Lucas 10:11 - Nuevo Testamento Toba Sur

¹¹ “Ivida'a na namoxoÿaxa nam qadmayi mayi talguete naua qadchil, namayi sechigoxosoxouec, qaq damayi l'anaxat da maichi qanasouaxachiila't. Qalaxayi qami' qauaÿajñiita da l'onataxanaxac ñi Dios da ilo'ogue 'enauacna, damayi mashi qami' nayiita'alo.”

Nuevo Testamento Toba Sombrero Negro

¹¹ «¡Chayovida'a ga'me enaĝayaĝa jo'ne chiyoqoda'ña jenjo' at'achaqachidi', jo'ne qapaleque naa'me qadapia'te, nayi qanechiyoĝodiñe naa'me qadapia'te ena'am da'me ami ñautenaĝalo! Qalaĝaja 'noota qom auayachiñe da'me dojo' queda'me lejaliaĝa ñe'me Dios joote ami nadi'talo.»

La'aqtaqa Ñim Lo'onatac 'Enauacna 2013

¹¹ «Qomi' saishet da qami' saqtegueua'alo. Ỹoqo'oye ivira'a na namoxoỹaxa nam qarmaye maye taleguete naua qarapia'ate, namaye sechegoxosoxouec. Qalaxaye qami' iuen da qauaỹaañi de'era, 'eeta': Mashe nayeetai' da lo'onataxanaxac Ñim Lo'onatac 'Enauacna.»

Lucas 10:11 Iomraidhean Croise

Mateo 10:14

Qaq da huo'otaq sa ishit da qami' ÿacongueta, huo'otaq da sa ishit da qami' n'axaÿaxanalo, nachi qoquiÿa'ai que'eca nma', huo'otaq que'eca pueblo. Ime, nachi qauchigoqoiuec na namoxoÿaxa mayi talguete naua qadapia'chilli'.

Mateo 10:7

Nachi qau'axachiim qome da mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Mateo 3:2

Qaq da l'aqtaxanaxac 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Marcos 6:11

Qaq da huo'o ca huaña da sa ishit da qami' ÿacongueta qataq sa qami' n'axaÿaxanalo, nachi qoquiÿa'ai camayi, qalaxayi qauchigoqoiuec qome na namoxoÿaxa naua qadapia'chilli', qaq damayi nachi l'anaxat da camayipi maichi nasouaxajla't. Qaq ÿataqta 'eesa de'eda qami' sa'axatema da qom ivita que'eca pa'ateec na'a'q qom nmit na nasouaxashitpi ñi Dios, nachi saqalligueme qome da nhuaxanaguec nam lma' so Sodoma qataq so Gomorra, qaq saq 'en'am qome ca nhuaxanaguec qanqoÿin ne'ena shiÿaxauapi mayi sa qami' ÿacongueta.

Lucas 10:10

Qaq da qavichiÿa ca pueblo da huaña da saq qami' ÿacongueta, nachi qanqo'oñiuga ca nqa'aic, nachi qoñiita':

Lucas 10:9

Nachi qanatayiñi 'enauac nam sa no'onpi mayi hueta'a camayi, qataq qau'aqtaxañiim, qoñiita': “Da l'onataxanaxac ñi Dios da ilo'ogue 'enauacna, damayi mashi qami' nayiita'alo.”

Lucas 9:5

Qaq ca huaña da sa ishit da qami' qaÿacongueta, qalaq qoquiÿa'ai que'eca pueblo. Ime, qaq qauchigoqoiuec na namoxoÿaxa naua qadapia'chilli'. Qaq damayi l'anaxat da maichi nasouaxajla't camayipi.

Hechos 13:26

Qaq qami' ÿaqaÿa't mayi qami' llalaqpi so Abraham qataq 'enauac da qoñiita mayi ÿataqta qayi'iÿai ñi Dios, de'eda qai'axattac nca'alaxa, damayi nachi qadalamaxachi.

Hechos 13:40

Qaq ÿoqo'oyi maxatchaxa qome da qoñiita, ten qom qami' tachiguilo naua l'aqtaqa som l'aqtaxanaxanecpi ñi Dios, mayi 'eeta':

Hechos 13:46

Qalaxayi so Pablo qataq so Bernabé sa ishit da ñi'idelec da l'aqtaxanaxa'c. Nachi co'ollaq ime, nachi 'ena'po': –Da l'aqtac ñi Dios, damayi iuen da hua'auñi da qai'axatem nam judiopi. Qalaxayi nagui yi qami' sa ishit da qauacoñiiguet, qataq qoñiÿapec yi sa iuen da qauacoñiiguet da nca'alaxa mayi chochaq tateec, qaq qomoxochictaxa qomi' nagui saxaigui nam sa ishit da judío l'ecpi.

Hechos 13:51

Huaña, nachi soomayi ichigoxodeec na namoxoÿaxa naua lapia'te, qaq damayi nachi l'anaxat da maichi nasouaxajla't somayipi. Nachi soomayi nqo'ooda yi la ciudad Iconio.

Romanos 10:21

Qataq co'ollaq detaxaÿa na Israel l'ecpi so Isaías, qalaq 'eeta': “Ÿataqta ima yi na'a'q da aÿim seÿaxaatega nam shiÿaxauapi mayi aÿim sa ÿalaxaguet qataq aÿim npa'aguene'.”

Romanos 10:8

Qaq 'eda dam 'eetega naua ñiyigui'shi l'aqtaqa ñi Dios, mayi 'eeta': “Naua n'aqtaqa ÿataqta sa qaÿapiguii naq'en 'am da 'au'axa't qataq 'au'amaqte'n.” Qaq 'eda da n'aqtaxanaxac mayi i'axat da qai'amaqten ñi Dios dam sa'axataqtac.

Hebreos 1:3

Qaq somayi nachiso som lli'oxoyic da l'edaxa ñi Dios, qataq somayi nachiso som lqui'iÿaxac ñimayi, qataq somayi nachiso som nllitañi 'enauacna, nam l'aqtaqa mayi qaica ca ÿaqalana'pe. Qaq somayi co'ollaq imat da iÿouec 'enauac nam qadasouaxashitpi, nachi somayi nso'ongue da aloic ñi Dios mayi nso'ootangui aca nso'onaxaqui da nta'a mayi neta'ague da piguem.