Lucas 11:29 - Nuevo Testamento Toba Sur

²⁹ Qaq ÿataqta nquictauec na shiÿaxauapi mayi laponeu'a so Jesús. Nachi somayi detaqa, 'eeta': –Ne'ena shiÿaxauapi nagui ÿataqta qauemaicpi, qataq iÿaxaataique da qai'ot cam n'anec mayi sa qaÿauanapega. Qalaxayi sa ishit da qaltaq qoÿan camayi, chaqsota som n'anec mayi qai'otec co'ollaxa so l'aqtaxanaxanec ñi Dios, l'enaxat Jonás.

Nuevo Testamento Toba Sombrero Negro

²⁹ Ca'li yauana ñe'me Jesús ga'me jiyaĝadipi da'me nepataqata't, qama'le enaac: “Jena'me jenjo' jiyaĝadipi nayi yataqachiñe qaleuaĝaiquipi. Yiyaĝataque da'me qaedi jaloĝon da'me yañoqotaĝanaĝac, qalaĝaja ja yitaĝa qoyaloĝonalo da'me nañoqotaĝanaĝac jo'ne p'ajaye; jalgata ca'li qoyen 'nanec di'me Jonás.

La'aqtaqa Ñim Lo'onatac 'Enauacna 2013

²⁹ Qalota so shiỹaxauapi nquigueuo da na'axaỹaxana So Jesús, nache Somaye 'enapeco': –«Qami' Aỹem qavi'iguiñiitac da Aỹem qauỹaxañiitacot da so'ot ca na'anec, qalaxaye qami' qauemaiqa qataq saishet da huo'o ca qarpi'iỹaxaqui Ñim Lo'onatac 'Enauacna. Qaq 'oonolec da na'anec maye qami' sanema, damaye nachera dam huaigui co'ollaxa so Jonás.

Lucas 11:29 Iomraidhean Croise

Mateo 3:7

Qalaxayi so Juan co'ollaq ila'a da ÿataqta qalota na chigaqaigui na fariseopi qataq na chigaqaigui na saduceopi da anac da huotaique da qanachilaxan, nachi somayi 'enapega, 'eeta': –¡Qami' n'adaxanaq llalaqpi! ¿Négue't ca qami' icoyigue'n, da yaqto' qananeltaxañiiguet cam qaica ca 'en'am da lchiquiaxac nhuaxanaguecna mayi sa qaÿapeque?

Marcos 8:38

Cha'ayi ca aÿim da'aguelec qataq dam i'aqtaxanaxac, da ncaxa nam shiÿaxauapi mayi ÿalat ñi Dios qataq 'itaxaloxoicpi, nachi ne'ena shiÿaxaua llalec nataq'en ÿataqta da'aguelec camayi, qom ivita da ñi'iguelaq da nactaigui da lli'oxoyic ñi lta'a qataq na lamaxashicpi mayi qui'itta.

Lucas 11:16

Qataq huo'o na chochi ÿauotaique da ÿi'iguen, nachi iÿaxaatacot da ishit da i'ot ca n'anec mayi sa qaÿauanapega da chigoqo'ot naq'en na piguem.

Lucas 11:50

Yaqto' ne'ena shiÿaxauapi mayi huetaigui nagui ñi Dios ÿachilec 'enauac na ltago'qpi som l'aqtaxanaxanecpi mayi qaÿalauat, chigoqchiguiña naq'en co'ollaq chita'ague da qai'ot ana 'alhua.

Lucas 12:1

Qaq ñaq queta da lapootega't so saq llalcolec shiÿaxauapi. Qaq mashi ivida da huo'o na qaÿi'iguingui. Nachi so Jesús i'auaxaañi da 'enapega so lapaxaguenatacpi, 'eeta': –Maxatchoxo' qome, qadvichiÿa'a anam ÿashiidaxachigui ana pan mayi huetaigui na fariseopi, qaq damaxa 'eeta': nachida da maichi lataxac namayipi da 'eetega 'eesa.

Lucas 9:41

Nachi so Jesús 'enapeco': –¡Lloxochiyi ne'ena shiÿaxauapi yi sa da'amqajnataxan qataq qauemaicpi! Mashi huo'oi soua na'axa'te da qami' soota'agueta, qataq mashi huo'oi soua na'axa'te da ñiualaxaueetapec. Ña 'ando'ocna'a cam 'ai'alec.

Juan 2:18

Nachi na judiopi inattac somayi, 'eeta': –¿Négue't ca n'anec qomi' 'auachaxanalo, da yaqto' ishit da 'am sa'amaqtenaq da ÿoqta 'eesa huo'o ca qonec da 'au'ot de'eda?

Juan 6:30

Nachi qainat somayi, qoÿiita': –Qaq ¿négue'to' ca n'anec ishit da qomi' 'auachaxanalo, da yaqto' seloxogui, nachi ishit da 'am sa'amaqtenaq? Qaq ¿négue't cam 'au'ot?

Juan 8:44

Qami' som qadta'ai, nachiso som shiÿaxaua mayi lma'na. Somayi qami' lalamqa'te, ÿoqo'oyi qanshiitaique da qau'ochi cam 'eetapeguec somayi. Se'eso shiÿaxaua mayi lma'na, somayi ÿataqta laataxanaxaic. Nachi chigoqchiguiña co'ollaq chita'ague da qai'ot ana 'alhua, somayi sa ishit da hueto'ot ca 'eesa lataxac, qaq ÿoqo'oyi sa ishit da 'en ca l'aqtac. Qaq somayi da huo'otaq nasaxauec ca latenataxanaxac, nachi ÿataqta ipacchigui da maichi lataxac. Cha'ayi somayi ÿataqta tenataxanaxaic, qataq nachiso so lta'a da natenataxanaxac.

1 Corintios 1:22

Na judío l'ecpi nmitta'ai da ÿauaachigui na n'anecpi mayi sa qaÿauanapega. Qaq na saq judío l'ecpi nmitta'ai da saqalota na laÿajnecpi.