Lucas 10:21 - Nuevo Testamento Toba Sur

²¹ Huaña, nachi so Espíritu Santo i'ot da ntonapigui' naq'en so Jesús, nachi 'enapeco': –'Am ita'a, 'am sanot da ñi'oxonnataxanaxac, mayi nachi'am lataxala' na neto'ot na piguem qataq na huetalec ana 'alhua, cha'ayi 'am 'auachaxana nam qaica ca ÿaÿajnapec dam 'oxochiisop co'olloxochiyi nam ÿajnaxanaxaicpi qataq nam huattonaxanaxaicpi. Aja', 'am ita'a, cha'ayi nachida da maichi 'adhuennataxac.

Nuevo Testamento Toba Sombrero Negro

²¹ Qanach'ega ua'a ca'li, ñe'me Dios Lepaqal najaqachigui q'aen ñe'me Jesús da'me lamaic, qama'le enaac: “Am 'ñonaĝachigui, Taĝadena', Jaliaĝanec di'me p'ajeguem piyem nataq'aen jena'me aleua, qa'a aualoĝonalo dojo' jogaa'me ja t'añi'y gaa'me uo'oe jo'ne auoĝochi'ñejopa gaa'me yatenaĝanaĝayaqa nataq'aen tadenataĝa'n. Eja, Taĝadena', qa'a naq'aeta da'me jo'ne auepaquetapega.

La'aqtaqa Ñim Lo'onatac 'Enauacna 2013

²¹ Huaña, nache So Saqcha'a Na'añaxac Qui'itta ỹo'ot da ntonapigui' So Jesús, nache Somaye 'enapeco': «'Am Ita'a maye 'aulotague' na piguem qataq ana 'alhua 'am sanot da ỹo'oxonnataxanaxac, cha'aye 'auachaxana de'era na ñaqpiolec qaltaq nam 'ena'am namayepi. Qalaxaye saishet da 'auachaxana na lta'araic da lauattonaxanaxac, qataq ỹaanaxanaxaicpi, cha'aye nachera dam maiche 'arhuennataxac 'am Ito'olec.»

Lucas 10:21 Iomraidhean Croise

Mateo 16:17

Nachi so Jesús 'enapeco': –'Am Simón mayi 'am llalec so Jonás, ÿataqta lta'adaic qome da 'adamaic, cha'ayi sa ishit da chochi shiÿaxaua ca 'am ÿaÿajnaxanaxanec de'eda, chaqñita ñi ita'a mayi neta'ague da piguem.

Mateo 21:16

Nachi somayipi 'enapega so Jesús, 'eeta': –¿'Am peta'a 'au'aqtega da 'enapec ne'enapi? Nachi so Jesús 'enapeco': –Aja', sa'aqtega. Qalaxayi qami' ¿sa ishito' peta'a da qautaxaÿaxañi naxa da 'enapec naua ñiyigui'shi l'aqtaqa ñi Dios? Mayi 'eeta': 'Au'otec nam ñaqpiolec qataq nam ñaq lliptac da ÿataqta ÿaÿamaqchiguiñi da lli'oxonnataxanaxac.

Mateo 3:7

Qalaxayi so Juan co'ollaq ila'a da ÿataqta qalota na chigaqaigui na fariseopi qataq na chigaqaigui na saduceopi da anac da huotaique da qanachilaxan, nachi somayi 'enapega, 'eeta': –¡Qami' n'adaxanaq llalaqpi! ¿Négue't ca qami' icoyigue'n, da yaqto' qananeltaxañiiguet cam qaica ca 'en'am da lchiquiaxac nhuaxanaguecna mayi sa qaÿapeque?

Marcos 10:15

Qaq ÿataqta 'eesa de'eda qami' sa'axatema, da ca sa ishit da i'enaxat ca nogotolec da ÿaconguet da l'onataxanaxac ñi Dios da ilo'ogue 'enauacna, nachi camayi sa ishit da inoxoneuo.

Lucas 15:5

Qaq da huo'otaq mashi ÿanata, nachi ÿachilec na lallac, nachi ÿataqta machiguiñi.

Lucas 15:9

Qaq qom mashi ÿanata, nachi lapona't aca nauochaxauapi qataq acam lauodeuapi. Nachi 'enapega, 'eeta': “Qantoñiitapigui' qome, qoñiita'am aÿim, cha'ayi mashi sanata ayi aÿom lÿa mayi daqat.”

Juan 11:41

Nachi qanqateec so coma'. Nachi so Jesús ÿamato'ot na piguem, nachi 'enapeco': –'Am ita'a, 'am sanot da ñi'achiquiaxac, cha'ayi 'am aÿim 'au'axaÿa.

2 Corintios 4:3

Qaq ÿoqo'oyi da huo'otaq sa ishit da qaila'a de'eda sa'axataqtac n'aqtaxanaxac mayi naigui da nca'alaxa, qalaxayi nachaqnata na shiÿaxauapi mayi taÿa'a da qanlaxajñi.

Efesios 1:11

Cha'ayi ñi Dios nal'ena co'ollaxa da qomi' lca'agui'shi da ÿauotaique da qomi' ÿanema ca ÿan qomilchiyi ñimayi, qaq damayi ÿachigoxotchigui nagui da qomi' ñi'adaqtau'a so Cristo. Qaq 'enauac de'eda ÿataqta nateeteguet da maichi lhuennataxa ñimayi, mayi maichi l'onatac 'enauac na lataxaguesat, qataq i'ot ca ÿaÿamaxadeeta.

Efesios 1:5

Qaq nal'ena co'ollaxa da qomi' ÿaqataxaatai'salo da ÿauo'oi qomi' llalqa, souaxat da lsoxoyic. Qaq damayi ÿachigoxotchigui so Jesucristo, cha'ayi nachida da ÿaÿamaxadeeta ñimayi qataq maichi 'eetapeguec.