Lucas 11:27 - Nuevo Testamento Toba Sur

²⁷ Qaq co'ollaq ña i'axattac de'eda so Jesús, nachi huo'o aso 'alo mayi huetaigui se'eso shiÿaxauapi. Asomayi i'alaq, 'eeta': –¡Ÿataqta machiguiñi acam 'alo mayi 'am deco'oic, qataq 'am ÿaqchit co'ollaxa!

Nuevo Testamento Toba Sombrero Negro

²⁷ Ca'li maliaĝa Jesús 'yaĝatetac da'me dojo', qama'le 'uo jañe'me yauo jo'ne uetaue ga'me jiyaĝadipi niyaĝajeguem: —¡Yataqachiñe 'uo da'me lamaic jañe'me adat'e jo'ne en am 'yaĝaic joca'li!

La'aqtaqa Ñim Lo'onatac 'Enauacna 2013

²⁷ Qaq co'ollaq ña ỹa'axattac de'era So Jesús, nache nvireuo aso 'alo, nache ỹa'alaxalec Somaye, 'eeta': –¡Ỹataqta machiguiñi acam 'alo maye 'am deco'oic co'ollaxa, qataq 'am illepaxaatac!

Lucas 11:27 Iomraidhean Croise

Lucas 1:28

Nachi so lamaxashic ñi Dios pa'aigui so lma' mayi netaigui asomayi. Nachi iquin, 'eeta': –¡'Am mayi nachi'am nqouaguec ñi Dios! Ñi qadataxala' 'am hueta'aguet. Ñimayi 'am ÿanem da lqouagaxanaqtaic, qaq sa ishit da qoneta'am 'enauac na 'adaÿipi 'alpi.

Lucas 1:42

Nachi asomayi ÿataqta nlamaxaden, 'eeta': –Ñi Dios 'am ÿanem da lqouagaxanaqtaic, qaq sa ishit da qoneta'am 'enauac na laÿipi 'alpi. Nataq'en ca 'ai'alec ÿanem da lqouagaxanaqtaic.

Lucas 1:48

Cha'ayi ñi Dios tachigui lauel ana qaica ca l'amaqchic l-lata, qaq nagui nachi chigoqchiguiña da 'enauac na shiÿaxauapi aÿim ÿamata'ac da ÿataqta samachiguiñi.

Lucas 11:26

Ime, nachi ÿi'iguelaqteec, nachi ÿi'iguena'alo soua lÿa't siete mayi napactelguete somayi, nachi 'enauaque soomayi taiguilo se'eso shiÿaxaua. Huaña, nachi se'eso shiÿaxaua ÿapacteec da aloic saq 'en'am so hua'auchiguiñi.

Lucas 23:29

Cha'ayi anate' caua na'axa'te qome da qoÿiita': “Ÿataqta machiguiñi qome acam sa deco'o qataq acam sa ishit da hualaxai qataq acam sa nauanapegue' da illipaxaatauo ca llalec.”