Lucas 11:13 - Nuevo Testamento Toba Sur

¹³ Qami' matem qami' yiloxoiqa, qalaq qauaÿajñi da qai'añiim ca no'on na qai'alquiipi, qaq ¿huá'ago' da saq 'eetec ñi qadta'ai mayi neto'ot na piguem da ishit da ÿanem so Espíritu Santo cam iÿaxanot ñimayi?

Nuevo Testamento Toba Sombrero Negro

¹³ Chane'eja, qom ami, jo'ne qaleuaĝayaqa, auayachiñe da'me auañema gaa'me uo'oe jo'ne onaĝayaqa naa'me ac'oqo'chedi', qama'le ¡yataqachiñe p'ajaye ñe'me Qadet'a jo'ne na'ague di'me piyem yanema jaĝa'te ñe'me Lepaqal jo'ne ja 'nalegue ena'uaque jogaa'me jo'ne yiyaĝadaque!”

La'aqtaqa Ñim Lo'onatac 'Enauacna 2013

¹³ Qami' matem qami' qauemaiqa, qalaq qauaỹaañi da qaỹa'añim ca no'on ca qaỹa'alqui, qaq ¿hua'ago' da saq ỹactec ñi Qarta'ai maye Lo'onatac 'Enauacna maye neto'ot na piguem da ishet da ỹanem So Saqcha'a Na'añaxac Qui'itta cam iỹaxanot Ñimaye?»

Lucas 11:13 Iomraidhean Croise

Mateo 5:16

Qaq nachi 'eetec qome nataq'en da qoñiita, ÿataqta qau'edaxachiÿoiguilo qome naua qadcoÿadaxanaxaquilli', yaqto' 'edalec na shiÿaxauapi, yaqto' namayipi, da ila'a dam ÿaÿamaqchiguiñi mayi qau'ochiitac, nachi namayipi ÿi'oxoden ñi qadta'a mayi neto'ot na piguem.

Mateo 5:45

Qaq yaqto' ÿataqta qami' llalqa ñim qadta'ai mayi neta'ague da piguem. Cha'ayi ñimayi icoÿadelec naq'en añi nala' ca qauemaic qataq ca soxodaic, qataq da namaq na auot, qalaq talec naq'en cam no'on da lataxac qataq cam qauem da lataxac.

Mateo 6:14

Cha'ayi da qami' qauchoxoyiñi cam sa ÿaÿamaxañi mayi qami' i'oteque cam qadÿai, nachi ishit da qami' ichoxode'n nataq'en ñi qadta'ai mayi neta'ague da piguem.

Mateo 6:30

Qaq ñi Dios da nachi 'eetec de'eda, da n'otaxanaxan anam huoue mayi huetauga nagui na n'onaxa, qamaq ca lÿa na'a'q nachi qaÿasaxangui ca nodec, qaq ¿sa ishito' da nachi 'eetec naq'en de'eda da qoñiita, qami' mayi saq 'amaqtaq da qadpi'iÿaxaqui?

Mateo 6:32

Cha'ayi na shiÿaxauapi nachi lhuennataxat 'enauac ne'enapi. Qalaxayi qami' huo'o ñim qadta'ai mayi neta'ague da piguem, ñimayi ÿaÿaten da qami' qaviñiitac 'enauac ne'enapi.

Mateo 7:11

Yi qami' matem qami' qauemaiqa, qalaq qauaÿajñi da qai'añiim ca no'on cam qai'alqui. Qaq ¡táloxochiyictoxo' da saq ÿacteec ñim qadta'ai mayi neta'ague da piguem da ishit da ÿanem ca no'on cam iÿaxanot ñimayi!

Lucas 11:12

¿Huo'otaq ca llalec da iÿaxanaique ca 'olgaxa lco'oue', nachi ÿanem ca pelaqtoit?

Lucas 11:2

Nachi so Jesús 'enapeco': –Da ivita da qanatamñi, qalaq qoñiita': 'Am qadta'a mayi qoneto'ot na piguem, 'enauac qaÿi'oxoden da 'ad'enaxat. Ña 'anamaxaño' qome da 'ad'onataxanaxac, yaqto' i'ot ca qonetapeguec 'enauac nam huetalec ana 'alhua, 'eeta'am nam hueto'ot na piguem.

Lucas 18:7

Qaq ñi Dios ¿peta'a saq 'eeteco' nataq'en de'eda, da iuejlec cam lca'aguishic mayi nachoxodeetacot ñimayi naua na'axa'tesa'chi qataq naua pe'? Qaq ¿peta'a huo'o ca ÿictega? 'A'i.

Juan 4:10

Nachi so Jesús 'enapeco': –Nashíctaxa da 'am 'auauatton cam ÿan ñi Dios, qataq nam 'am iÿaxaatacot ca laquip, nachi yi'oqtáctaxa da 'am ishit da aÿim 'auÿaxanot, nachi aÿímctaxa 'am sanem ca 'etaxat mayi npaxaatashiguem.

Hechos 2:38

Nachi so Pedro 'enapego' somayipi, 'eeta': –Qomyi qaualachi' qome naua qan'onataxacolli' da qoquiigue ñi Dios, nachi qami' qanachilaxa'n, qaÿachilaxanataxana da l'enaxat so Jesucristo, yaqto' ñi Dios ÿapalaxat na qadasouaxashichi, qataq qami' ÿanema ca Espíritu Santo.

Romanos 5:17

Cha'ayi de'eda nleuaxa da huo'otaq chigoqchigui da lasouaxashit so 'oonolec shiÿaxaua da ÿataqta huo'o da l'añaxac co'ollaxa, nachi ¿táloxochiyictoxo' da saq 'eetec nam shiÿaxauapi mayi chochi ÿaatem ñi Dios da ishit da ÿaÿamaxadeeta? Namayipi ishit da huo'o da l'añaxac dam dalaxaic achaalataxac mayi chigoqchigui so 'oonolec shiÿaxaua Jesucristo.

Romanos 7:18

Cha'ayi aÿim saÿaten da sa ishit da huo'o ca ÿaÿamaqchiguiñi huetaigui da yi'oqchigui ÿapachiyaxac. Qaq nai'ctaxa da aÿim huo'o da iyaxa da so'ot ca ÿaÿamaqchiguiñi, qalaxayi sa ishit da sañoxot da so'ot.

Romanos 8:32

Cha'ayi ñim Dios mayi ÿataqta sa ÿauota'ac so lalamaxat llalec, chaqdata da ÿanguet da nalaataguec souaxat da shinaqta. Qaq ¿táloxochiyictoxo' da sa lÿateec naq'en so llalec da qomi' ÿanema 'enauacna, da yaqto' qadalamaxat?

Tito 3:3

Cha'ayi nachi 'en'ama qomi' co'olloxochi saxanaxa da sa'amqajnataxanaq. Ÿataqta qaica ca saÿajnaqpec, qataq sa salaxasoxolec ñi Dios. Sesomaqtac, qataq qomi' l-lataqa na ÿotta'a't qadqopitaxanaqtaic qataq qadamanaxanaqtaic. Souaqtaigui da so'otaqtapeguec ca sa ÿaÿamaxañi ca qadÿa, qataq sepa'aguenaqtac. Mashi sotaq qomi' qaishitegueta. Chaqdata da ñipa'aguenaqtega't.