Lucas 10:27 - Nuevo Testamento Toba Sur

²⁷ Nachi som dapaxaguenataxanapec 'eeta': –“Ÿataqta 'auauotec ñi 'adataxala' Dios, ÿataqta 'amato'ot 'enauac da 'adquiyaqteÿaxac, 'adca'alaxa, 'ad'añaxac qataq 'enauac da 'adhuennataxac, nataq'en ÿataqta 'auauotec ca qoneta'am 'adÿa, 'eeta'am da maichi 'anauojla't.”

Nuevo Testamento Toba Sombrero Negro

²⁷ Ñe'me paĝaguenataĝanaĝaic daa'me Dios lamaĝajoĝonaĝaco 'yateguet: —Eet'oi: «Adoqopita ñe'me Adejaliaĝanec jo'ne Anedios, auemata na'me adauel, auemata na'me adepaqal, auemata da'me at'añaĝac nataq'aen auematalegue da'me adelnataĝac.» Nataq'aen: «Adoqopita ga'me adaqaya nach'e naq'aeta nale anoqopitela't.»

La'aqtaqa Ñim Lo'onatac 'Enauacna 2013

²⁷ Nache som dapaxaguenataxaatapeguec na namaxasoxonaxacpi, 'eeta': –«Ỹataqta 'auauotec Ñim Nataxala' maye Lo'onatac 'Enauacna, ỹataqta 'aumato'ot 'enauac da 'arquiyaqteỹaxac, 'arca'alaxa, 'ara'añaxac qataq 'enauac da 'arhuennataxac, nataqa'en ỹataqta 'auauotec ca 'arỹa, 'eeta'am da 'arauotaxanaqtaic da maiche 'anachaalataxac.»

Lucas 10:27 Iomraidhean Croise

Mateo 19:19

qataq 'aualaxalec ca 'adta'a qataq aca 'adate'e; qataq ÿataqta 'auauotec ca 'adÿa, 'eeta'am 'anqa'en da maichi 'anauojla't.

Lucas 10:26

Nachi so Jesús 'enapeco': –¿Négue't nam nanettañi nqataxacpi mayi chigoqo'ot so Moisés? ¿'Éetec cam 'adtaxaÿaxanataxanaxac?

Romanos 13:9

Cha'ayi na namaxasoxonaxacpi 'eeta': “Sa ishit da 'ancachitapegue' aca sa 'adhua, sa ishit da 'aualaataxan, qataq sa ishit da 'aucachi, qataq sa ishit da 'aucachiÿa'a da huo'o ca 'auasaxalec ca camachicague't, qataq sa ishit da 'auqopitta'a ca ÿaqa'a.” Qalaxayi de'eda qataq 'enauac na laÿi namaxasoxonaxacpi imatta't da n'aqtac mayi 'eeta': “'Auauotec ca 'adÿa, 'eeta'am 'anqashin da maichi 'anauojla't.”

Gálatas 5:13

Cha'ayi qami' ÿaqaÿa't, qami' qaiÿaxanalo da yaqto' qami' huesochiyiñi. Qalaxayi chaqdato' qome da sa ishit da qau'ashaxañiÿai' de'eda qansoxoqui da yaqto' qau'ochi cam 'eetapeguec dam qadapachiyaxaqui. Chaqdato' da ñi 'oonolec da qoñiita huapegue' ca lÿa, souaxat dam qadsoxoyiqui.

Hebreos 8:10

Qaq cam ñaÿamaxataxac qom ñaÿamaxate' na llalaqpi so Israel qom mashi inoxoodeec que'ecaua na'axa'te, camayi qome ipacchigui da 'enapec ñi qadataxala', 'eeta': Aÿim qome sachaigui da lhuennataxac namayipi da ÿamaxasoxonaxac, qataq sedelguete naua lquiyaqte. Nachi namayipi aÿim lta'a Dios, qataq namayi maichi ÿalamaxatpi.

Santiago 2:8

Da ÿoqta 'eesa qau'ochi dam napacalec na laÿipi nqataxacpi mayi 'eeta': “'Auauotec ca 'adÿa, 'au'enaxatchigui da maichi 'anauojla't,” qaq damayi ÿataqta ÿaÿamaqchiguiñi.

1 Juan 3:18

Qami' ÿalqolqa, de'eda qadsoxoyic sa ishito' qome da chochi ndotreec naua qad'aqtaqa, chaqdato' qome da ÿataqta 'eesa da qadsoxoyic, yaqto' ÿataqta qaila'a da huo'o ca so'otaq.