaxac mayi chigaqaigui da nca'alaxa, qataq huo'o na lataxala'pi naq'en na 'amqajnataxanaxaicpi, qataq na napaxaguenataxanaqpi.

Colosenses 2:3

Cha'ayi somayi nachiso so imatta't 'enauac na ÿotta'a't naÿajneguesat qataq na nauattonaxanaxacpi mayi chochaq huañi.

Apocalipsis 16:6

Cha'ayi 'anÿomaxangui na ntago'q namayipi, qaq damayi ÿataqta 'itchiguiñi, cha'ayi namayipi icodaxatreec co'ollaxa naua ltago'q nam 'adalamaxatpi qataq nam i'axatta'pe naua 'ad'aqtaqa.

Apocalipsis 18:20

Qalaxayi ÿataqta 'antonec qome yi'iyi la ciudad, 'am piguem, qataq qami' lamaxa'shi so Jesús, qataq qami' l'aqtaxanaxanecpi ñi Dios, qataq 'enauac qami' lalamaxatpi ñimayi. Cha'ayi ñi Dios i'ot da nhuaxanaguec yimayi, souaxat da qoñiita.