Lucas 11:2 - Nuevo Testamento Toba Sur

² Nachi so Jesús 'enapeco': –Da ivita da qanatamñi, qalaq qoñiita': 'Am qadta'a mayi qoneto'ot na piguem, 'enauac qaÿi'oxoden da 'ad'enaxat. Ña 'anamaxaño' qome da 'ad'onataxanaxac, yaqto' i'ot ca qonetapeguec 'enauac nam huetalec ana 'alhua, 'eeta'am nam hueto'ot na piguem.

Nuevo Testamento Toba Sombrero Negro

² Qama'le Jesús enaac: —Qom anetameñi, aueñeetojo': «Am Qadet'a, 'noota qom qo'nonaĝachigui da'me adenaĝat. 'Noota qom nach'e eta't qo'mi anejaliaĝatelo'te.

La'aqtaqa Ñim Lo'onatac 'Enauacna 2013

² Nache So Jesús 'enapeco': –Da ivita da qanatamñi, qalaq qoñiita': «'Am Qarta'a maye qoneto'ot na piguem, 'enauac qome da 'am qaỹauatton da 'am 'oonolec maye 'Aro'onatac 'Enauacna. Ña 'auanac yaqto' 'am 'oonolec da 'am Qarta'a,

Lucas 11:2 Iomraidhean Croise

Mateo 10:32

Qaq ÿoqo'oyi 'enauac nam da'aqtaxanem nam shiÿaxauapi da aÿim quetague', qaq aÿim nataq'en sa'axatem qome namayipi ñi ita'a mayi neta'ague da piguem.

Mateo 3:2

Qaq da l'aqtaxanaxac 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Mateo 5:16

Qaq nachi 'eetec qome nataq'en da qoñiita, ÿataqta qau'edaxachiÿoiguilo qome naua qadcoÿadaxanaxaquilli', yaqto' 'edalec na shiÿaxauapi, yaqto' namayipi, da ila'a dam ÿaÿamaqchiguiñi mayi qau'ochiitac, nachi namayipi ÿi'oxoden ñi qadta'a mayi neto'ot na piguem.

Lucas 11:1

Huo'o so na'a'q so Jesús hueta'a so 'alhua da natameetac. Qaq co'ollaq imat da natamnaxac, nachi huo'o so lapaxaguenatac 'enapega, 'eeta': –Qomi' 'auapaxaguenque qome da qanatamnaxac, 'eeta'am da 'eetec so Juan co'ollaq ÿapaxaguen so lapaxaguenatacpi.

Romanos 1:7

Qaq 'enauac qami' mayi qoñiitaña na la ciudad Roma, qami' samaxalo ana ÿide. Qami' mayi qami' lauotaqa'te ñi Dios qataq qami' iÿaxanalo, da yaqto' qami' qanañañiÿot ñimayi. Qaq qauacoñiiguet qome da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.

Romanos 8:15

Cha'ayi som Espíritu mayi qami' qauacoñiiguet, somayi sa ishit da i'ot da qami' nlataqa naq'en, qataq sa ishit da ÿoltaq ÿauo'o ca qadcolanqai. Chaqdata da somayi qami' i'otegueta da qami' llalqa naq'en ñi Dios. Qataq se'eso Espíritu itaxaÿaxanaxanec naq'en ñi 'oonolec da shinaqta da 'eeta': “'Am ita'a Dios.”

1 Corintios 1:3

Ñishitaique da qauacoñiiguet da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.

2 Corintios 1:2

Ñishitaique da qauacoñiiguet da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.

Gálatas 1:4

som nañanguet co'olloxochiyi da nalaataguec, souaxat nam qadasouaxashitpi, da yaqto' qomi' nca'alaxateeguesopa nam qauemsat mayi huetalec ana 'alhua. Qaq ipacchigui da maichi lhuennataxa ñim qadta'a Dios.

Efesios 1:2

Ñishitaique da qami' qauacoñiiguet da lqouagaxanaqtaic qataq da l-lagaxayic ñi qadta'a Dios qataq so qadataxala' Jesucristo.

Filipenses 1:2

Qami' qauacoñiiguet qome da lqouagaxanaqtaic qataq da l-lagaxayic ñi qadta'a Dios qataq so qadataxala' Jesucristo.

Filipenses 4:20

¡Qaq ñim qadta'a Dios ÿataqta nachi 'eetai' qome da ñi'oxonnataguec! Aja', nachi 'eetec.

Colosenses 1:2

qaq aÿim qami' ÿaqaÿañicpi mayi qoñiitaña yi la ciudad Colosas, qami' samaxalo ana ÿide, qami' qau'amaqchiñiitac so Cristo, qataq qami' lalamqa'te ñi Dios. Ñishitaique da qami' qauacoñiiguet qome da lqouagaxanaqtaic ñi qadta'a Dios qataq da l-lagaxayic.

1 Ts 1:1

Aÿim Pablo, aÿim soota'agueta naua Silvano qataq Timoteo. Qaq nagui qami' samaxalo ana ÿide, qami' ÿaqaÿañicpi 'amqajnataxanaxaicpi mayi qoñiitaña na la ciudad Tesalónica. Qami' mashi qan'ayiitau'a ñi qadta'a Dios qataq so qadataxala' Jesucristo. Ñishitaique da qauacoñiiguet da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.

1 Ts 1:3

Qaq ñim qadta'a Dios mayi souaqto'ot, ñimayi mayi ÿaÿateeta da qadhuennataxa da tachigui qadhuel da l'onataxanaxac da qadpi'iÿaxaqui, qataq da qadsoxoyiqui da qoviitague' na qadqaÿañicpii, qataq da qoquiito'ot qanaquitaxaqui ñi qadataxala' Jesucristo.

2 Ts 2:16

Qaq ñim qadataxala' Jesucristo qataq ñi qadta'a Dios ñim qouagaxanaqtaqaic mayi qomi' ÿauoteque, qataq qomi' ÿanema da qad'añaxac chochi tateec, qataq da ÿaÿamaqchiguiñi qanaquitaxac,

Apocalipsis 11:15

Nachi so pa'ateec soua siete namaxa'shi, somayi ÿashiiyigui aso lashiide. Nachi qai'axaÿa so lta'adaic nvilÿaxacpi mayi chimqot na piguem, 'eeta': Da l'onataxanaxac na nta'alpi da ilo'ogue nam huetalec ana 'alhua, damayi nagui lalamaxat ñi qadataxala' qataq som namaq nta'a qadca'alaxaqui; nachi somayi chochi tateec nagui da ilo'ogue 'enauac namayipi.

Apocalipsis 15:4

Qaq ¿negue'tom cam sa ishit da saq huo'o ca 'enec naq'en 'am, 'am qadataxala'? Qataq ¿negue'tom ca saq 'am ÿi'oxoden? Cha'ayi nachaq'amta da 'am qui'itta, qaq 'enauac qome na ÿotta'a't shiÿaxauapi anac da 'am ÿi'oxoden. Cha'ayi ÿataqta qaÿauaachigui da sa ishit da 'anpe'enai' da 'anmit ca lataxac.

Apocalipsis 19:6

Qaq nataq'en sa'aqchigui na l'aqtacpi na 'eeta'am na qalota shiÿaxauapi, qataq 'eeta'am da l-lamaxa na lta'adaic l'auaxac qataq na lta'adaic nalataxa, 'eeta': ¡Shi'oxonnataxanaq! Cha'ayi ivita yi laloqo' da ilo'ogue 'enauacna ñim qadataxala' Dios mayi qaica ca ÿaqalanapec.

Apocalipsis 20:4

Qaq can ime, nachi sela'a aso nso'onaxaquipi na nta'a. Qaq asomayipi nachi nso'ootangui som qoÿanem da nmit na nasouaxashitpi. Nataq'en sela'a na lqui'ipi nam qaipeteguec na lqaic co'ollaxa souaxat da i'axattac da l'aqtac ñi Dios mayi 'itchiguiñi naq'en so Jesús. Somayipi nachiso so sa ishit da ÿi'oxoden so shiguiÿac qataq som n'enaqtac lqui'i, qataq sa ishit da nashinguet aso l'anaxanaqte da yaqto' qai'an na latap, huo'otaq na lhuaq. Qaq sela'a somayipi da qaltaq qanca'alaxateec, nachi ltaua so Cristo da nta'alpi que'ecaua mil vi'iyi.